1 וַיְהִ֗י כְּהָכִ֞ין מַלְכ֤וּת רְחַבְעָם֙ וּכְחֶזְקָת֔וֹ עָזַ֖ב אֶת־תּוֹרַ֣ת יְהֹוָ֑ה וְכׇל־יִשְׂרָאֵ֖ל עִמּֽוֹ׃ פ
2 וַיְהִ֞י בַּשָּׁנָ֤ה הַֽחֲמִישִׁית֙ לַמֶּ֣לֶךְ רְחַבְעָ֔ם עָלָ֛ה שִׁישַׁ֥ק מֶלֶךְ־מִצְרַ֖יִם עַל־יְרוּשָׁלָ֑͏ִם כִּ֥י מָעֲל֖וּ בַּיהֹוָֽה׃
3 בְּאֶ֤לֶף וּמָאתַ֙יִם֙ רֶ֔כֶב וּבְשִׁשִּׁ֥ים אֶ֖לֶף פָּרָשִׁ֑ים וְאֵ֣ין מִסְפָּ֗ר לָעָ֞ם אֲשֶׁר־בָּ֤אוּ עִמּוֹ֙ מִמִּצְרַ֔יִם לוּבִ֥ים סֻכִּיִּ֖ים וְכוּשִֽׁים׃
5 וּֽשְׁמַעְיָ֤ה הַנָּבִיא֙ בָּ֣א אֶל־רְחַבְעָ֔ם וְשָׂרֵ֣י יְהוּדָ֔ה אֲשֶׁר־נֶאֶסְפ֥וּ אֶל־יְרוּשָׁלַ֖͏ִם מִפְּנֵ֣י שִׁישָׁ֑ק וַיֹּ֨אמֶר לָהֶ֜ם כֹּה־אָמַ֣ר יְהֹוָ֗ה אַתֶּם֙ עֲזַבְתֶּ֣ם אֹתִ֔י וְאַף־אֲנִ֛י עָזַ֥בְתִּי אֶתְכֶ֖ם בְּיַד־שִׁישָֽׁק׃
7 וּבִרְא֤וֹת יְהֹוָה֙ כִּ֣י נִכְנָ֔עוּ הָיָה֩ דְבַר־יְהֹוָ֨ה אֶל־שְׁמַעְיָ֧ה לֵאמֹ֛ר נִכְנְע֖וּ לֹ֣א אַשְׁחִיתֵ֑ם וְנָתַתִּ֨י לָהֶ֤ם כִּמְעַט֙ לִפְלֵיטָ֔ה וְלֹא־תִתַּ֧ךְ חֲמָתִ֛י בִּירוּשָׁלַ֖͏ִם בְּיַד־שִׁישָֽׁק׃
9 וַיַּ֨עַל שִׁישַׁ֥ק מֶלֶךְ־מִצְרַ֘יִם֮ עַל־יְרוּשָׁלַ֒͏ִם֒ וַיִּקַּ֞ח אֶת־אֹצְר֣וֹת בֵּית־יְהֹוָ֗ה וְאֶת־אֹֽצְרוֹת֙ בֵּ֣ית הַמֶּ֔לֶךְ אֶת־הַכֹּ֖ל לָקָ֑ח וַיִּקַּח֙ אֶת־מָגִנֵּ֣י הַזָּהָ֔ב אֲשֶׁ֥ר עָשָׂ֖ה שְׁלֹמֹֽה׃
10 וַיַּ֨עַשׂ הַמֶּ֤לֶךְ רְחַבְעָם֙ תַּחְתֵּיהֶ֔ם מָגִנֵּ֖י נְחֹ֑שֶׁת וְהִפְקִ֗יד עַל־יַד֙ שָׂרֵ֣י הָרָצִ֔ים הַשֹּׁ֣מְרִ֔ים פֶּ֖תַח בֵּ֥ית הַמֶּֽלֶךְ׃
11 וַיְהִ֛י מִדֵּי־ב֥וֹא הַמֶּ֖לֶךְ בֵּ֣ית יְהֹוָ֑ה בָּ֤אוּ הָֽרָצִים֙ וּנְשָׂא֔וּם וֶהֱשִׁב֖וּם אֶל־תָּ֥א הָרָצִֽים׃
12 וּבְהִכָּֽנְע֗וֹ שָׁ֤ב מִמֶּ֙נּוּ֙ אַף־יְהֹוָ֔ה וְלֹ֥א לְהַשְׁחִ֖ית לְכָלָ֑ה וְגַם֙ בִּֽיהוּדָ֔ה הָיָ֖ה דְּבָרִ֥ים טוֹבִֽים׃ ס
13 וַיִּתְחַזֵּ֞ק הַמֶּ֧לֶךְ רְחַבְעָ֛ם בִּירוּשָׁלַ֖͏ִם וַיִּמְלֹ֑ךְ כִּ֣י בֶן־אַרְבָּעִ֣ים וְאַחַ֣ת שָׁנָה֩ רְחַבְעָ֨ם בְּמׇלְכ֜וֹ וּֽשְׁבַ֨ע עֶשְׂרֵ֥ה שָׁנָ֣ה מָלַ֣ךְ בִּירוּשָׁלַ֗͏ִם הָ֠עִ֠יר אֲשֶׁר־בָּחַ֨ר יְהֹוָ֜ה לָשׂ֨וּם אֶת־שְׁמ֥וֹ שָׁם֙ מִכֹּל֙ שִׁבְטֵ֣י יִשְׂרָאֵ֔ל וְשֵׁ֣ם אִמּ֔וֹ נַעֲמָ֖ה הָעַמֹּנִֽית׃
15 וְדִבְרֵ֣י רְחַבְעָ֗ם הָרִֽאשֹׁנִים֙ וְהָאַ֣חֲרוֹנִ֔ים הֲלֹא־הֵ֨ם כְּתוּבִ֜ים בְּדִבְרֵ֨י שְׁמַעְיָ֧ה הַנָּבִ֛יא וְעִדּ֥וֹ הַחֹזֶ֖ה לְהִתְיַחֵ֑שׂ וּמִלְחֲמ֧וֹת רְחַבְעָ֛ם וְיָרׇבְעָ֖ם כׇּל־הַיָּמִֽים׃
16 וַיִּשְׁכַּ֤ב רְחַבְעָם֙ עִם־אֲבֹתָ֔יו וַיִּקָּבֵ֖ר בְּעִ֣יר דָּוִ֑יד וַיִּמְלֹ֛ךְ אֲבִיָּ֥ה בְנ֖וֹ תַּחְתָּֽיו׃ פ
1 נִכְנְעוּ לֹא אַשְׁחִיתֵם. דֻּגְמָא לְמַטָּה: ״עוֹדֶנּוּ הָאָרֶץ לְפָנֵינוּ כִּי דָרַשְׁנוּ ה׳ אֱלֹהֵינוּ דָּרַשְׁנוּ וְגוֹ׳״ דברי הימים ב יד:ו; כֵּן דֶּרֶךְ הַפָּסוּק: כְּשֶׁמַּפְסִיק בֵּנְתַיִם, כּוֹפֵל עוֹד הַתֵּיבָה לְאוֹמְרָהּ; דֻּגְמָא: ״וְהָיָה כִּי תֵלֵךְ עִמָּנוּ וְהָיָה הַטּוֹב וְגוֹ׳״ במדבר י:לב:
3 וְיֵדְעוּ עֲבוֹדָתִי. כְּשֶׁיָּשׁוּבוּ, לֹא יִהְיֶה עֲלֵיהֶם שׁוּם מוֹשֵׁל מִמַּלְכֵי עוֹבְדֵי כוֹכָבִים, אֲבָל כְּשֶׁתָּשׁוּבוּ מֵאַחֲרֵי תּוֹרָתִי, תֵּדְעוּ עֲבוֹדַת מַלְכֵי הָאֲרָצוֹת וְתַעַבְדוּ לָהֶם:
4 וְהִפְקִיד עַל יַד שָׂרֵי הָרָצִים. לָקַח הַמָּגִנִּים מִבֵּית יַעַר הַלְּבָנוֹן מלכים א י:יז וְהִפְקִידָם לְשָׂרֵי הָרָצִים, וְאַחַר כָּךְ הֱשִׁיבָם אֶל ״תָּא הָרָצִים״ מלכים א יד:כח, חֶדֶר הָרָצִים, כְּלוֹמַר: אֶל מְקוֹמָם. עִנְיָן אַחֵר מִפִּי מוֹרִי: לְפִי שֶׁהָיָה דּוֹאֵג מִמֶּלֶךְ מִצְרַיִם וּמִמֶּלֶךְ יִשְׂרָאֵל, הָיוּ נוֹשְׂאִין אוֹתָן לְפָנָיו:
5 וּבְהִכָּנְעוֹ שָׁב מִמֶּנּוּ חֲרוֹן אַף ה׳. הָיָה לוֹ לוֹמַר לְמַעְלָה מִיָּד כְּשֶׁאָמַר וַיַּעַל שִׁישַׁק וְגוֹמֵר, אֶלָּא שֶׁהִפְסִיק בֵּנְתַיִם לְצֹרֶךְ וַיַּעַשׂ תַּחְתֵּיהֶם מָגִנֵּי נְחֹשֶׁת:
6 וַיִּתְחַזֵּק הַמֶּלֶךְ רְחַבְעָם. וּמְפָרֵשׁ לָמָּה, שֶׁהֲרֵי כְּשֶׁהוּמְלַךְ תְּחִלָּה הָיָה בֶן אַרְבָּעִים וְאַחַת, לְפִיכָךְ הָיָה בּוֹ כֹּחַ וְחוֹזֶק לְהִתְחַזֵּק מֵעַצְמוֹ, כִּי הָיָה בֶּן שָׁנָה כְּשֶׁמֵּת דָּוִד, שֶׁהֲרֵי שְׁלֹמֹה מָלַךְ אַרְבָּעִים שָׁנָה דברי הימים ב ט:ל, וּשְׁלֹמֹה עֲדַיִן לֹא מָלַךְ כְּשֶׁנּוֹלַד רְחַבְעָם, נִמְצָא שֶׁרְחַבְעָם הָיָה בֶן אַרְבָּעִים וְאַחַת כְּשֶׁמָּלַךְ:
7 הָעִיר אֲשֶׁר בָּחַר ה׳ לָשׂוּם אֶת שְׁמוֹ שָׁם מִכֹּל שִׁבְטֵי יִשְׂרָאֵל. אֶלָּא שֶׁנִּתְקַלְקְלוּ בְּמַעֲשֵׂיהֶם, כְּדִכְתִיב וַיַּעַשׂ הָרָע, כִּי לֹא הֵכִין לִבּוֹ לִדְרוֹשׁ אֶת ה׳, וְגָרְמוּ שֶׁנִּסְתַּלְּקָה שְׁכִינָה מֵהֶם; וּכְאִלּוּ קוֹבֵל וּמְפִיגִין עַל כָּךְ:
8 בְּדִבְרֵי שְׁמַעְיָה הַנָּבִיא. כָּל נָבִיא וְנָבִיא הָיָה כּוֹתֵב סִפְרוֹ מַה שֶּׁהָיָה מִתְנַבֵּא, וְזֶהוּ שְׁמַעְיָה שֶׁאָמַר לְעֵיל דברי הימים ב יא:ב; וּלְקַמָּן מוֹכִיחַ: ״וְיֶתֶר דִּבְרֵי אֲבִיָּה וּדְרָכָיו וּדְבָרָיו כְּתוּבִין בְּמִדְרַשׁ הַנָּבִיא עִדּוֹ״ דברי הימים ב יג:כג – סִפְרוֹ הָיָה נִקְרָא מִדְרָשׁ:
