2 וַיְהִ֞י כִּשְׁמֹ֨עַ יָרׇבְעָ֤ם בֶּן־נְבָט֙ וְה֣וּא בְמִצְרַ֔יִם אֲשֶׁ֣ר בָּרַ֔ח מִפְּנֵ֖י שְׁלֹמֹ֣ה הַמֶּ֑לֶךְ וַיָּ֥שׇׁב יָרׇבְעָ֖ם מִמִּצְרָֽיִם׃
3 וַֽיִּשְׁלְחוּ֙ וַיִּקְרְאוּ־ל֔וֹ וַיָּבֹ֥א יָרׇבְעָ֖ם וְכׇל־יִשְׂרָאֵ֑ל וַֽיְדַבְּר֔וּ אֶל־רְחַבְעָ֖ם לֵאמֹֽר׃
4 אָבִ֖יךָ הִקְשָׁ֣ה אֶת־עֻלֵּ֑נוּ וְעַתָּ֡ה הָקֵל֩ מֵעֲבוֹדַ֨ת אָבִ֜יךָ הַקָּשָׁ֗ה וּמֵעֻלּ֧וֹ הַכָּבֵ֛ד אֲשֶׁר־נָתַ֥ן עָלֵ֖ינוּ וְנַעַבְדֶֽךָּ׃
6 וַיִּוָּעַ֞ץ הַמֶּ֣לֶךְ רְחַבְעָ֗ם אֶת־הַזְּקֵנִים֙ אֲשֶׁר־הָי֣וּ עֹמְדִ֗ים לִפְנֵי֙ שְׁלֹמֹ֣ה אָבִ֔יו בִּהְיֹת֥וֹ חַ֖י לֵאמֹ֑ר אֵ֚יךְ אַתֶּ֣ם נֽוֹעָצִ֔ים לְהָשִׁ֥יב לָעָם־הַזֶּ֖ה דָּבָֽר׃
7 וַיְדַבְּר֨וּ אֵלָ֜יו לֵאמֹ֗ר אִם־תִּהְיֶ֨ה לְט֜וֹב לְהָעָ֤ם הַזֶּה֙ וּרְצִיתָ֔ם וְדִבַּרְתָּ֥ אֲלֵהֶ֖ם דְּבָרִ֣ים טוֹבִ֑ים וְהָי֥וּ לְךָ֛ עֲבָדִ֖ים כׇּל־הַיָּמִֽים׃
8 וַֽיַּעֲזֹ֛ב אֶת־עֲצַ֥ת הַזְּקֵנִ֖ים אֲשֶׁ֣ר יְעָצֻ֑הוּ וַיִּוָּעַ֗ץ אֶת־הַיְלָדִים֙ אֲשֶׁ֣ר גָּדְל֣וּ אִתּ֔וֹ הָעֹמְדִ֖ים לְפָנָֽיו׃
9 וַיֹּ֣אמֶר אֲלֵהֶ֗ם מָ֚ה אַתֶּ֣ם נֽוֹעָצִ֔ים וְנָשִׁ֥יב דָּבָ֖ר אֶת־הָעָ֣ם הַזֶּ֑ה אֲשֶׁ֨ר דִּבְּר֤וּ אֵלַי֙ לֵאמֹ֔ר הָקֵל֙ מִן־הָעֹ֔ל אֲשֶׁר־נָתַ֥ן אָבִ֖יךָ עָלֵֽינוּ׃
10 וַיְדַבְּר֣וּ אִתּ֗וֹ הַיְלָדִים֙ אֲשֶׁ֨ר גָּדְל֣וּ אִתּוֹ֮ לֵאמֹר֒ כֹּה־תֹאמַ֡ר לָעָם֩ אֲשֶׁר־דִּבְּר֨וּ אֵלֶ֜יךָ לֵאמֹ֗ר אָבִ֙יךָ֙ הִכְבִּ֣יד אֶת־עֻלֵּ֔נוּ וְאַתָּ֖ה הָקֵ֣ל מֵעָלֵ֑ינוּ כֹּ֚ה תֹּאמַ֣ר אֲלֵהֶ֔ם קָֽטׇנִּ֥י עָבָ֖ה מִמׇּתְנֵ֥י אָבִֽי׃
11 וְעַתָּ֗ה אָבִי֙ הֶעְמִ֤יס עֲלֵיכֶם֙ עֹ֣ל כָּבֵ֔ד וַאֲנִ֖י אֹסִ֣יף עַֽל־עֻלְּכֶ֑ם אָבִ֗י יִסַּ֤ר אֶתְכֶם֙ בַּשּׁוֹטִ֔ים וַאֲנִ֖י בָּעַקְרַבִּֽים׃ פ
12 וַיָּבֹ֨א יָרׇבְעָ֧ם וְכׇל־הָעָ֛ם אֶל־רְחַבְעָ֖ם בַּיּ֣וֹם הַשְּׁלִשִׁ֑י כַּאֲשֶׁ֨ר דִּבֶּ֤ר הַמֶּ֙לֶךְ֙ לֵאמֹ֔ר שׁ֥וּבוּ אֵלַ֖י בַּיּ֥וֹם הַשְּׁלִשִֽׁי׃
14 וַיְדַבֵּ֣ר אֲלֵהֶ֗ם כַּעֲצַ֤ת הַיְלָדִים֙ לֵאמֹ֔ר אַכְבִּיד֙ אֶֽת־עֻלְּכֶ֔ם וַאֲנִ֖י אֹסִ֣יף עָלָ֑יו אָבִ֗י יִסַּ֤ר אֶתְכֶם֙ בַּשּׁוֹטִ֔ים וַאֲנִ֖י בָּעַקְרַבִּֽים׃
15 וְלֹא־שָׁמַ֥ע הַמֶּ֖לֶךְ אֶל־הָעָ֑ם כִּֽי־הָיְתָ֤ה נְסִבָּה֙ מֵעִ֣ם הָאֱלֹהִ֔ים לְמַ֩עַן֩ הָקִ֨ים יְהֹוָ֜ה אֶת־דְּבָר֗וֹ אֲשֶׁ֤ר דִּבֶּר֙ בְּיַד֙ אֲחִיָּ֣הוּ הַשִּׁלוֹנִ֔י אֶל־יָרׇבְעָ֖ם בֶּן־נְבָֽט׃
16 וְכׇל־יִשְׂרָאֵ֗ל כִּ֠י לֹא־שָׁמַ֣ע הַמֶּ֘לֶךְ֮ לָהֶם֒ וַיָּשִׁ֣יבוּ הָעָ֣ם אֶת־הַמֶּ֣לֶךְ לֵאמֹ֡ר מַה־לָּ֩נוּ֩ חֵ֨לֶק בְּדָוִ֜יד וְלֹא־נַחֲלָ֣ה בְּבֶן־יִשַׁ֗י אִ֤ישׁ לְאֹהָלֶ֙יךָ֙ יִשְׂרָאֵ֔ל עַתָּ֕ה רְאֵ֥ה בֵיתְךָ֖ דָּוִ֑יד וַיֵּ֥לֶךְ כׇּל־יִשְׂרָאֵ֖ל לְאֹהָלָֽיו׃ ס
18 וַיִּשְׁלַ֞ח הַמֶּ֣לֶךְ רְחַבְעָ֗ם אֶת־הֲדֹרָם֙ אֲשֶׁ֣ר עַל־הַמַּ֔ס וַיִּרְגְּמוּ־ב֧וֹ בְנֵי־יִשְׂרָאֵ֛ל אֶ֖בֶן וַיָּמֹ֑ת ס וְהַמֶּ֣לֶךְ רְחַבְעָ֗ם הִתְאַמֵּץ֙ לַעֲל֣וֹת בַּמֶּרְכָּבָ֔ה לָנ֖וּס יְרוּשָׁלָֽ͏ִם׃ ס
1 כִּי שְׁכֶם בָּאוּ כָל יִשְׂרָאֵל לְהַמְלִיךְ אֹתוֹ. בִּשְׁכֶם שֶׁהוּא מְקוֹם יָרָבְעָם שֶׁבְּחֵלֶק אֶפְרַיִם, ״וְיָרָבְעָם אֶפְרָתִי״ מלכים א יא:כו. וְכָל זֹאת הָיְתָה סִבָּה מֵאֵת הַקָּדוֹשׁ בָּרוּךְ הוּא לְקַיֵּם דְּבָרוֹ: ״קָרוֹעַ אֶקְרַע הַמַּמְלָכָה״ מלכים א יא:יא:
2 וַיְהִי כִּשְׁמֹעַ. פִּתְרוֹן: וַיְהִי כִּשְׁמֹעַ מִקּוֹדֶם לָכֵן שֶׁבָּאוּ לְהַמְלִיכוֹ בִּשְׁכֶם כְּשֶׁהוּא עוֹדֶנּוּ בְּמִצְרַיִם:
3 וַיִּשְׁלְחוּ וַיִּקְרְאוּ לוֹ וַיָּבֹא. וְכָל זֶה לְהוֹדִיעֵנוּ רְצוֹנוֹ שֶׁל מֶלֶךְ מַלְכֵי הַמְּלָכִים הַקָּדוֹשׁ בָּרוּךְ הוּא, שֶׁאֲפִלּוּ יָרָבְעָם עַצְמוֹ בָּא לְהַמְלִיכוֹ לִרְחַבְעָם, וְהֵסֵב הַקָּדוֹשׁ בָּרוּךְ הוּא אַחַר דְּבָרָיו עַד שֶׁמָּלַךְ יָרָבְעָם:
4 אָבִיךָ הִקְשָׁה אֶת עֻלֵּנוּ. כִּי אִישׁ טוֹרֵחַ בִּמְלָאכָה הָיָה, וְעָלֵינוּ הִטִּיל לְפַרְנֵס פּוֹעֲלָיו וְהַמַּס; כְּדִכְתִיב בִּמְלָכִים ״וַיַּעַל הַמֶּלֶךְ שְׁלֹמֹה מַס וְגוֹמֵר״ מלכים א ה:כז:
5 נוֹעָצִים. כְּמוֹ יוֹעֲצִים, וְכֵן יֹאמַר מִן יוֹדְעִים – נוֹדָעִים; אַךְ יוֹעֲצִים – לְהַבָּא, נוֹעָצִים – נִתְיַעֲצִים כְּבָר:
6 קָטָנִּי עָבָה מִמָּתְנֵי אָבִי. אֶצְבַּע קְטַנָּה שֶׁלִּי גְּדוֹלָה מִמָּתְנֵי אָבִי; כְּלוֹמַר: אֲנִי חָזָק מִמֶּנּוּ:
9 כִּי הָיְתָה נְסִבָּה לְמַעַן הָקִים ה׳ אֶת דְּבָרוֹ. כְּמוֹ שֶׁמְפֹרָשׁ בִּמְלָכִים מלכים א יא:לא לְהָסִיר מִמֶּנּוּ עֲשֶׂרֶת הַשְּׁבָטִים וְלִיתֵּן לְיָרָבְעָם. וְזֶהוּ ״לֹא יָסוּר שֵׁבֶט מִיהוּדָה״ בראשית מט:י – לֹא יֵרֵד מִמַּלְכוּתוֹ, ״עַד כִּי יָבֹא שִׁילֹה״ בראשית מט:י – פִּתְרוֹן: עַד כִּי יָבֹא יְהוּדָה שִׁילֹה לְהַמְלִיךְ שָׁם רְחַבְעָם, וְשָׁם ״לוֹ יִקְּהַת עַמִּים״ בראשית מט:י לְהַמְלִיכוֹ, וְשָׁם נֶחְלְקָה הַמַּלְכוּת וְאָבַד מַלְכוּת שֶׁל עֲשָׂרָה הַשְּׁבָטִים. וְשְׁכֶם עִיר קְטַנָּה סְמוּכָה לְשִׁילֹה, כְּדִכְתִיב ״וְהִנֵּה חַג לַה׳ בְּשִׁילוֹ מִיָּמִים יָמִימָה... בַּמְסִלָּה הָעוֹלָה מִבֵּית אֵל שְׁכֶמָה״ שופטים כא:יט, וּכְתִיב בְּיִרְמְיָה ״מִשְּׁכֶם״ וּ״מִשִּׁלֹה״ ירמיה מא:ה. וְלִכְבוֹד מִשְׁכַּן שִׁילֹה נֶאֱסָפִים לִשְׁכֶם, שֶׁהוּא רָאוּי לַאֲסִיפַת בְּנֵי אָדָם וּסְמוּכָה לְשִׁילֹה, וּכְשֶׁנֶּאֱסָפִים בִּשְׁכֶם, אָז ״יָסוּר שֵׁבֶט מִיהוּדָה״ בראשית מט:י, שֶׁשָּׁם הַמַּלְכוּת נֶחְלְקָה:
10 לְאֹהָלֶיךָ יִשְׂרָאֵל. מוּסָב עַל מַה לָּנוּ חֵלֶק בְּדָוִיד: מַה לַעֲזֹב אָהֳלֵינוּ וְלֵילֵךְ אַחֲרָיו, לֹא כֵן, אֶלָּא לְכוּ כָּל יִשְׂרָאֵל אִישׁ לְאֹהָלָיו:
11 עַתָּה רְאֵה בֵיתְךָ דָּוִיד. מוּסָב עַל וְלֹא נַחֲלָה בְּבֶן יִשַׁי, כְּלוֹמַר: אֵין לָנוּ בּוֹ נַחֲלָה אֶלָּא בְּבֵית הַמִּקְדָּשׁ שֶׁבִּירוּשָׁלַיִם, שֶׁאָנוּ זוֹבְחִים בּוֹ וְלִרְאוֹת בּוֹ בְּשָׁלֹשׁ רְגָלִים:
12 רְאֵה בֵיתְךָ דָּוִד. אֵין אָנוּ צְרִיכִין לוֹ לֵילֵךְ שָׁם, יִהְיֶה לְךָ לְבַדְּךָ וְכָל זֶה לֹא נִרְאֶה לִי, אֶלָּא רְאֵה בֵיתְךָ דָּוִד, אִי אִפְשָׁנוּ לֹא בְּךָ וְלֹא בְּבֵית הַמִּקְדָּשׁ שֶׁלְּךָ:
13 הֲדוֹרָם. הוּא ״אֲדוֹנִירָם״ מלכים א ד:ו שֶׁבִּימֵי שְׁלֹמֹה גְּדֻלָּתוֹ גְּדוֹלָה, וּבִימֵי רְחַבְעָם נִשְׁפְּלָה גְּדֻלָּתוֹ, עַל כֵּן נִקְרָא הֲדוֹרָם:
14 וַיִּרְגְּמוּ בוֹ בְנֵי יִשְׂרָאֵל אֶבֶן. וּלְפִי שֶׁרְחַבְעָם לֹא יָדַע הַסִּבָּה וְהַקֶּשֶׁר שֶׁהֵסַבּוּ מִמֶּנּוּ, עַל כֵּן נֶהֱרַג כְּשֶׁשָּׁאַל הַמַּס שֶׁקָּצַב עֲלֵיהֶם שְׁלֹמֹה:
15 וַיִּפְשְׁעוּ יִשְׂרָאֵל בְּבֵית דָּוִיד. לְשׁוֹן מַרְדּוּת, וְדֻגְמָא: ״בְּיָמָיו פָּשַׁע מוֹאָב וְגוֹ׳״ מלכים ב א:א, ״אָח נִפְשָׁע מִקִּרְיַת עֹז״ משלי יח:יט, ״אָז תִּפְשַׁע לִבְנָה״ דברי הימים ב כא:י:
