רש"י על דברי הימים ב ח׳

« רש"י על דברי הימים ב ז׳:כ״א רש"י על דברי הימים ב ט׳:א׳ »

1 וַיְהִ֞י מִקֵּ֣ץ עֶשְׂרִ֣ים שָׁנָ֗ה אֲשֶׁ֨ר בָּנָ֧ה שְׁלֹמֹ֛ה אֶת־בֵּ֥ית יְהֹוָ֖ה וְאֶת־בֵּיתֽוֹ׃

2 וְהֶעָרִ֗ים אֲשֶׁ֨ר נָתַ֤ן חוּרָם֙ לִשְׁלֹמֹ֔ה בָּנָ֥ה שְׁלֹמֹ֖ה אֹתָ֑ם וַיּ֥וֹשֶׁב שָׁ֖ם אֶת־בְּנֵ֥י יִשְׂרָאֵֽל׃

3 וַיֵּ֤לֶךְ שְׁלֹמֹה֙ חֲמָ֣ת צוֹבָ֔ה וַיֶּחֱזַ֖ק עָלֶֽיהָ׃

4 וַיִּ֥בֶן אֶת־תַּדְמֹ֖ר בַּמִּדְבָּ֑ר וְאֵת֙ כׇּל־עָרֵ֣י הַֽמִּסְכְּנ֔וֹת אֲשֶׁ֥ר בָּנָ֖ה בַּחֲמָֽת׃

5 וַיִּ֜בֶן אֶת־בֵּ֤ית חוֹרוֹן֙ הָעֶלְי֔וֹן וְאֶת־בֵּ֥ית חוֹר֖וֹן הַתַּחְתּ֑וֹן עָרֵ֣י מָצ֔וֹר חוֹמ֖וֹת דְּלָתַ֥יִם וּבְרִֽיחַ׃

6 וְאֶֽת־בַּעֲלָ֗ת וְאֵ֨ת כׇּל־עָרֵ֤י הַֽמִּסְכְּנוֹת֙ אֲשֶׁ֣ר הָי֣וּ לִשְׁלֹמֹ֔ה וְאֵת֙ כׇּל־עָרֵ֣י הָרֶ֔כֶב וְאֵ֖ת עָרֵ֣י הַפָּרָשִׁ֑ים וְאֵ֣ת כׇּל־חֵ֣שֶׁק שְׁלֹמֹ֗ה אֲשֶׁ֤ר חָשַׁק֙ לִבְנ֤וֹת בִּירוּשָׁלַ֙͏ִם֙ וּבַלְּבָנ֔וֹן וּבְכֹ֖ל אֶ֥רֶץ מֶמְשַׁלְתּֽוֹ׃

7 כׇּל־הָ֠עָ֠ם הַנּוֹתָ֨ר מִן־הַחִתִּ֜י וְהָאֱמֹרִ֤י וְהַפְּרִזִּי֙ וְהַחִוִּ֣י וְהַיְבוּסִ֔י אֲשֶׁ֛ר לֹ֥א מִיִּשְׂרָאֵ֖ל הֵֽמָּה׃

8 מִן־בְּנֵיהֶ֗ם אֲשֶׁ֨ר נוֹתְר֤וּ אַֽחֲרֵיהֶם֙ בָּאָ֔רֶץ אֲשֶׁ֥ר לֹֽא־כִלּ֖וּם בְּנֵ֣י יִשְׂרָאֵ֑ל וַיַּעֲלֵ֤ם שְׁלֹמֹה֙ לְמַ֔ס עַ֖ד הַיּ֥וֹם הַזֶּֽה׃

9 וּמִן־בְּנֵי֙ יִשְׂרָאֵ֔ל אֲ֠שֶׁ֠ר לֹא־נָתַ֧ן שְׁלֹמֹ֛ה לַעֲבָדִ֖ים לִמְלַאכְתּ֑וֹ כִּי־הֵ֜מָּה אַנְשֵׁ֤י מִלְחָמָה֙ וְשָׂרֵ֣י שָׁלִישָׁ֔יו וְשָׂרֵ֥י רִכְבּ֖וֹ וּפָרָשָֽׁיו׃ פ

10 וְאֵ֨לֶּה שָׂרֵ֧י הנציבים הַנִּצָּבִ֛ים אֲשֶׁר־לַמֶּ֥לֶךְ שְׁלֹמֹ֖ה חֲמִשִּׁ֣ים וּמָאתָ֑יִם הָרֹדִ֖ים בָּעָֽם׃

11 וְאֶת־בַּת־פַּרְעֹ֗ה הֶעֱלָ֤ה שְׁלֹמֹה֙ מֵעִ֣יר דָּוִ֔יד לַבַּ֖יִת אֲשֶׁ֣ר בָּנָה־לָ֑הּ כִּ֣י אָמַ֗ר לֹא־תֵשֵׁ֨ב אִשָּׁ֥ה לִי֙ בְּבֵית֙ דָּוִ֣יד מֶלֶךְ־יִשְׂרָאֵ֔ל כִּֽי־קֹ֣דֶשׁ הֵ֔מָּה אֲשֶׁר־בָּ֥אָֽה־אֲלֵיהֶ֖ם אֲר֥וֹן יְהֹוָֽה׃ פ

12 אָ֣ז הֶעֱלָ֧ה שְׁלֹמֹ֛ה עֹל֖וֹת לַֽיהֹוָ֑ה עַ֚ל מִזְבַּ֣ח יְהֹוָ֔ה אֲשֶׁ֥ר בָּנָ֖ה לִפְנֵ֥י הָאוּלָֽם׃

13 וּבִדְבַר־י֣וֹם בְּי֗וֹם לְהַֽעֲלוֹת֙ כְּמִצְוַ֣ת מֹשֶׁ֔ה לַשַּׁבָּתוֹת֙ וְלֶ֣חֳדָשִׁ֔ים וְלַמּ֣וֹעֲד֔וֹת שָׁל֥וֹשׁ פְּעָמִ֖ים בַּשָּׁנָ֑ה בְּחַ֧ג הַמַּצּ֛וֹת וּבְחַ֥ג הַשָּׁבֻע֖וֹת וּבְחַ֥ג הַסֻּכּֽוֹת׃

14 וַיַּעֲמֵ֣ד כְּמִשְׁפַּ֣ט דָּֽוִיד־אָ֠בִ֠יו אֶת־מַחְלְק֨וֹת הַכֹּהֲנִ֜ים עַל־עֲבֹדָתָ֗ם וְהַלְוִיִּ֣ם עַל־מִ֠שְׁמְרוֹתָ֠ם לְהַלֵּ֨ל וּלְשָׁרֵ֜ת נֶ֤גֶד הַכֹּֽהֲנִים֙ לִדְבַר־י֣וֹם בְּיוֹמ֔וֹ וְהַשֹּׁעֲרִ֥ים בְּמַחְלְקוֹתָ֖ם לְשַׁ֣עַר וָשָׁ֑עַר כִּ֣י כֵ֔ן מִצְוַ֖ת דָּוִ֥יד אִישׁ־הָאֱלֹהִֽים׃

15 וְלֹ֣א סָ֩רוּ֩ מִצְוַ֨ת הַמֶּ֜לֶךְ עַל־הַכֹּהֲנִ֧ים וְהַלְוִיִּ֛ם לְכׇל־דָּבָ֖ר וְלָאֹצָרֽוֹת׃

16 וַתִּכֹּן֙ כׇּל־מְלֶ֣אכֶת שְׁלֹמֹ֔ה עַד־הַיּ֛וֹם מוּסַ֥ד בֵּית־יְהֹוָ֖ה וְעַד־כְּלֹת֑וֹ שָׁלֵ֖ם בֵּ֥ית יְהֹוָֽה׃ ס

17 אָז֩ הָלַ֨ךְ שְׁלֹמֹ֜ה לְעֶצְיֽוֹן־גֶּ֧בֶר וְאֶל־אֵיל֛וֹת עַל־שְׂפַ֥ת הַיָּ֖ם בְּאֶ֥רֶץ אֱדֽוֹם׃

18 וַיִּֽשְׁלַֽח־לוֹ֩ חוּרָ֨ם בְּיַד־עֲבָדָ֜יו אוניות אֳנִיּ֗וֹת וַעֲבָדִים֮ י֣וֹדְעֵי יָם֒ וַיָּבֹ֜אוּ עִם־עַבְדֵ֤י שְׁלֹמֹה֙ אוֹפִ֔ירָה וַיִּקְח֣וּ מִשָּׁ֔ם אַרְבַּע־מֵא֥וֹת וַחֲמִשִּׁ֖ים כִּכַּ֣ר זָהָ֑ב וַיָּבִ֖יאוּ אֶל־הַמֶּ֥לֶךְ שְׁלֹמֹֽה׃ פ

פירוש רש"י על דברי הימים ב ח׳

1 וַיְהִי מִקֵּץ עֶשְׂרִים שָׁנָה. פִּתְרוֹן: מִקֵּץ עֶשְׂרִים שָׁנָה שֶׁנִּגְמַר כָּל הַבִּנְיָן שֶׁל בֵּית ה׳ שֶׁבַע שָׁנִים וְאֶת בֵּיתוֹ שְׁלֹשׁ עֶשְׂרֵה שָׁנִים, כְּדִכְתִיב בִּמְלָכִים מלכים א ו:לח – ז:א:

2 וַיִּבֶן אֶת תַּדְמֹר בַּמִּדְבָּר. וּבִמְלָכִים מלכים א ט:יח כְּתִיב ״אֶת תָּמוֹר״ וְ״תַדְמֹר״ קָרִינָן, וְזֶה שֶׁשָּׁנִינוּ בִּיבָמוֹת טז. אֵין מְקַבְּלִים גֵּרִים מִן הַתַּרְמוֹדִים. וּבִבְרֵאשִׁית רַבָּה בראשית רבה נו:יט בְּפָרָשַׁת עֲקֵידָה מְפָרֵשׁ, שֶׁעָזְרוּ לְשׂוֹנְאֵיהֶם שֶׁל יִשְׂרָאֵל, וּלְפִי שֶׁהֵמִירוּ עַצְמָם וְנִתְחַלְּפוּ לְרָעָה בַּסּוֹף, עַל כֵּן נִכְתַּב בַּמְּלָכִים ״תָּמוֹר״ לְשׁוֹן תְּמוּרָה, שֶׁהָיָה לָהֶם לַעֲשׂוֹת לְיִשְׂרָאֵל חֶסֶד עָשָׂה עִמָּהֶם שְׁלֹמֹה, שֶׁבָּנָה לָהֶם כְּרַךְ תַּדְמֹר. וּמִשּׁוּם שְׁלֹמֹה לֹא נִכְתַּב כָּאן ״תָּמוֹר״ אֶלָּא תַּדְמֹר, כְּלוֹמַר: עִיר חֲשׁוּבָה; הַכֹּל לִכְבוֹד שְׁלֹמֹה, שֶׁאֵין כְּבוֹד שְׁלֹמֹה לוֹמַר כָּאן הָא בָּנָה כְּרַךְ שֶׁמָּרְדוּ בּוֹ וְקִלְקְלוּ בּוֹ; וְעַל כֵּן כָּתַב תַּדְמֹר וְלֹא ״תָּמוֹר״:

3 עָרֵי מָצוֹר. לְפִי שֶׁהָיוּ עוֹמְדִים עַל הַתְּחוּם, הֻצְרְכוּ חֹזֶק כָּל כָּךְ:

4 לִמְלַאכְתּוֹ. לִמְלֶאכֶת בִּנְיָנוֹ; לָמָּה? כִּי הַגֵּרִים לִמְלַאכְתּוֹ וְלֹא אַנְשֵׁי יִשְׂרָאֵל, לְפִי כִּי יִשְׂרָאֵל הֵמָּה אַנְשֵׁי חַיִל וְאַנְשֵׁי מִלְחָמָה וְשָׂרֵי רִכְבּוֹ וּפָרָשָׁיו:

5 חֲמִשִּׁים וּמָאתָיִם. וּבִמְלָכִים ״חֲמִשִּׁים וַחֲמֵשׁ מֵאוֹת״ מלכים א ט:כג! אֶלָּא זֶה וָזֶה אֶחָד הוּא, שֶׁמְחַסֵּר לְשָׁם שְׁלֹשׁ מֵאוֹת וְשָׁנָה וּמָנָה אוֹתָם שׁוּב, שֶׁהֲרֵי שָׁם כָּתוּב לְמַעְלָה ״לְבַד מִשָּׂרֵי הַנִּצָּבִים וְגוֹ׳ שְׁלֹשֶׁת אֲלָפִים וּשְׁלֹשׁ מֵאוֹת הָרֹדִים״ מלכים א ה:ל וְכָאן כְּתִיב לְעֵיל ״שְׁלֹשֶׁת אֲלָפִים וְשֵׁשׁ מֵאוֹת״ דברי הימים ב ב:א, נִמְצָא מַה שֶּׁחָסֵר בְּפָסוּק אֶחָד הוֹסִיף בְּפָסוּק אַחֵר. וּמְחַלְּקָם, בִּשְׁבִיל שֶׁהַשְּׁלוֹשׁ מֵאוֹת הַיְּתֵרִים גֵּרִים הָיוּ, וְהָיוּ מְמֻנִּים עַל אוֹתָן שְׁלֹשֶׁת אֲלָפִים וּשְׁלֹשׁ מֵאוֹת הָרוֹדִים עַל שִׁבְעִים אֶלֶף נֹשֵׂא סֵבֶל וּשְׁמוֹנִים אֶלֶף חֹצֵב בָּהָר. וְאֵלּוּ חֲמִשִּׁים וּמָאתַיִם הַנֶּאֱמַר כָּאן – יִשְׂרְאֵלִים הָיוּ, מְמֻנִּים עַל אוֹתָם שְׁלֹשׁ מֵאוֹת גֵּרִים:

6 הֶעֱלָה שְׁלֹמֹה מֵעִיר דָּוִד. הִיא צִיּוֹן, שֶׁהוֹשִׁיבָהּ בְּעִיר דָּוִד כְּשֶׁלְּקָחָהּ, וְהָיְתָה שָׁם עַד כְּלוֹתוֹ לִבְנוֹת אֶת בֵּיתוֹ:

7 כִּי קֹדֶשׁ הֵמָּה. כָּל הָעִיר וְכָל הַבָּתִּים:

8 אֲשֶׁר בָּאָה אֲלֵיהֶם. לְפִי שֶׁבָּאָה אֲלֵיהֶם אֲרוֹן ה׳. בָּאָה – לְשׁוֹן נְקֵבָה, דּוּגְמָא ״וַאֲרוֹן בְּרִית ה׳ נִלְקָחָה״ שמואל א ד:יז:

9 עַל מִזְבַּח ה׳. זֶה מִזְבַּח הַנְּחֹשֶׁת שֶׁבָּנָה שְׁלֹמֹה דברי הימים ב ד:א; ז:ז, וְיֵשׁ מְפָרְשִׁים: מִזְבַּח הַנְּחֹשֶׁת שֶׁעָשָׂה שְׁלֹמֹה תַּחַת מִזְבַּח הַנְּחֹשֶׁת שֶׁבָּנָה מֹשֶׁה שמות לח:ל; לט:לט. וְתֵימַהּ בַּדָּבָר, שֶׁהֲרֵי כְּתִיב: ״וְאֶת עֹלַת כָּל עַם וְכָל דַּם עוֹלָה וְגוֹ׳ יִהְיֶה לְבַקֵּר״ מלכים ב טז:טו, כְּלוֹמַר: מִזְבַּח הַנְּחֹשֶׁת שֶׁהָיָה שָׁם קֹדֶם לָכֵן יִהְיֶה לִי לְבַקֵּר; מִכְּלָל שֶׁהַמִּזְבֵּחַ הָיָה שֶׁל נְחֹשֶׁת:

10 עַד הַיּוֹם מוּסַד בֵּית. מִיּוֹם הִוָּסְדוֹ עַד כְּלוֹתוֹ:

« רש"י על דברי הימים ב ז׳:כ״א רש"י על דברי הימים ב ט׳:א׳ »