1 אֲשֶׁ֨ר הָיָ֧ה דְבַר־יְהֹוָ֛ה אֶל־יִרְמְיָ֥הוּ הַנָּבִ֖יא אֶל־פְּלִשְׁתִּ֑ים בְּטֶ֛רֶם יַכֶּ֥ה פַרְעֹ֖ה אֶת־עַזָּֽה׃
2 כֹּ֣ה אָמַ֣ר יְהֹוָ֗ה הִנֵּה־מַ֜יִם עֹלִ֤ים מִצָּפוֹן֙ וְהָיוּ֙ לְנַ֣חַל שׁוֹטֵ֔ף וְיִשְׁטְפוּ֙ אֶ֣רֶץ וּמְלוֹאָ֔הּ עִ֖יר וְיֹ֣שְׁבֵי בָ֑הּ וְזָעֲקוּ֙ הָאָדָ֔ם וְהֵילִ֕ל כֹּ֖ל יוֹשֵׁ֥ב הָאָֽרֶץ׃
3 מִקּ֗וֹל שַֽׁעֲטַת֙ פַּרְס֣וֹת אַבִּירָ֔יו מֵרַ֣עַשׁ לְרִכְבּ֔וֹ הֲמ֖וֹן גַּלְגִּלָּ֑יו לֹא־הִפְנ֤וּ אָבוֹת֙ אֶל־בָּנִ֔ים מֵרִפְי֖וֹן יָדָֽיִם׃
4 עַל־הַיּ֗וֹם הַבָּא֙ לִשְׁד֣וֹד אֶת־כׇּל־פְּלִשְׁתִּ֔ים לְהַכְרִ֤ית לְצֹר֙ וּלְצִיד֔וֹן כֹּ֖ל שָׂרִ֣יד עֹזֵ֑ר כִּֽי־שֹׁדֵ֤ד יְהֹוָה֙ אֶת־פְּלִשְׁתִּ֔ים שְׁאֵרִ֖ית אִ֥י כַפְתּֽוֹר׃
5 בָּ֤אָה קׇרְחָה֙ אֶל־עַזָּ֔ה נִדְמְתָ֥ה אַשְׁקְל֖וֹן שְׁאֵרִ֣ית עִמְקָ֑ם עַד־מָתַ֖י תִּתְגּוֹדָֽדִי׃
6 ה֗וֹי חֶ֚רֶב לַיהֹוָ֔ה עַד־אָ֖נָה לֹ֣א תִשְׁקֹ֑טִי הֵאָֽסְפִי֙ אֶל־תַּעְרֵ֔ךְ הֵרָגְעִ֖י וָדֹֽמִּי׃
7 אֵ֣יךְ תִּשְׁקֹ֔טִי וַיהֹוָ֖ה צִוָּה־לָ֑הּ אֶֽל־אַשְׁקְל֛וֹן וְאֶל־ח֥וֹף הַיָּ֖ם שָׁ֥ם יְעָדָֽהּ׃ פ
1 דַהֲוָה פִּתְגָם נְבוּאָה מִן קֳדָם יְיָ עִם יִרְמְיָה נְבִיָא עַל פְּלִשְׁתָּאֵי עַד לָא יֵיתֵי פַרְעֹה וְיִמְחֵי יַת יַתְבֵי עַזָה:
2 כִּדְנַן אֲמַר יְיָ הָא עַמְמַיָא אָתָן מִצִפּוּנָא וִיהוֹן כְּנַחַל מְגַבֵּר וְיִבְזוּן אַרְעָא וּמְלָאָהּ קִרְוַיָא וּדְיַתְבִין בְּהוֹן וִיצַוְחוּן בְּנֵי אֱנָשָׁא וִילֵילוּן כָּל יַתְבֵי אַרְעָא:
3 מִקַל מַפְסוּעִית פַּרְעַת גִבָּרוֹהִי מִזִיעַ לִרְתִיכוֹהִי אִתְרְגוּשַׁת גַלְגַלוֹהִי לָא מִתְפְּנָן אַבְהָן לְרַחָמָא עַל בְּנִין מֵאִתְרַשְׁלוֹת יְדִין:
4 עַל יוֹמָא דְאָתֵי לְמִבַּז יַת כָּל אַרְעָא פְּלִשְׁתָּאֵי לְשֵׁיצָאָה לְצוֹר וּלְצִידוֹן כָּל שְׁאַר סָעִיד אֲרֵי אַבֵּיז יְיָ יַת אֲרַע פְּלִשְׁתָּאֵי שְׁאַר נַגְוַת קַפּוּטְקָאֵי:
5 מְטַת פּוּרְעָנוּתָא לְיַתְבֵי עַזָה אִתְּבָר אַשְׁקְלָנָאֵי שְׁאַר תּוּקְפְהוֹן עַד אֵימָתַי תִתְהַמָמוּן:
6 וַי חַרְבָּא דִשְׁלִיחָא מִן קֳדָם יְיָ עַד אֵימָתַי לָא תְנוּחִין אִתְכַּנְשִׁי לְנִדְנָךְ לְבֵית זִמְנָא תְנוּחִין:
