מקור דברי הימים ב י״ט
1 וַ֠יָּ֠שׇׁב יְהוֹשָׁפָ֨ט מֶלֶךְ־יְהוּדָ֧ה אֶל־בֵּית֛וֹ בְּשָׁל֖וֹם לִירוּשָׁלָֽ͏ִם׃ ס
2 וַיֵּצֵ֣א אֶל־פָּנָ֗יו יֵה֣וּא בֶן־חֲנָ֘נִי֮ הַחֹזֶה֒ וַיֹּ֙אמֶר֙ אֶל־הַמֶּ֣לֶךְ יְהוֹשָׁפָ֔ט הֲלָרָשָׁ֣ע לַעְזֹ֔ר וּלְשֹׂנְאֵ֥י יְהֹוָ֖ה תֶּאֱהָ֑ב וּבָזֹאת֙ עָלֶ֣יךָ קֶּ֔צֶף מִלִּפְנֵ֖י יְהֹוָֽה׃
3 אֲבָ֕ל דְּבָרִ֥ים טוֹבִ֖ים נִמְצְא֣וּ עִמָּ֑ךְ כִּֽי־בִעַ֤רְתָּ הָאֲשֵׁרוֹת֙ מִן־הָאָ֔רֶץ וַהֲכִינ֥וֹתָ לְבָבְךָ֖ לִדְרֹ֥שׁ הָאֱלֹהִֽים׃
4 וַיֵּ֥שֶׁב יְהוֹשָׁפָ֖ט בִּירוּשָׁלָ֑͏ִם וַיָּ֜שׇׁב וַיֵּצֵ֣א בָעָ֗ם מִבְּאֵ֥ר שֶׁ֙בַע֙ עַד־הַ֣ר אֶפְרַ֔יִם וַיְשִׁיבֵ֕ם אֶל־יְהֹוָ֖ה אֱלֹהֵ֥י אֲבוֹתֵיהֶֽם׃
5 וַיַּעֲמֵ֨ד שֹׁפְטִ֜ים בָּאָ֗רֶץ בְּכׇל־עָרֵ֧י יְהוּדָ֛ה הַבְּצֻר֖וֹת לְעִ֥יר וָעִֽיר׃
6 וַיֹּ֣אמֶר אֶל־הַשֹּׁפְטִ֗ים רְאוּ֙ מָה־אַתֶּ֣ם עֹשִׂ֔ים כִּ֣י לֹ֧א לְאָדָ֛ם תִּשְׁפְּט֖וּ כִּ֣י לַיהֹוָ֑ה וְעִמָּכֶ֖ם בִּדְבַ֥ר מִשְׁפָּֽט׃
7 וְעַתָּ֕ה יְהִ֥י פַחַד־יְהֹוָ֖ה עֲלֵיכֶ֑ם שִׁמְר֣וּ וַעֲשׂ֔וּ כִּֽי־אֵ֞ין עִם־יְהֹוָ֣ה אֱלֹהֵ֗ינוּ עַוְלָ֛ה וּמַשֹּׂ֥א פָנִ֖ים וּמִקַּח־שֹֽׁחַד׃
8 וְגַ֣ם בִּ֠ירוּשָׁלַ֠͏ִם הֶעֱמִ֨יד יְהוֹשָׁפָ֜ט מִן־הַלְוִיִּ֣ם וְהַכֹּהֲנִ֗ים וּמֵרָאשֵׁ֤י הָאָבוֹת֙ לְיִשְׂרָאֵ֔ל לְמִשְׁפַּ֥ט יְהֹוָ֖ה וְלָרִ֑יב וַיָּשֻׁ֖בוּ יְרוּשָׁלָֽ͏ִם׃
9 וַיְצַ֥ו עֲלֵיהֶ֖ם לֵאמֹ֑ר כֹּ֤ה תַֽעֲשׂוּן֙ בְּיִרְאַ֣ת יְהֹוָ֔ה בֶּאֱמוּנָ֖ה וּבְלֵבָ֥ב שָׁלֵֽם׃
10 וְכׇל־רִיב֩ אֲשֶׁר־יָב֨וֹא עֲלֵיכֶ֜ם מֵאֲחֵיכֶ֣ם הַיֹּשְׁבִ֣ים בְּעָרֵיהֶ֗ם בֵּֽין־דָּ֣ם לְדָם֮ בֵּין־תּוֹרָ֣ה לְמִצְוָה֮ לְחֻקִּ֣ים וּלְמִשְׁפָּטִים֒ וְהִזְהַרְתֶּ֣ם אֹתָ֔ם וְלֹ֤א יֶאְשְׁמוּ֙ לַֽיהֹוָ֔ה וְהָיָה־קֶ֥צֶף עֲלֵיכֶ֖ם וְעַל־אֲחֵיכֶ֑ם כֹּ֥ה תַעֲשׂ֖וּן וְלֹ֥א תֶאְשָֽׁמוּ׃
11 וְהִנֵּ֡ה אֲמַרְיָ֣הוּ כֹהֵן֩ הָרֹ֨אשׁ עֲלֵיכֶ֜ם לְכֹ֣ל דְּבַר־יְהֹוָ֗ה וּזְבַדְיָ֨הוּ בֶן־יִשְׁמָעֵ֜אל הַנָּגִ֤יד לְבֵית־יְהוּדָה֙ לְכֹ֣ל דְּבַר־הַמֶּ֔לֶךְ וְשֹׁטְרִ֥ים הַלְוִיִּ֖ם לִפְנֵיכֶ֑ם חִזְק֣וּ וַעֲשׂ֔וּ וִיהִ֥י יְהֹוָ֖ה עִם־הַטּֽוֹב׃ פ
פירוש רש"י על דברי הימים ב י״ט
1 כִּי בִעַרְתָּ הָאֲשֵׁרוֹת. כְּדִלְעֵיל ״וְעוֹד הֵסִיר אֶת הַבָּמוֹת וְגוֹ׳״ דברי הימים ב יז:ו:
2 לִדְרֹשׁ הָאֱלֹהִים. כְּדִלְעֵיל ״כִּי לֵאלֹהֵי אָבִיו וְגוֹ׳״ דברי הימים ב יז:ד:
3 וַיַּעֲמֵד שׁוֹפְטִים. כְּשֶׁאָמַר לוֹ הַחוֹזֶה דְּבָרִים טוֹבִים נִמְצְאוּ עִמָּךְ כִּי בִעַרְתָּ הָאֲשֵׁרוֹת, בָּא לוֹ אֵצֶל סֵפֶר הַתּוֹרָה אִם בִּעֲרָם כַּמִּשְׁפָּט; וּמִתְּחִלָּה רָאָה כְתִיב ״אַבֵּד תְּאַבְּדוּן״ דברים יב:ב עַד ״וַאֲשֵׁרֵיהֶם תִּשְׂרְפוּן בָּאֵשׁ וּפְסִילֵי אֱלֹהֵיהֶם תְּגַדֵּעוּן״ דברים יב:ג, וְנִזְכַּר שֶׁכָּתוּב בְּכִי תִשָּׂא: ״וְאֶת מַצֵּבֹתָם תְּשַׁבֵּרוּן וְגוֹ׳״ שמות לד:יג. תָּמַהּ בְּעַצְמוֹ עַל שֶׁהֵיטִיב בְּעֵינֵי ה׳ שֶׁבִּעֵר הָאֲשֵׁרִים, אֲשֵׁירֵי יִשְׂרָאֵל, שֶׁהֲרֵי לֹא הִזְהִירָם אֶלָּא עַל אֲשֵׁירֵיהֶם, וְשׁוּב חָזַר בְּשׁוֹפְטִים וְשׁוֹטְרִים וּמָצָא כָתוּב ״לֹא תִטַּע לְךָ אֲשֵׁרָה״ דברים טז:כא, וְאָז שָׂמַח שֶׁבִּעֲרָם. וְגַם רָאָה שָׁם כָּתוּב ״שֹׁפְטִים וְשֹׁטְרִים תִּתֶּן לְךָ״ דברים טז:יח, מִיָּד וַיַּעֲמֵד שֹׁפְטִים מֻחְזָקִים בְּכָל עָרֵי יְהוּדָה לְעִיר וָעִיר:
4 בְּכָל עָרֵי יְהוּדָה הַבְּצֻרוֹת. הֶעֱמִיד מוּחְזָקִים, לְהַכְרִיחָם וּלְכוֹפָן לַדִּין מִתְּחִלָּה; וְשׁוּב הֶעֱמִיד שׁוֹפְטִים שֶׁאֵינָן מוּחְזָקִים כָּל כָּךְ לַעֲיָירוֹת שֶׁאֵינָן בְּצוּרוֹת, לְפִי שֶׁהֵן יְרֵאִים לִהְיוֹת סַרְבָנִים יוֹתֵר מֵאוֹתָן הַיּוֹשְׁבִים בְּעָרִים בְּצוּרוֹת, שֶׁבּוֹטְחִים בְּעָרֵי מִבְצָרָם:
5 כִּי לֹא לְאָדָם תִּשְׁפְּטוּ. פִּתְרוֹן: אַל תַּחְשְׁבוּ בִּלְבַבְכֶם לוֹמַר: מַה לָּנוּ אִם אָנוּ מַטִּים אֶת הַדִּין לְזַכּוֹת אֶת אוֹהֲבֵינוּ, לְהַטּוֹת דִּין דַּלִּים וְלִשָּׂא פְּנֵי עֲשִׁירִים, הֲלֹא אֵין הַמִּשְׁפָּט לַה׳; לְכָךְ נֶאֱמַר לַה׳, שֶׁלּוֹ הוּא, אִם חִיַּבְתָּ אֶת הַזַּכַּאי, כְּאִלּוּ נָטַלְתָּ וְלָקַחְתָּ מִשֶּׁל בּוֹרְאֲךָ וְדִין שָׁמַיִם עִקַּלְתָּ לָתֵת מִשְׁפָּט מְעֻקָּל. לְפִיכָךְ תִּרְאוּ מַה שֶּׁתַּעֲשׂוּ, וְהָיָה לְבַבְכֶם בְּכָל דִּין וְדִין כְּאִלּוּ הַקָּדוֹשׁ בָּרוּךְ הוּא עוֹמֵד לִפְנֵיכֶם בַּדִּין, וְזֶהוּ וְעִמָּכֶם בִּדְבַר מִשְׁפָּט. וּבְסַנְהֶדְרִין סנהדרין ו: מְפֹרָשׁ מָה אַתֶּם עוֹשִׂים? כִּי לֹא לְאָדָם תִּשְׁפְּטוּ כִּי לַה׳; וְשֶׁמָּא יֹאמַר הַדַּיָּן: מַה לִּי וְלַצַּעַר הַזֶּה, תַּלְמוּד לוֹמַר: וְעִמָּכֶם בִּדְבַר מִשְׁפָּט, כְּלוֹמַר מוּטָל עֲלֵיכֶם לַעֲשׂוֹת וְאֵין לוֹ לַדַּיָּן לַעֲשׂוֹת אֶלָּא מַה שֶּׁעֵינָיו רוֹאוֹת:
6 אֵין עִם ה׳ אֱלֹהֵינוּ עַוְלָה וּמַשֹּׂא פָנִים וּמִקַּח שֹׁחַד. וְהוּא עִמָּכֶם בַּמִּשְׁפָּט, לְפִיכָךְ אֵינוֹ רוֹצֶה שֶׁתַּעֲשׂוּ עָוֶל בַּמִּשְׁפָּט ויקרא יט:טו:
7 וְגַם בִּירוּשָׁלִַם הֶעֱמִיד. אַף עַל פִּי שֶׁהוּא בְּעַצְמוֹ בִּירוּשָׁלִַם:
8 לְמִשְׁפַּט ה׳ וְלָרִיב. מִשְׁפָּט נוֹפֵל לוֹמַר עַל דִּינֵי מָמוֹנוֹת, דּוּגְמָא: ״וְהָיְתָה לִבְנֵי יִשְׂרָאֵל לְחֻקַּת מִשְׁפָּט״ במדבר כז:יא; וְלָרִיב נוֹפֵל עַל דִּינֵי נְפָשׁוֹת וְחַבָּלוֹת, דּוּגְמַת ״וְכִי יְרִיבֻן אֲנָשִׁים וְגוֹ׳״ שמות כא:יח:
9 כֹּה תַעֲשׂוּן. מִשּׁוּם זְרִיזוּת וּזְהִירוּת וּלְחוֹזֶק הוֹסִיף נוּ״ן, כְּמוֹ ״עַד אֲשֶׁר תֵּדְעִין אֵיךְ יִפֹּל דָּבָר״ רות ג:יח, וּכְמוֹ ״כֹּה תֹאמְרוּן לַאדֹנִי לְעֵשָׂו״ בראשית לב:ה; ״וְכֹה תִדְבָּקִין וְגוֹ׳״ רות ב:ח; ״אֲשֶׁר יִקְצֹרוּן״ רות ב:ט:
10 בֵּין דָּם לְדָם. בֵּין דַּם רְצִיחַת שׁוֹגֵג לְמֵזִיד:
11 וְהִזְהַרְתֶּם אוֹתָם. אֲחֵיכֶם:
12 וְהָיָה קֶצֶף עֲלֵיכֶם וְעַל אֲחֵיכֶם. לְפִיכָךְ כֹּה תַעֲשׂוּן: וְהִזְהַרְתֶּם אֶת אֲחֵיכֶם:
13 וְלֹא תֶאְשָׁמוּ. אוֹתָם מִכָּל מָקוֹם, שֶׁאִם תְּקַבְּלוּ אֶת הָאַזְהָרָה לֹא יִהְיֶה לָכֶם קֶצֶף, וְאַף לֹא יִהְיֶה בְּשׁוּם דָּבָר אָשָׁם עֲלֵיכֶם, הוֹאִיל וַעֲשִׂיתֶם חוֹבַתְכֶם הַמּוּטָל עֲלֵיכֶם לַעֲשׂוֹת:
14 וִיהִי ה׳ עִם הַטּוֹב. עִם עוֹשֵׂה הַטּוֹב וְהַיָּשָׁר דברים יב:כח: