רש"י על דברי הימים ב א׳

1 וַיִּתְחַזֵּ֛ק שְׁלֹמֹ֥ה בֶן־דָּוִ֖יד עַל־מַלְכוּת֑וֹ וַיהֹוָ֤ה אֱלֹהָיו֙ עִמּ֔וֹ וַֽיְגַדְּלֵ֖הוּ לְמָֽעְלָה׃

2 וַיֹּ֣אמֶר שְׁלֹמֹ֣ה לְכׇל־יִשְׂרָאֵ֡ל לְשָׂרֵי֩ הָאֲלָפִ֨ים וְהַמֵּא֜וֹת וְלַשֹּׁפְטִ֗ים וּלְכֹ֛ל נָשִׂ֥יא לְכׇל־יִשְׂרָאֵ֖ל רָאשֵׁ֥י הָאָבֽוֹת׃

3 וַיֵּלְכ֗וּ שְׁלֹמֹה֙ וְכׇל־הַקָּהָ֣ל עִמּ֔וֹ לַבָּמָ֖ה אֲשֶׁ֣ר בְּגִבְע֑וֹן כִּֽי־שָׁ֣ם הָיָ֗ה אֹ֤הֶל מוֹעֵד֙ הָאֱלֹהִ֔ים אֲשֶׁ֥ר עָשָׂ֛ה מֹשֶׁ֥ה עֶבֶד־יְהֹוָ֖ה בַּמִּדְבָּֽר׃

4 אֲבָ֗ל אֲר֤וֹן הָאֱלֹהִים֙ הֶעֱלָ֤ה דָוִיד֙ מִקִּרְיַ֣ת יְעָרִ֔ים בַּהֵכִ֥ין ל֖וֹ דָּוִ֑יד כִּ֧י נָֽטָה־ל֛וֹ אֹ֖הֶל בִּירוּשָׁלָֽ͏ִם׃

5 וּמִזְבַּ֣ח הַנְּחֹ֗שֶׁת אֲשֶׁ֤ר עָשָׂה֙ בְּצַלְאֵל֙ בֶּן־אוּרִ֣י בֶן־ח֔וּר שָׁ֕ם לִפְנֵ֖י מִשְׁכַּ֣ן יְהֹוָ֑ה וַיִּדְרְשֵׁ֥הוּ שְׁלֹמֹ֖ה וְהַקָּהָֽל׃

6 וַיַּ֩עַל֩ שְׁלֹמֹ֨ה שָׁ֜ם עַל־מִזְבַּ֤ח הַנְּחֹ֙שֶׁת֙ לִפְנֵ֣י יְהֹוָ֔ה אֲשֶׁ֖ר לְאֹ֣הֶל מוֹעֵ֑ד וַיַּ֧עַל עָלָ֛יו עֹל֖וֹת אָֽלֶף׃

7 בַּלַּ֣יְלָה הַה֔וּא נִרְאָ֥ה אֱלֹהִ֖ים לִשְׁלֹמֹ֑ה וַיֹּ֣אמֶר ל֔וֹ שְׁאַ֖ל מָ֥ה אֶתֶּן־לָֽךְ׃

8 וַיֹּ֤אמֶר שְׁלֹמֹה֙ לֵאלֹהִ֔ים אַתָּ֗ה עָשִׂ֛יתָ עִם־דָּוִ֥יד אָבִ֖י חֶ֣סֶד גָּד֑וֹל וְהִמְלַכְתַּ֖נִי תַּחְתָּֽיו׃

9 עַתָּה֙ יְהֹוָ֣ה אֱלֹהִ֔ים יֵֽאָמֵן֙ דְּבָ֣רְךָ֔ עִ֖ם דָּוִ֣יד אָבִ֑י כִּ֤י אַתָּה֙ הִמְלַכְתַּ֔נִי עַל־עַ֕ם רַ֖ב כַּעֲפַ֥ר הָאָֽרֶץ׃

10 עַתָּ֗ה חׇכְמָ֤ה וּמַדָּע֙ תֶּן־לִ֔י וְאֵ֥צְאָ֛ה לִפְנֵ֥י הָעָם־הַזֶּ֖ה וְאָב֑וֹאָה כִּֽי־מִ֣י יִשְׁפֹּ֔ט אֶת־עַמְּךָ֥ הַזֶּ֖ה הַגָּדֽוֹל׃ ס

11 וַיֹּ֣אמֶר אֱלֹהִ֣ים לִשְׁלֹמֹ֡ה יַ֣עַן אֲשֶׁר֩ הָיְתָ֨ה זֹ֜את עִם־לְבָבֶ֗ךָ וְלֹֽא־שָׁ֠אַ֠לְתָּ עֹ֣שֶׁר נְכָסִ֤ים וְכָבוֹד֙ וְאֵת֙ נֶ֣פֶשׁ שֹׂנְאֶ֔יךָ וְגַם־יָמִ֥ים רַבִּ֖ים לֹ֣א שָׁאָ֑לְתָּ וַתִּֽשְׁאַל־לְךָ֙ חׇכְמָ֣ה וּמַדָּ֔ע אֲשֶׁ֤ר תִּשְׁפּוֹט֙ אֶת־עַמִּ֔י אֲשֶׁ֥ר הִמְלַכְתִּ֖יךָ עָלָֽיו׃

12 הַחׇכְמָ֥ה וְהַמַּדָּ֖ע נָת֣וּן לָ֑ךְ וְעֹ֨שֶׁר וּנְכָסִ֤ים וְכָבוֹד֙ אֶתֶּן־לָ֔ךְ אֲשֶׁ֣ר לֹא־הָ֣יָה כֵ֗ן לַמְּלָכִים֙ אֲשֶׁ֣ר לְפָנֶ֔יךָ וְאַחֲרֶ֖יךָ לֹ֥א יִֽהְיֶה־כֵּֽן׃

13 וַיָּבֹ֨א שְׁלֹמֹ֜ה לַבָּמָ֤ה אֲשֶׁר־בְּגִבְעוֹן֙ יְר֣וּשָׁלַ֔͏ִם מִלִּפְנֵ֖י אֹ֣הֶל מוֹעֵ֑ד וַיִּמְלֹ֖ךְ עַל־יִשְׂרָאֵֽל׃ פ

14 וַיֶּאֱסֹ֣ף שְׁלֹמֹה֮ רֶ֣כֶב וּפָרָשִׁים֒ וַֽיְהִי־ל֗וֹ אֶ֤לֶף וְאַרְבַּע־מֵאוֹת֙ רֶ֔כֶב וּשְׁנֵים־עָשָׂ֥ר אֶ֖לֶף פָּרָשִׁ֑ים וַיַּנִּיחֵם֙ בְּעָרֵ֣י הָרֶ֔כֶב וְעִם־הַמֶּ֖לֶךְ בִּירוּשָׁלָֽ͏ִם׃

15 וַיִּתֵּ֨ן הַמֶּ֜לֶךְ אֶת־הַכֶּ֧סֶף וְאֶת־הַזָּהָ֛ב בִּירוּשָׁלַ֖͏ִם כָּאֲבָנִ֑ים וְאֵ֣ת הָאֲרָזִ֗ים נָתַ֛ן כַּשִּׁקְמִ֥ים אֲשֶׁר־בַּשְּׁפֵלָ֖ה לָרֹֽב׃

16 וּמוֹצָ֧א הַסּוּסִ֛ים אֲשֶׁ֥ר לִשְׁלֹמֹ֖ה מִמִּצְרָ֑יִם וּמִקְוֵ֕א סֹחֲרֵ֣י הַמֶּ֔לֶךְ מִקְוֵ֥א יִקְח֖וּ בִּמְחִֽיר׃

17 וַֽ֠יַּעֲל֠וּ וַיּוֹצִ֨יאוּ מִמִּצְרַ֤יִם מֶרְכָּבָה֙ בְּשֵׁ֣שׁ מֵא֣וֹת כֶּ֔סֶף וְס֖וּס בַּחֲמִשִּׁ֣ים וּמֵאָ֑ה וְ֠כֵ֠ן לְכׇל־מַלְכֵ֧י הַחִתִּ֛ים וּמַלְכֵ֥י אֲרָ֖ם בְּיָדָ֥ם יוֹצִֽיאוּ׃

18 וַיֹּ֣אמֶר שְׁלֹמֹ֗ה לִבְנ֥וֹת בַּ֙יִת֙ לְשֵׁ֣ם יְהֹוָ֔ה וּבַ֖יִת לְמַלְכוּתֽוֹ׃

פירוש רש"י על דברי הימים ב א׳

1 וַיִּתְחַזֵּק שְׁלֹמֹה וְגוֹ׳. מִפְּנֵי שֶׁה׳ אֱלֹהָיו עִמּוֹ:

2 וַיֹּאמֶר שְׁלֹמֹה לְכָל יִשְׂרָאֵל. וּמִי הֵם אוֹתָם כָּל יִשְׂרָאֵל? הֵם שָׂרֵי הָאֲלָפִים, כְּדִכְתִיב ״וַיַּקְהֵל דָּוִיד אֶת כָּל שָׂרֵי יִשְׂרָאֵל״ דברי הימים א כח:א. וּמָה אָמַר לָהֶם? שֶׁיָּבֹאוּ עִמּוֹ לַבָּמָה אֲשֶׁר בְּגִבְעוֹן:

3 וַיֵּלְכוּ שְׁלֹמֹה וְכָל הַקָּהָל עִמּוֹ וגו׳. וְכֵן דֶּרֶךְ הַפְּסוּקִים לְקַצֵּר: ״וַיֹּאמֶר ה׳ לַדָּג וַיָּקֵא אֶת יוֹנָה״ יונה ב:יא – אָמַר לוֹ לְהָקִיא, וַיָּקֵא. וְכֵן ״וַיֹּאמֶר ה׳ לַמַּלְאָךְ וַיָּשֶׁב חַרְבּוֹ אֶל נְדָנָהּ״ דברי הימים א כא:כז:

4 שְׁאַל מָה אֶתֶּן לָךְ. בְּחַר וּשְׁאַל כָּל מַה שֶׁתִּרְצֶה, וַאֲנִי אֶתֵּן לְךָ:

5 עַתָּה ה׳ אֱלֹהִים יֵאָמֵן. פְּרָאבְרִיטְ״שׁ בְּלַעַ״ז:

6 כִּי אַתָּה הִמְלַכְתַּנִי. כְּלוֹמַר: כֵּיוָן שֶׁהִמְלַכְתַּנִי עַל עַם רַב כָּזֶה, צָרִיךְ אֲנִי שֶׁיְּהֵא בִּי חָכְמָה וְכֹחַ לָצֵאת לִפְנֵיהֶם וְלִלְחוֹם מִלְחֲמוֹתֵיהֶם; כְּעִנְיָן שֶׁנֶּאֱמַר בִּשְׁמוּאֵל ״וּשְׁפָטָנוּ מַלְכֵּנוּ וְיָצָא לְפָנֵינוּ וְנִלְחַם אֶת מִלְחֲמֹתֵינוּ״ שמואל א ח:כ. וְהוֹאִיל וְעָלַי לִשְׁאוֹל מַה שֶּׁבְּלִבִּי, אֶשְׁאַל מַה שֶּׁאֲנִי צָרִיךְ – וְזֶה, שֶׁתִּתֵּן לִי חָכְמָה:

7 וְאֵצְאָה לִפְנֵי הָעָם הַזֶּה וְאָבוֹאָה. וְגַם לַמֶּלֶךְ צָרִיךְ שֶׁיְּהֵא לֵב חָכָם לֵידַע לִשְׁפֹּט הָעָם, וַאֲנִי נַעַר וָרָךְ דברי הימים א כב:ה. אֲפִלּוּ אֶלֶף אֲנָשִׁים חֲכָמִים הָיָה קָשֶׁה לָהֶם לִשְׁפֹּט עַם גָּדוֹל כָּזֶה, אִי אֶפְשָׁר בְּלֹא עֲסָקִים רַבִּים שֶׁבָּאִים לָדוּן וְאֵין לוֹ מִתּוּן לְעַיֵּן בְּדִינָם, שֶׁעוֹד זֶה קוֹבֵל וְאֵינוֹ מַפְסִיק דְּבָרָיו – וְהִנֵּה בָּא אַחֵר וְצוֹעֵק; וּמִי יוּכַל לִפְסֹק אֶלֶף דִּינִין בְּיוֹם אֶחָד אִם לֹא חָכָם וְנָבוֹן אֲשֶׁר רוּחַ אֱלֹהִים בּוֹ? וְזֶה אֲנִי שׁוֹאֵל, שֶׁתִּתֵּן לִי חָכְמָה וּמַדָּע לִשְׁפֹּט עַמְּךָ זֶה הַגָּדוֹל, כִּי זֶה אֲנִי צָרִיךְ שֶׁתִּתֵּן לִי:

8 יַעַן אֲשֶׁר הָיְתָה זֹאת עִם לְבָבֶךָ. שֶׁאֵין אָדָם שׁוֹאֵל דָּבָר זֶה אֶלָּא מִי שֶׁיֵּשׁ יִרְאַת שָׁמַיִם בְּלִבּוֹ, כְּעִנְיָן שֶׁנֶּאֱמַר ״וְאַתָּה תֶחֱזֶה מִכָּל הָעָם אַנְשֵׁי חַיִל יִרְאֵי אֱלֹהִים״ שמות יח:כא:

9 וְאֶת נֶפֶשׁ שׂוֹנְאֶיךָ. לְנַצְּחָם:

10 הַחָכְמָה וְהַמַּדָּע נָתוּן לָךְ. מַה שֶּׁשָּׁאַלְתָּ:

11 עֹשֶׁר וּנְכָסִים וְכָבוֹד. אֲשֶׁר לֹא שָׁאַלְתָּ מלכים א ג:יג אֶתֵּן לָךְ:

12 אֲשֶׁר לֹא הָיָה כֵן לַמְּלָכִים אֲשֶׁר לְפָנֶיךָ וְאַחֲרֶיךָ לֹא יִהְיֶה. מוּסָב עַל עֹשֶׁר וְכָבוֹד ״אֲשֶׁר לֹא שָׁאַלְתָּ״, כִּי הַחָכְמָה שֶׁאֲנִי נוֹתֵן לְךָ בָּהּ תָּלוּי גַּם עֹשֶׁר גַּם כָּבוֹד גַּם אֲרִיכוּת יָמִים; דִּכְתִיב משלי ג:טז ״אֹרֶךְ יָמִים בִּימִינָהּ וּבִשְׂמֹאלָהּ עֹשֶׁר וְכָבוֹד״. וְזֶהוּ שֶׁכָּתוּב בִּמְלָכִים מלכים א י:כג ״וַיִּגְדַּל הַמֶּלֶךְ שְׁלֹמֹה מִכָּל מַלְכֵי הָאָרֶץ לְעֹשֶׁר וּלְחָכְמָה וְגוֹמֵר״:

13 וַיַּנִּיחֵם בְּעָרֵי הָרֶכֶב. הִנִּיחַ מִקְצָת אוֹתָם פָּרָשִׁים וְרֶכֶב בְּעָרֵי הָרֶכֶב; וְעַל שֵׁם שֶׁרוֹכְבֵי הַמֶּלֶךְ שָׁם הָיוּ קוֹרְאִים אוֹתָן הָעֲיָירוֹת עָרֵי הָרֶכֶב; וּמִקְצָתָם הִנִּיחַ עִמּוֹ בִּירוּשָׁלִָם עיין מלכים א על פסוק זה מה שפירש״י שם וצריך עיון:

14 כָּאֲבָנִים. מֵרוֹב כֶּסֶף וְזָהָב שֶׁהָיָה לוֹ לֹא הָיָה מַקְפִּיד עַל נְתִינַת כֶּסֶף וְזָהָב בְּכָל הָעִיר לַעֲשׂוֹת שֻׁלְחָנוֹת וְכִסְאוֹת. וְרַבּוֹתֵינוּ אָמְרוּ קהלת רבה ב:ח: כְּאַבְנֵי עֶשֶׂר וְאַחַת עֲשָׂרָה אַמּוֹת, שֶׁהָיָה לוֹ אַבְנֵי גָזִית, כֵּן עָשָׂה מִן הַכֶּסֶף:

15 וּמוֹצָא הַסּוּסִים אֲשֶׁר לִשְׁלֹמֹה. כְּלוֹמַר: כָּל מוֹצָא סוּסִים אֲשֶׁר לִשְׁלֹמֹה לֹא הָיָה כִּי אִם מִמִּצְרָיִם:

16 וּמִקְוֵא סֹחֲרֵי הַמֶּלֶךְ. וּמִקְוֵא אֲסִיפַת הַסּוּסִים בְּמִצְרַיִם, וְקוֹרִין לָהּ בִּלְשׁוֹן אַשְׁכְּנַז שְׁטוּטָ״א:

רש"י על דברי הימים ב ב׳:ג׳ »