1 וַיִּסְפֹּ֨ר שְׁלֹמֹ֜ה שִׁבְעִ֥ים אֶ֙לֶף֙ אִ֣ישׁ סַבָּ֔ל וּשְׁמוֹנִ֥ים אֶ֛לֶף אִ֖ישׁ חֹצֵ֣ב בָּהָ֑ר וּמְנַצְּחִ֣ים עֲלֵיהֶ֔ם שְׁלֹ֥שֶׁת אֲלָפִ֖ים וְשֵׁ֥שׁ מֵאֽוֹת׃ פ
2 וַיִּשְׁלַ֣ח שְׁלֹמֹ֔ה אֶל־חוּרָ֥ם מֶלֶךְ־צֹ֖ר לֵאמֹ֑ר כַּאֲשֶׁ֤ר עָשִׂ֙יתָ֙ עִם־דָּוִ֣יד אָבִ֔י וַתִּֽשְׁלַֽח־ל֣וֹ אֲרָזִ֔ים לִבְנֽוֹת־ל֥וֹ בַ֖יִת לָשֶׁ֥בֶת בּֽוֹ׃
3 הִנֵּה֩ אֲנִ֨י בוֹנֶה־בַּ֜יִת לְשֵׁ֣ם יְהֹוָ֣ה אֱלֹהָ֗י לְהַקְדִּ֣ישׁ ל֡וֹ לְהַקְטִ֣יר לְפָנָ֣יו קְטֹֽרֶת־סַמִּים֩ וּמַעֲרֶ֨כֶת תָּמִ֤יד וְעֹלוֹת֙ לַבֹּ֣קֶר וְלָעֶ֔רֶב לַשַּׁבָּתוֹת֙ וְלֶ֣חֳדָשִׁ֔ים וּֽלְמוֹעֲדֵ֖י יְהֹוָ֣ה אֱלֹהֵ֑ינוּ לְעוֹלָ֖ם זֹ֥את עַל־יִשְׂרָאֵֽל׃
5 וּמִ֤י יַֽעֲצׇר־כֹּ֙חַ֙ לִבְנֽוֹת־ל֣וֹ בַ֔יִת כִּ֧י הַשָּׁמַ֛יִם וּשְׁמֵ֥י הַשָּׁמַ֖יִם לֹ֣א יְכַלְכְּלֻ֑הוּ וּמִ֤י אֲנִי֙ אֲשֶׁ֣ר אֶבְנֶה־לּ֣וֹ בַ֔יִת כִּ֖י אִם־לְהַקְטִ֥יר לְפָנָֽיו׃
6 וְעַתָּ֡ה שְֽׁלַֽח־לִ֣י אִישׁ־חָכָ֡ם לַעֲשׂוֹת֩ בַּזָּהָ֨ב וּבַכֶּ֜סֶף וּבַנְּחֹ֣שֶׁת וּבַבַּרְזֶ֗ל וּבָֽאַרְגְּוָן֙ וְכַרְמִ֣יל וּתְכֵ֔לֶת וְיֹדֵ֖עַ לְפַתֵּ֣חַ פִּתּוּחִ֑ים עִם־הַחֲכָמִ֗ים אֲשֶׁ֤ר עִמִּי֙ בִּיהוּדָ֣ה וּבִירוּשָׁלַ֔͏ִם אֲשֶׁ֥ר הֵכִ֖ין דָּוִ֥יד אָבִֽי׃
7 וּֽשְׁלַֽח־לִי֩ עֲצֵ֨י אֲרָזִ֜ים בְּרוֹשִׁ֣ים וְאַלְגּוּמִּים֮ מֵֽהַלְּבָנוֹן֒ כִּ֚י אֲנִ֣י יָדַ֔עְתִּי אֲשֶׁ֤ר עֲבָדֶ֙יךָ֙ יֽוֹדְעִ֔ים לִכְר֖וֹת עֲצֵ֣י לְבָנ֑וֹן וְהִנֵּ֥ה עֲבָדַ֖י עִם־עֲבָדֶֽיךָ׃
9 וְהִנֵּ֣ה לַֽחֹטְבִ֣ים לְֽכֹרְתֵ֣י הָעֵצִ֡ים נָתַ֩תִּי֩ חִטִּ֨ים מַכּ֜וֹת לַעֲבָדֶ֗יךָ כֹּרִים֙ עֶשְׂרִ֣ים אֶ֔לֶף וּשְׂעֹרִ֕ים כֹּרִ֖ים עֶשְׂרִ֣ים אָ֑לֶף וְיַ֗יִן בַּתִּים֙ עֶשְׂרִ֣ים אֶ֔לֶף וְשֶׁ֕מֶן בַּתִּ֖ים עֶשְׂרִ֥ים אָֽלֶף׃ ס
10 וַיֹּ֨אמֶר חוּרָ֤ם מֶלֶךְ־צֹר֙ בִּכְתָ֔ב וַיִּשְׁלַ֖ח אֶל־שְׁלֹמֹ֑ה בְּאַהֲבַ֤ת יְהֹוָה֙ אֶת־עַמּ֔וֹ נְתָנְךָ֥ עֲלֵיהֶ֖ם מֶֽלֶךְ׃
11 וַיֹּ֘אמֶר֮ חוּרָם֒ בָּר֤וּךְ יְהֹוָה֙ אֱלֹהֵ֣י יִשְׂרָאֵ֔ל אֲשֶׁ֣ר עָשָׂ֔ה אֶת־הַשָּׁמַ֖יִם וְאֶת־הָאָ֑רֶץ אֲשֶׁ֣ר נָתַן֩ לְדָוִ֨יד הַמֶּ֜לֶךְ בֵּ֣ן חָכָ֗ם יוֹדֵ֙עַ֙ שֵׂ֣כֶל וּבִינָ֔ה אֲשֶׁ֤ר יִבְנֶה־בַּ֙יִת֙ לַיהֹוָ֔ה וּבַ֖יִת לְמַלְכוּתֽוֹ׃
13 בֶּן־אִשָּׁ֞ה מִן־בְּנ֣וֹת דָּ֗ן וְאָבִ֣יו אִישׁ־צֹרִ֡י יוֹדֵ֡עַ לַעֲשׂ֣וֹת בַּזָּֽהָב־וּ֠בַכֶּ֠סֶף בַּנְּחֹ֨שֶׁת בַּבַּרְזֶ֜ל בָּאֲבָנִ֣ים וּבָעֵצִ֗ים בָּאַרְגָּמָ֤ן בַּתְּכֵ֙לֶת֙ וּבַבּ֣וּץ וּבַכַּרְמִ֔יל וּלְפַתֵּ֙חַ֙ כׇּל־פִּתּ֔וּחַ וְלַחְשֹׁ֖ב כׇּל־מַחֲשָׁ֑בֶת אֲשֶׁ֤ר יִנָּֽתֶן־לוֹ֙ עִם־חֲכָמֶ֔יךָ וְֽחַכְמֵ֔י אֲדֹנִ֖י דָּוִ֥יד אָבִֽיךָ׃
14 וְ֠עַתָּ֠ה הַחִטִּ֨ים וְהַשְּׂעֹרִ֜ים הַשֶּׁ֤מֶן וְהַיַּ֙יִן֙ אֲשֶׁ֣ר אָמַ֣ר אֲדֹנִ֔י יִשְׁלַ֖ח לַעֲבָדָֽיו׃
15 וַ֠אֲנַ֠חְנוּ נִכְרֹ֨ת עֵצִ֤ים מִן־הַלְּבָנוֹן֙ כְּכׇל־צׇרְכֶּ֔ךָ וּנְבִיאֵ֥ם לְךָ֛ רַפְסֹד֖וֹת עַל־יָ֣ם יָפ֑וֹ וְאַתָּ֛ה תַּעֲלֶ֥ה אֹתָ֖ם יְרוּשָׁלָֽ͏ִם׃ פ
16 וַיִּסְפֹּ֣ר שְׁלֹמֹ֗ה כׇּל־הָאֲנָשִׁ֤ים הַגֵּירִים֙ אֲשֶׁר֙ בְּאֶ֣רֶץ יִשְׂרָאֵ֔ל אַחֲרֵ֣י הַסְּפָ֔ר אֲשֶׁ֥ר סְפָרָ֖ם דָּוִ֣יד אָבִ֑יו וַיִּמָּֽצְא֗וּ מֵאָ֤ה וַחֲמִשִּׁים֙ אֶ֔לֶף וּשְׁלֹ֥שֶׁת אֲלָפִ֖ים וְשֵׁ֥שׁ מֵאֽוֹת׃
17 וַיַּ֨עַשׂ מֵהֶ֜ם שִׁבְעִ֥ים אֶ֙לֶף֙ סַבָּ֔ל וּשְׁמֹנִ֥ים אֶ֖לֶף חֹצֵ֣ב בָּהָ֑ר וּשְׁלֹ֤שֶׁת אֲלָפִים֙ וְשֵׁ֣שׁ מֵא֔וֹת מְנַצְּחִ֖ים לְהַעֲבִ֥יד אֶת־הָעָֽם׃
2 לְהַקְטִיר לְפָנָיו קְטֹרֶת. שֶׁהוּא דֶּרֶךְ כָּבוֹד, וְגַם מַכְפִּיל: כִּי אִם לְהַקְטִיר לְפָנָיו:
3 לְעוֹלָם זֹאת עַל יִשְׂרָאֵל. לְכָךְ אֲנִי מְבַקֶּשְׁךָ לִשְׁלֹחַ אֵלַי בִּנְיָן טוֹב וְחָזָק, לְפִי שֶׁלְּעוֹלָם זָקוּק עַל יִשְׂרָאֵל לְהַקְרִיב קָרְבָּנָם בַּבַּיִת זוֹ אֲשֶׁר אֲנִי בּוֹנֶה:
4 וְהַבַּיִת אֲשֶׁר אֲנִי בוֹנֶה גָּדוֹל. לְפִיכָךְ צָרִיךְ אֲנִי שֶׁתִּשְׁלַח לִי מִבִּנְיָנְךָ. וְאִם תֹּאמַר: תַּקְטִין אֶת הַבַּיִת, כְּדֵי שֶׁלֹּא תִצְטָרֵךְ לַאֲחֵרִים! אֵינִי יָכוֹל, כִּי גָדוֹל אֱלֹהֵינוּ מִכָּל הָאֱלֹהִים, וּלְכָךְ אֵינִי יָכוֹל לְהַקְטִינוֹ וּלְהַמְעִיטוֹ:
5 וּמִי יַעֲצָר כֹּחַ לִבְנוֹת לוֹ בַיִת. לְפִי שֶׁאָמַר וְהַבַּיִת אֲשֶׁר אֲנִי בוֹנֶה גָּדוֹל, שֶׁמָּא יְהֵא מַשְׁמַע לְךָ: גָּדוֹל כָּל סִפּוּקוֹ; וְאֵין זֶה, כִּי מִי יַעֲצֹר כֹּחַ, מִי יָכוֹל לִדְחוֹק וְלַעֲצוֹר כֹּחַ עַצְמוֹ כָּל כָּךְ לִבְנוֹת לוֹ בַיִת הָרָאוּי לוֹ. וְדוּגְמָא לְמַעְלָה ״כִּי נַעֲצֹר כֹּחַ לְהִתְנַדֵּב״ דברי הימים א כט:יד:
6 כִּי הַשָּׁמַיִם וּשְׁמֵי הַשָּׁמַיִם לֹא יְכַלְכְּלוּהוּ. וּלְכָךְ הוּא אוֹמֵר: וּמִי אֲנִי אֲשֶׁר אֶבְנֶה לּוֹ בַיִת, וּמַה שֶּׁאֲנִי בּוֹנֶה לוֹ לֹא כְלוּם, כִּי אִם לְהַקְטִיר בּוֹ לְפָנָיו:
8 וְכַרְמִיל. זוֹ ״תּוֹלַעַת שָׁנִי״ שמות כה:ד; תֵּדַע, שֶׁהֲרֵי לֹא נִזְכַּר כָּאן תּוֹלַעַת שָׁנִי:
9 וְיוֹדֵעַ לְפַתֵּחַ פִּתּוּחִים. דֻּגְמַת ״פִּתּוּחֵי חֹתָם״ שמות כח:יא, שֶׁיּוֹדֵעַ לַחְתֹּם וּלְצַיֵּר בָּאֲבָנִים; גְּרָאבִי״ר בְּלָשׁוֹן אַשְׁכְּנַז:
10 נָתַתִּי חִטִּים מַכּוֹת. בִּלְשׁוֹן אַשְׁכְּנַז פול אויף; וְיֵשׁ אוֹמְרִים מַכּוֹת – כְּתוּתִין, לְהוֹצִיא חִטִּים מִן הַשִּׁבֹּלֶת:
15 וְאָבִיו אִישׁ צֹרִי. יְהוּדִי הָיָה, יוֹשֵׁב בְּצוֹר; דּוּגְמָא ״עוֹבֵד אֱדוֹם הַגִּתִּי״ שמואל ב ו:י – שֶׁהָיָה יוֹשֵׁב בְּגַת וְלֵוִי הָיָה. וּבִמְלָכִים כְּתִיב ״וּבֶן אִשָּׁה אַלְמָנָה... מִמַּטֵּה נַפְתָּלִי וְאָבִיו אִישׁ צֹרִי״ מלכים א ז:יד! אֶלָּא אִמּוֹ מִדָּן וְאָבִיו מִנַּפְתָּלִי. וּמַה צָּרִיךְ לְיַחֵס מֵאֵיזֶה שֵׁבֶט הָיָה אָבִיו וְאִמּוֹ? זֶהוּ שֶׁכָּתוּב ״דָּנַנִּי אֱלֹהִים״ בראשית ל:ו וְגַם ״נַפְתּוּלֵי אֱלֹהִים וְגוֹ׳״ בראשית ל:ח – אָמְרָה רָחֵל: מֵעַתָּה עִקַּמְתִּי פְּתוּלִים, עַקְמוּמִיּוֹת עָשִׂיתִי עַד שֶׁאֲנִי יְכוֹלָה לְדַמּוֹת עַצְמִי לְלֵאָה אֲחוֹתִי, אִם לֵאָה תִּתְפָּאֵר בִּבְצַלְאֵל בְּנָהּ שֶׁיַּעֲשֶׂה הַמִּשְׁכָּן, יִצְטָרֵךְ לְהִשְׁתַּתֵּף בִּמְלַאכְתּוֹ אֶחָד מִבְּנֵי דָן, שֶׁנֶּאֱמַר ״וְאִתּוֹ אָהֳלִיאָב בֶּן אֲחִיסָמָךְ לְמַטֵּה דָן״ שמות לח:כג; וְאִם שְׁלֹמֹה בֶּן אֲחוֹתִי יִבְנֶה בֵּית הַמִּקְדָּשׁ צָרִיךְ לְהִשְׁתַּתֵּף עִמּוֹ מִבְּנֵי דָן וְנַפְתָּלִי:
16 וְאָבִיו אִישׁ צֹרִי. לְלַמֶּדְךָ אַף עַל פִּי שֶׁאִמּוֹ אַלְמָנָה צָרִיךְ אָדָם לִתְפֹּשׂ אָמָּנוּת אָבִיו וּלְהַחֲיוֹת אִמּוֹ ספרי אחרים אינו כָּךְ שָׁמַעְתִּי מִפִּי רַבֵּנוּ שְׁלֹמֹה בַּר לֵוִי ממנטויל״א בֶּן אֲחוֹתוֹ שֶׁל רַבֵּנוּ מֹשֶׁה הַדַּרְשָׁן:
19 וַיִּסְפֹּר שְׁלֹמֹה כָּל הָאֲנָשִׁים הַגֵּירִים. מָלֵא בִּשְׁנֵי יוֹדִי״ן. וּמִתְּחִלָּה כְּשֶׁסְּפָרָם דָּוִד נִקְרְאוּ שָׁם ״גֵּרִים״ דברי הימים א כב:ב, בְּיוֹ״ד אַחַת, אֲבָל שְׁלֹמֹה סְפָרָם בִּשְׁעַת מַעֲשֶׂה כְּשֶׁבָּנָה, וּלְכָךְ כְּתִיב מָלֵא; וְדוּגְמָא ״וְהַעֲלִיתֶם אֶת עַצְמוֹתַי מִזֶּה״ – חָסֵר אִתְּכֶם בְּפָרָשַׁת וַיְחִי בראשית נ:כה; בִּשְׁעַת מַעֲשֶׂה כְּשֶׁלְּקָחָן כְּתִיב ״אִתְּכֶם״ שמות יג:יט:
20 וַיִּסְפֹּר וְכוּ׳ אַחֲרֵי הַסְּפָר. לְמַעְלָה, דִּכְתִיב ״וַיֹּאמֶר דָּוִיד לִכְנוֹס אֶת הַגֵּרִים״ דברי הימים א כב:ב:
21 וַיַּעַשׂ מֵהֶם שִׁבְעִים אֶלֶף וְגוֹ׳. מַה שֶּׁחָזַר וּמַזְכִּירָן וּמַזְכִּיר הַמִּסְפָּר, בִּשְׁבִיל שֶׁהִפְסִיק הָעִנְיָן, לְכָךְ הֻצְרַךְ לוֹמַר אַף עַתָּה; וְלֹא יִפְסוֹק עַד שֶׁיִּכְלֶה כָּל הַבִּנְיָן, וְאוֹמֵר מִיָּד ״וַיָּחֶל שְׁלֹמֹה לִבְנוֹת וְגוֹ׳״ דברי הימים ב ג:א. וַאֲפִלּוּ בְּפָסוּק אֶחָד מִנְהָגוֹ שֶׁיַּפְסִיק הָעִנְיָן וּמַתְחִיל לְדִבְרֵי הָרִאשׁוֹן, כְּמוֹ ״זֹאת עֲשׂוּ קְחוּ לָכֶם מַחְתּוֹת קֹרַח וְגוֹ׳״ במדבר טז:ו, וְלַמָּחֳרָתוֹ כְּתִיב ״וַיֹּאמֶר מֹשֶׁה אֶל קֹרַח אַתָּה וְכָל עֲדָתְךָ וְגוֹ׳״ במדבר טז:טז, וְחוֹזֵר וְאָמַר ״וּקְחוּ אִישׁ מַחְתָּתוֹ וְגוֹ׳״ במדבר טז:יז; אֶלָּא לְפִי שֶׁהִפְסִיק בְּכַמָּה פְסוּקִים, הֻצְרַךְ שֵׁנִית לְהִכָּתֵב, וְכָל שֶׁכֵּן כָּאן:
