תרגום יונתן על ירמיהו מ״א

מהדורה: מקראות גדולות

« תרגום יונתן על ירמיהו מ׳ תרגום יונתן על ירמיהו מ״ב »

1 וַיְהִ֣י בַּחֹ֣דֶשׁ הַשְּׁבִיעִ֗י בָּ֣א יִשְׁמָעֵ֣אל בֶּן־נְתַנְיָ֣ה בֶן־אֱלִישָׁמָ֣ע מִזֶּ֣רַע הַ֠מְּלוּכָ֠ה וְרַבֵּ֨י הַמֶּ֜לֶךְ וַעֲשָׂרָ֨ה אֲנָשִׁ֥ים אִתּ֛וֹ אֶל־גְּדַלְיָ֥הוּ בֶן־אֲחִיקָ֖ם הַמִּצְפָּ֑תָה וַיֹּ֨אכְלוּ שָׁ֥ם לֶ֛חֶם יַחְדָּ֖ו בַּמִּצְפָּֽה׃

2 וַיָּ֩קׇם֩ יִשְׁמָעֵ֨אל בֶּן־נְתַנְיָ֜ה וַעֲשֶׂ֥רֶת הָאֲנָשִׁ֣ים אֲשֶׁר־הָי֣וּ אִתּ֗וֹ וַ֠יַּכּ֠וּ אֶת־גְּדַלְיָ֨הוּ בֶן־אֲחִיקָ֧ם בֶּן־שָׁפָ֛ן בַּחֶ֖רֶב וַיָּ֣מֶת אֹת֑וֹ אֲשֶׁר־הִפְקִ֥יד מֶלֶךְ־בָּבֶ֖ל בָּאָֽרֶץ׃

3 וְאֵ֣ת כׇּל־הַיְּהוּדִ֗ים אֲשֶׁר־הָי֨וּ אִתּ֤וֹ אֶת־גְּדַלְיָ֙הוּ֙ בַּמִּצְפָּ֔ה וְאֶת־הַכַּשְׂדִּ֖ים אֲשֶׁ֣ר נִמְצְאוּ־שָׁ֑ם אֵ֚ת אַנְשֵׁ֣י הַמִּלְחָמָ֔ה הִכָּ֖ה יִשְׁמָעֵֽאל׃

4 וַיְהִ֛י בַּיּ֥וֹם הַשֵּׁנִ֖י לְהָמִ֣ית אֶת־גְּדַלְיָ֑הוּ וְאִ֖ישׁ לֹ֥א יָדָֽע׃

5 וַיָּבֹ֣אוּ אֲ֠נָשִׁ֠ים מִשְּׁכֶ֞ם מִשִּׁל֤וֹ וּמִשֹּֽׁמְרוֹן֙ שְׁמֹנִ֣ים אִ֔ישׁ מְגֻלְּחֵ֥י זָקָ֛ן וּקְרֻעֵ֥י בְגָדִ֖ים וּמִתְגֹּֽדְדִ֑ים וּמִנְחָ֤ה וּלְבוֹנָה֙ בְּיָדָ֔ם לְהָבִ֖יא בֵּ֥ית יְהֹוָֽה׃

6 וַ֠יֵּצֵ֠א יִשְׁמָעֵ֨אל בֶּן־נְתַנְיָ֤ה לִקְרָאתָם֙ מִן־הַמִּצְפָּ֔ה הֹלֵ֥ךְ הָלֹ֖ךְ וּבֹכֶ֑ה וַֽיְהִי֙ כִּפְגֹ֣שׁ אֹתָ֔ם וַיֹּ֣אמֶר אֲלֵיהֶ֔ם בֹּ֖אוּ אֶל־גְּדַלְיָ֥הוּ בֶן־אֲחִיקָֽם׃

7 וַיְהִ֕י כְּבוֹאָ֖ם אֶל־תּ֣וֹךְ הָעִ֑יר וַיִּשְׁחָטֵ֞ם יִשְׁמָעֵ֤אל בֶּן־נְתַנְיָה֙ אֶל־תּ֣וֹךְ הַבּ֔וֹר ה֖וּא וְהָאֲנָשִׁ֥ים אֲשֶׁר־אִתּֽוֹ׃

8 וַעֲשָׂרָ֨ה אֲנָשִׁ֜ים נִמְצְאוּ־בָ֗ם וַיֹּאמְר֤וּ אֶל־יִשְׁמָעֵאל֙ אַל־תְּמִתֵ֔נוּ כִּֽי־יֶשׁ־לָ֤נוּ מַטְמֹנִים֙ בַּשָּׂדֶ֔ה חִטִּ֥ים וּשְׂעֹרִ֖ים וְשֶׁ֣מֶן וּדְבָ֑שׁ וַיֶּחְדַּ֕ל וְלֹ֥א הֱמִיתָ֖ם בְּת֥וֹךְ אֲחֵיהֶֽם׃

9 וְהַבּ֗וֹר אֲשֶׁר֩ הִשְׁלִ֨יךְ שָׁ֤ם יִשְׁמָעֵאל֙ אֵ֣ת כׇּל־פִּגְרֵ֣י הָאֲנָשִׁ֗ים אֲשֶׁ֤ר הִכָּה֙ בְּיַד־גְּדַלְיָ֔הוּ ה֗וּא אֲשֶׁ֤ר עָשָׂה֙ הַמֶּ֣לֶךְ אָסָ֔א מִפְּנֵ֖י בַּעְשָׁ֣א מֶלֶךְ־יִשְׂרָאֵ֑ל אֹת֗וֹ מִלֵּ֛א יִשְׁמָעֵ֥אל בֶּן־נְתַנְיָ֖הוּ חֲלָלִֽים׃

10 וַיִּ֣שְׁבְּ יִ֠שְׁמָעֵ֠אל אֶת־כׇּל־שְׁאֵרִ֨ית הָעָ֜ם אֲשֶׁ֣ר בַּמִּצְפָּ֗ה אֶת־בְּנ֤וֹת הַמֶּ֙לֶךְ֙ וְאֶת־כׇּל־הָעָם֙ הַנִּשְׁאָרִ֣ים בַּמִּצְפָּ֔ה אֲשֶׁ֣ר הִפְקִ֗יד נְבֽוּזַרְאֲדָן֙ רַב־טַבָּחִ֔ים אֶת־גְּדַלְיָ֖הוּ בֶּן־אֲחִיקָ֑ם וַיִּשְׁבֵּם֙ יִשְׁמָעֵ֣אל בֶּן־נְתַנְיָ֔ה וַיֵּ֕לֶךְ לַעֲבֹ֖ר אֶל־בְּנֵ֥י עַמּֽוֹן׃ ס

11 וַיִּשְׁמַע֙ יוֹחָנָ֣ן בֶּן־קָרֵ֔חַ וְכׇל־שָׂרֵ֥י הַחֲיָלִ֖ים אֲשֶׁ֣ר אִתּ֑וֹ אֵ֤ת כׇּל־הָרָעָה֙ אֲשֶׁ֣ר עָשָׂ֔ה יִשְׁמָעֵ֖אל בֶּן־נְתַנְיָֽה׃

12 וַיִּקְחוּ֙ אֶת־כׇּל־הָ֣אֲנָשִׁ֔ים וַיֵּ֣לְכ֔וּ לְהִלָּחֵ֖ם עִם־יִשְׁמָעֵ֣אל בֶּן־נְתַנְיָ֑ה וַיִּמְצְא֣וּ אֹת֔וֹ אֶל־מַ֥יִם רַבִּ֖ים אֲשֶׁ֥ר בְּגִבְעֽוֹן׃

13 וַיְהִ֗י כִּרְא֤וֹת כׇּל־הָעָם֙ אֲשֶׁ֣ר אֶת־יִשְׁמָעֵ֔אל אֶת־יֽוֹחָנָן֙ בֶּן־קָרֵ֔חַ וְאֵ֛ת כׇּל־שָׂרֵ֥י הַחֲיָלִ֖ים אֲשֶׁ֣ר אִתּ֑וֹ וַיִּשְׂמָֽחוּ׃

14 וַיָּסֹ֙בּוּ֙ כׇּל־הָעָ֔ם אֲשֶׁר־שָׁבָ֥ה יִשְׁמָעֵ֖אל מִן־הַמִּצְפָּ֑ה וַיָּשֻׁ֙בוּ֙ וַיֵּ֣לְכ֔וּ אֶל־יוֹחָנָ֖ן בֶּן־קָרֵֽחַ׃

15 וְיִשְׁמָעֵ֣אל בֶּן־נְתַנְיָ֗ה נִמְלַט֙ בִּשְׁמֹנָ֣ה אֲנָשִׁ֔ים מִפְּנֵ֖י יוֹחָנָ֑ן וַיֵּ֖לֶךְ אֶל־בְּנֵ֥י עַמּֽוֹן׃ ס

16 וַיִּקַּח֩ יוֹחָנָ֨ן בֶּן־קָרֵ֜חַ וְכׇל־שָׂרֵ֧י הַחֲיָלִ֣ים אֲשֶׁר־אִתּ֗וֹ אֵ֣ת כׇּל־שְׁאֵרִ֤ית הָעָם֙ אֲשֶׁ֣ר הֵ֠שִׁ֠יב מֵאֵ֨ת יִשְׁמָעֵ֤אל בֶּן־נְתַנְיָה֙ מִן־הַמִּצְפָּ֔ה אַחַ֣ר הִכָּ֔ה אֶת־גְּדַלְיָ֖ה בֶּן־אֲחִיקָ֑ם גְּבָרִ֞ים אַנְשֵׁ֣י הַמִּלְחָמָ֗ה וְנָשִׁ֤ים וְטַף֙ וְסָ֣רִסִ֔ים אֲשֶׁ֥ר הֵשִׁ֖יב מִגִּבְעֽוֹן׃

17 וַיֵּלְכ֗וּ וַיֵּֽשְׁבוּ֙ בְּגֵר֣וּת כמוהם כִּמְהָ֔ם אֲשֶׁר־אֵ֖צֶל בֵּ֣ית לָ֑חֶם לָלֶ֖כֶת לָב֥וֹא מִצְרָֽיִם׃

18 מִפְּנֵי֙ הַכַּשְׂדִּ֔ים כִּ֥י יָֽרְא֖וּ מִפְּנֵיהֶ֑ם כִּֽי־הִכָּ֞ה יִשְׁמָעֵ֣אל בֶּן־נְתַנְיָ֗ה אֶת־גְּדַלְיָ֙הוּ֙ בֶּן־אֲחִיקָ֔ם אֲשֶׁר־הִפְקִ֥יד מֶלֶךְ־בָּבֶ֖ל בָּאָֽרֶץ׃ פ

פירוש תרגום יונתן על ירמיהו מ״א

1 וַהֲוָה בְּיַרְחָא שְׁבִיעָאָה אֲתָא יִשְׁמָעֵאל בַּר נְתַנְיָה בַּר אֱלִישָׁמָע מִזַרְעָא דְמַלְכוּתָא וְרַבְרְבֵי מַלְכָּא וְעַסְרָא גַבְרִין עִמֵיהּ לְוַת גְדַלְיָה בַּר אֲחִיקָם לְמִצְפְּיָא וַאֲכָלוּ תַמָן לַחְמָא כַּחֲדָא בְּמִצְפְּיָא:

2 וְקָם יִשְׁמָעֵאל בַּר נְתַנְיָה וְעַסְרָא גַבְרִין דַהֲווֹ עִמֵיהּ וּמְחוֹ יַת גְדַלְיָה בַּר אֲחִיקָם בַּר שָׁפָן בְּחַרְבָּא וּקְטַל יָתֵיהּ דְמָנֵי מַלְכָּא דְבָבֶל בְּאַרְעָא:

3 וְיַת כָּל יְהוּדָאֵי דַהֲווֹ עִמֵיהּ עִם גְדַלְיָה בְּמִצְפְּיָא וְיַת כַּסְדָאֵי דְאִשְׁתְּכָחוּ תַמָן יַת גַבְרֵי עָבְדִי קְרָבָא קְטַל יִשְׁמָעֵאל:

4 וַהֲוָה בְּיוֹמָא תִנְיָנָא לְמִקְטַל יַת גְדַלְיָה וֶאֱנַשׁ לָא יְדָע:

5 וַאֲתוֹ גַבְרַיָא מִשְׁכֶם וּמִשִׁילוֹ וּמִשֹׁמְרוֹן תְּמַנָן גַבְרִין כַּד מְגַלְחִין דִקְנֵיהוֹן וּמְבַזְעִין לְבוּשֵׁיהוֹן וּמִתְחַמְמִין וְקוּרְבָּנָא וּלְבוֹנָתָא בִידֵיהוֹן לְאַיְתָאָה לְבֵית מַקְדְשָׁא דַיָי:

6 וּנְפַק יִשְׁמָעֵאל בַּר נְתַנְיָה לָקֳדָמוּתְהוֹן מִן מִצְפַּיָא אֱזֵיל מֵיזַל וּבָכֵי וַהֲוָה כַּד עֲרַע יַתְהוֹן וַאֲמַר לְהוֹן עוּלוּ לְוַת גְדַלְיָהוּ בַּר אֲחִיקָם:

7 וַהֲוָה כְּמֵיעַלְהוֹן לְגוֹ קַרְתָּא וּנְכֵיסִינוּן יִשְׁמָעֵאל בַּר נְתַנְיָה לְגוֹ גוּבָא הוּא וְגַבְרַיָא דִי עִמֵיהּ:

8 וְעַסְרָא גַבְרִין אִשְׁתְּכָחוּ בְּהוֹן וַאֲמָרוּ לְיִשְׁמָעֵאל לָא תִקְטְלִינָנָא אֲרֵי אִית לָנָא מַטְמוֹרִין בְּחַקְלָא חִטִין וּסְעָרִין וּמְשַׁח וּדְבַשׁ וְאִתְמְנַע וְלָא קַטְלִינוּן בְּגוֹ אֲחוּהוֹן:

9 וְגוּבָא דִי רְמָא תֵמָן יִשְׁמָעֵאל יַת כָּל פִּגְרֵי גַבְרַיָא דִי קְטַל בְּיַד גְדַלְיָהוּ הוּא דַעֲבַד מַלְכָּא אָסָא כַּד צַר עֲלוֹהִי בַּעֲשָׁא מַלְכָּא דְיִשְׂרָאֵל יָתֵיהּ מַלֵי יִשְׁמָעֵאל בַּר נְתַנְיָה קְטִילִין:

10 וּשְׁבָא יִשְׁמָעֵאל יַת כָּל שְׁאָרָא דְעַמָא דִי בְמִצְפְּיָא יַת בְּנַת מַלְכָּא וְיַת כָּל עַמָא דְאִשְׁתָּאֲרוּ בְּמִצְפְּיָא דְמַנֵי נְבוּזַרְאֲדָן רַב קָטוֹלַיָא עַל גְדַלְיָהוּ בַּר אֲחִיקָם וּשְׁבָנוּן יִשְׁמָעֵאל בַּר נְתַנְיָהוּ וַאֲזַל לְמֶעְבַּר לְוַת בְּנֵי עַמוֹן:

11 וּשְׁמַע יוֹחָנָן בַּר קָרֵחַ וְכָל רַבָּנֵי חֵילְוָתָא דִי עִמֵיהּ יַת כָּל בִּישָׁתָא דַעֲבַד יִשְׁמָעֵאל בַּר נְתַנְיָה:

12 וּדְבָרוּ יַת כָּל גַבְרַיָא וַאֲזַלוּ לְאַגָחָא עַל יִשְׁמָעֵאל בַּר נְתַנְיָה וְאַשְׁכָּחוּ יָתֵיהּ עַל בְּרִיכַת מַיִין סַגִיאִין דִי בְּגִבְעוֹן:

13 וַהֲוָה כַּד חֲזָא כָּל עַמָא דְעִם יִשְׁמָעֵאל יַת יוֹחָנָן בַּר קָרֵחַ וְיַת כָּל רַבָּנֵי חֵילְוָתָא דִי עִמֵיהּ וְחַדִיאוּ:

14 וְאִסְתְּחַרוּ כָּל עַמָא דִשְׁבָא יִשְׁמָעֵאל מִן מִצְפַּיָא וְתָבוּ וַאֲזַלוּ לְוַת יוֹחָנָן בַּר קָרֵחַ:

15 וְיִשְׁמָעֵאל בַּר נְתַנְיָה אִשְׁתֵּיזֵיב בִּתְמַנְיָא גַבְרָא מִן קֳדָם יוֹחָנָן בַּר קָרֵחַ וַאֲזַל לְוַת בְּנֵי עַמוֹן:

16 וּדְבַר יוֹחָנָן בַּר קָרֵחַ וְכָל רַבָּנֵי חֵילְוָתָא דִי עִמֵיהּ יַת כָּל שְׁאָרָא דְעַמָא דַאֲתִיב מִלְוַת יִשְׁמָעֵאל בַּר נְתַנְיָה מִן מִצְפַּיָא בָּתַר דִי קְטַל יַת גְדַלְיָה בַּר אֲחִיקָם גַבְרִין גַבְרֵי עָבְדֵי קְרָבָא וּנְשַׁיָא וְטַפְלָא וְרַבְרְבַיָא דִי אֲתִיב מִגִבְעוֹן:

17 וַאֲזַלוּ וִיתִיבוּ בְּנֵרוּת דִיהַב דָוִד לְכִמָהָם בַּר בַּרְזִילֵי גִלְעָדָאָה דִי בִסְטַר בֵּית לֶחֶם לְמֵיזַל לְמֵיעַל לְמִצְרַיִם:

18 מִן קֳדָם כַּסְדָאֵי אֲרֵי דְחִילוּ מִן קֳדָמֵיהוֹן אֲרֵי קְטַל יִשְׁמָעֵאל בַּר נְתַנְיָה יַת גְדַלְיָה בַּר אֲחִיקַם דְמַנֵי מַלְכָּא דְבָבֶל בְּאַרְעָא:

« תרגום יונתן על ירמיהו מ׳ תרגום יונתן על ירמיהו מ״ב »