1 וַיֹּ֤אמֶר יְהֹוָה֙ אֵלַ֔י אִם־יַעֲמֹ֨ד מֹשֶׁ֤ה וּשְׁמוּאֵל֙ לְפָנַ֔י אֵ֥ין נַפְשִׁ֖י אֶל־הָעָ֣ם הַזֶּ֑ה שַׁלַּ֥ח מֵעַל־פָּנַ֖י וְיֵצֵֽאוּ׃
2 וְהָיָ֛ה כִּי־יֹאמְר֥וּ אֵלֶ֖יךָ אָ֣נָה נֵצֵ֑א וְאָמַרְתָּ֨ אֲלֵיהֶ֜ם כֹּה־אָמַ֣ר יְהֹוָ֗ה אֲשֶׁ֨ר לַמָּ֤וֶת לַמָּ֙וֶת֙ וַאֲשֶׁ֤ר לַחֶ֙רֶב֙ לַחֶ֔רֶב וַאֲשֶׁ֤ר לָרָעָב֙ לָרָעָ֔ב וַאֲשֶׁ֥ר לַשְּׁבִ֖י לַשֶּֽׁבִי׃
3 וּפָקַדְתִּ֨י עֲלֵיהֶ֜ם אַרְבַּ֤ע מִשְׁפָּחוֹת֙ נְאֻם־יְהֹוָ֔ה אֶת־הַחֶ֣רֶב לַהֲרֹ֔ג וְאֶת־הַכְּלָבִ֖ים לִסְחֹ֑ב וְאֶת־ע֧וֹף הַשָּׁמַ֛יִם וְאֶת־בֶּהֱמַ֥ת הָאָ֖רֶץ לֶאֱכֹ֥ל וּלְהַשְׁחִֽית׃
4 וּנְתַתִּ֣ים לזועה לְזַעֲוָ֔ה לְכֹ֖ל מַמְלְכ֣וֹת הָאָ֑רֶץ בִּ֠גְלַ֠ל מְנַשֶּׁ֤ה בֶן־יְחִזְקִיָּ֙הוּ֙ מֶ֣לֶךְ יְהוּדָ֔ה עַ֥ל אֲשֶׁר־עָשָׂ֖ה בִּירוּשָׁלָֽ͏ִם׃
5 כִּ֠י מִֽי־יַחְמֹ֤ל עָלַ֙יִךְ֙ יְר֣וּשָׁלַ֔͏ִם וּמִ֖י יָנ֣וּד לָ֑ךְ וּמִ֣י יָס֔וּר לִשְׁאֹ֥ל לְשָׁלֹ֖ם לָֽךְ׃
6 אַ֣תְּ נָטַ֥שְׁתְּ אֹתִ֛י נְאֻם־יְהֹוָ֖ה אָח֣וֹר תֵּלֵ֑כִי וָאַ֨ט אֶת־יָדִ֤י עָלַ֙יִךְ֙ וָֽאַשְׁחִיתֵ֔ךְ נִלְאֵ֖יתִי הִנָּחֵֽם׃
7 וָאֶזְרֵ֥ם בְּמִזְרֶ֖ה בְּשַׁעֲרֵ֣י הָאָ֑רֶץ שִׁכַּ֤לְתִּי אִבַּ֙דְתִּי֙ אֶת־עַמִּ֔י מִדַּרְכֵיהֶ֖ם לוֹא־שָֽׁבוּ׃
8 עָֽצְמוּ־לִ֤י אַלְמְנוֹתָו֙ מֵח֣וֹל יַמִּ֔ים הֵבֵ֨אתִי לָהֶ֥ם עַל־אֵ֛ם בָּח֖וּר שֹׁדֵ֣ד בַּֽצׇּהֳרָ֑יִם הִפַּ֤לְתִּי עָלֶ֙יהָ֙ פִּתְאֹ֔ם עִ֖יר וּבֶהָלֽוֹת׃
9 אֻמְלְלָ֞ה יֹלֶ֣דֶת הַשִּׁבְעָ֗ה נָפְחָ֥ה נַפְשָׁ֛הּ באה בָּ֥א שִׁמְשָׁ֛הּ בְּעֹ֥ד יוֹמָ֖ם בּ֣וֹשָׁה וְחָפֵ֑רָה וּשְׁאֵרִיתָ֗ם לַחֶ֧רֶב אֶתֵּ֛ן לִפְנֵ֥י אֹיְבֵיהֶ֖ם נְאֻם־יְהֹוָֽה׃ ס
10 אֽוֹי־לִ֣י אִמִּ֔י כִּ֣י יְלִדְתִּ֗נִי אִ֥ישׁ רִ֛יב וְאִ֥ישׁ מָד֖וֹן לְכׇל־הָאָ֑רֶץ לֹֽא־נָשִׁ֥יתִי וְלֹא־נָֽשׁוּ־בִ֖י כֻּלֹּ֥ה מְקַֽלְלַֽוְנִי׃ ס
11 אָמַ֣ר יְהֹוָ֔ה אִם־לֹ֥א שרותך שֵׁרִיתִ֖יךָ לְט֑וֹב אִם־ל֣וֹא הִפְגַּ֣עְתִּֽי בְךָ֗ בְּעֵ֥ת רָעָ֛ה וּבְעֵ֥ת צָרָ֖ה אֶת־הָאֹיֵֽב׃
13 חֵילְךָ֧ וְאוֹצְרוֹתֶ֛יךָ לָבַ֥ז אֶתֵּ֖ן לֹ֣א בִמְחִ֑יר וּבְכׇל־חַטֹּאותֶ֖יךָ וּבְכׇל־גְּבוּלֶֽיךָ׃
14 וְהַֽעֲבַרְתִּי֙ אֶת־אֹ֣יְבֶ֔יךָ בְּאֶ֖רֶץ לֹ֣א יָדָ֑עְתָּ כִּי־אֵ֛שׁ קָדְחָ֥ה בְאַפִּ֖י עֲלֵיכֶ֥ם תּוּקָֽד׃ ס
15 אַתָּ֧ה יָדַ֣עְתָּ יְהֹוָ֗ה זׇכְרֵ֤נִי וּפׇקְדֵ֙נִי֙ וְהִנָּ֤קֶם לִי֙ מֵרֹ֣דְפַ֔י אַל־לְאֶ֥רֶךְ אַפְּךָ֖ תִּקָּחֵ֑נִי דַּ֕ע שְׂאֵתִ֥י עָלֶ֖יךָ חֶרְפָּֽה׃
16 נִמְצְא֤וּ דְבָרֶ֙יךָ֙ וָאֹ֣כְלֵ֔ם וַיְהִ֤י דבריך דְבָֽרְךָ֙ לִ֔י לְשָׂשׂ֖וֹן וּלְשִׂמְחַ֣ת לְבָבִ֑י כִּֽי־נִקְרָ֤א שִׁמְךָ֙ עָלַ֔י יְהֹוָ֖ה אֱלֹהֵ֥י צְבָאֽוֹת׃ ס
17 לֹא־יָשַׁ֥בְתִּי בְסוֹד־מְשַׂחֲקִ֖ים וָאֶעְלֹ֑ז מִפְּנֵ֤י יָֽדְךָ֙ בָּדָ֣ד יָשַׁ֔בְתִּי כִּי־זַ֖עַם מִלֵּאתָֽנִי׃
18 לָ֣מָּה הָיָ֤ה כְאֵבִי֙ נֶ֔צַח וּמַכָּתִ֖י אֲנוּשָׁ֑ה מֵֽאֲנָה֙ הֵרָפֵ֔א הָי֨וֹ תִהְיֶ֥ה לִי֙ כְּמ֣וֹ אַכְזָ֔ב מַ֖יִם לֹ֥א נֶאֱמָֽנוּ׃ ס
19 לָכֵ֞ן כֹּה־אָמַ֣ר יְהֹוָ֗ה אִם־תָּשׁ֤וּב וַאֲשִֽׁיבְךָ֙ לְפָנַ֣י תַּעֲמֹ֔ד וְאִם־תּוֹצִ֥יא יָקָ֛ר מִזּוֹלֵ֖ל כְּפִ֣י תִֽהְיֶ֑ה יָשֻׁ֤בוּ הֵ֙מָּה֙ אֵלֶ֔יךָ וְאַתָּ֖ה לֹא־תָשׁ֥וּב אֲלֵיהֶֽם׃
20 וּנְתַתִּ֜יךָ לָעָ֣ם הַזֶּ֗ה לְחוֹמַ֤ת נְחֹ֙שֶׁת֙ בְּצוּרָ֔ה וְנִלְחֲמ֥וּ אֵלֶ֖יךָ וְלֹא־י֣וּכְלוּ לָ֑ךְ כִּֽי־אִתְּךָ֥ אֲנִ֛י לְהוֹשִׁיעֲךָ֥ וּלְהַצִּילֶ֖ךָ נְאֻם־יְהֹוָֽה׃
1 וַאֲמַר יְיָ לִי אִם יְקוּם מֹשֶׁה וּשְׁמוּאֵל לְמִבְעֵי מִן קָדָמַי לָא רַעֲוָא קָדָמַי בְּעַמָא הָדֵין שְׁלַח מֵאֲרַע בֵּית שְׁכִנְתִּי וְיִגְלוֹן:
2 וִיהֵי אֲרֵי יֵימְרוּן לָךְ לְאָן נִגְלֵי וְתֵימַר לְהוֹן כִּדְנַן אֲמַר יְיָ לִדְמוֹתָא לְמוֹתָא וְדִלְחַרְבָּא לְחַרְבָּא וְדִלְכַפְנָא לְכַפְנָא וְדִי לִשִׁבְיָא לְשִׁבְיָא:
3 וְאַסְעַר עֲלֵיהוֹן אַרְבַּע פוּרְעֲנוּן בִּישַׁן אֲמַר יְיָ יַת דְקַטְלִין בְּחַרְבָּא לְמִקְטַל וְיַת כַּלְבַיָא לְגָרְרָא וְיַת עוֹפָא דִשְׁמַיָא וְיַת בְּעִירָא דְאַרְעָא לְמֵיכַל וּלְחַבָּלָא:
4 וְאֶתְּנִינוּן לִזְיַע לְכָל מַלְכְּוַת אַרְעָא עַל דְלָא תָבוּ כִּמְנַשֶׁה בַר יְחִזְקִיָה מְלַךְ שִׁבְטָא דְבֵית יְהוּדָה עַל דְאַסְגֵי לְמֶעְבַּד בִּירוּשְׁלֵם:
6 אַתְּ שְׁבַקְתְּ פּוּלְחָנִי אֲמַר יְיָ לַאֲחוֹרָא אִסְתַּחַרְתְּ וְאָרֵים יַת מְחַת גְבוּרְתִּי עֲלָךְ וֶאֱחַבְּלִינָךְ עַל דַהֲוֵית יָכְלָא לְמֵיתַב וְלָא תָבְתְּ:
7 וּכְמָא דְדָרַן בִּמְדִירַיָא כֵּן אֲבַדֵר יַת עַמִי בְּקִרְוֵי אַרְעָא תַּכְלִית אַבְּדֵית יַת עַמִי מֵאוֹרְחַתְהוֹן לָא תָבוּ:
8 סַגִיאַת קָדָמַי אַרְמְלָתְהוֹן מֵחָל יַמְמִין אַיְתֵיתִי עֲלֵיהוֹן עַל סִיעַת עוּלֵימֵיהוֹן בְּזוֹזִין כַּד בְּטִיהֲרָא אַיְתֵיתִי עֲלֵיהוֹן מַשִׁרְיָן בִּתְכֵּיף וְחַבִּילָא קִרְוֵיהוֹן:
9 צְדִיאַת אַרְעֲהוֹן מִבְּלִי עַמָא הֲווֹ לְמַפְּחַת נְפַשׁ גְלָא יְקַרְהוֹן בְּחַיֵיהוֹן וְעַד דְאִינוּן קַיְמִין בְּהִיתוּ וְאִתְכְּנָעוּ וּשְׁאַרְהוֹן לְחַרְבָּא אֶמְסַר קֳדָם בַּעֲלֵי דְבָבֵיהוֹן אֲמַר יְיָ:
10 וַי לִי אִמִי אֲרֵי יְלִדְתִּינִי לְמֶהֱוֵי גְבַר דִין וֶאֱנַשׁ מָצוּ לְכָל יַתְבֵי אַרְעָא לָא רָשָׁן בִּי וּמָא דַאֲנָא דַשֵׁינָא לָא תָבַע מִנְהוֹן כּוּלְהוֹן מְלַטְטִין לִי:
11 אֲמַר יְיָ אִם לָא סוֹפֵךְ יְהֵא לְטַב אִם לָא יֵיתוּן וְיִבְעוֹן מִנָךְ בְּעִדַן דְאַיְתִי עֲלֵיהוֹן סַנְאָה וְיָעִיק לְהוֹן בָּעֵיל דְבָבָא:
12 מְלַךְ דְתַקִיף כְּבַרְזְלָא יִסַק לְסָעֵיר מְלַךְ דְתַקִיף כְּבַרְזְלָא וְכִנְחָשָׁא יֵתֵי מִצִפּוֹנָא עֲלָהּ לְמִתְבָּרָא:
13 נִכְסֵיכוֹן וּבֵית גִנְזֵיכוֹן לְבִזָא אֶמְסַר לָא בְּדָמִין בְּחוֹבִין דַהֲוֵיתוּן פָּלְחִין לְטַעֲוָתָא וּבְכָל תְּחוּמֵיכוֹן:
14 וְתִשְׁתַּעְבְּדוּן לְבַעֲלֵי דְבָבֵיכוֹן בְּאַרְעָא דְלָא יְדַעְתּוּן אֲרֵי קִידוּם תַּקִיף כְּאֶשְׁתָּא נְפַק מִן קָדָמַי בִּרְגַז עֲלֵיכוֹן יֵחוֹל:
15 אִתְגְלֵי קָדָמָךְ יְיָ יֵעוֹל דוּכְרָנִי וּפַקְדֵנִי לְאוֹטָבָא לִי וְאַסְעַר עַל בַּעֲלֵי דְבָבֵי אִתְפָּרַע לִי מֵרָדְפַי לָא תִתֵּן אַרְכָּא לְעוּלְבָּנִי גְלֵי קָדָמָךְ דְקַבְּלִית חִסוּדִין עַל מֵימְרָךְ:
16 קַבְּלֵית לְפִתְגָמָךְ וְקָיֵמְתִּינוּן וַהֲוָה מֵימְרָךְ לִי לְבִיעַ וּלְחֶדְוַת לִבִּי אֲרֵי אִתְקְרֵי שְׁמָךְ עֲלַי יְיָ אֱלֹהִים צְבָאוֹת:
17 לָא יְתֵיבֵית בְּסִיעַת מְשַׁבְּחִין וְלָא חֲדֵיתִי מִן קֳדָם מֵימְרָךְ פָּרֵישׁ יְתֵיבִית בִית אֲרֵי נְבוּאָה דַלְוָט מַלֵיתָנִי:
18 לְמָה הֲוָה כֵיבִי לְאַפְרַשׁ וּמְחָתִי תַקִיפָא לִמְסַרְבָא לְאִתַּסָאָה לָא יְהֵי מֵימְרָךְ לִי כַּדְבִין כְּמַבַּע דְמַיִין דְפַסְקִין מוֹהִי:
19 בְּכֵן כִּדְנַן אֲמַר יְיָ אִם תְּתוּב וַאֲתֵיבִינָךְ קָדָמֵי תְּשַׁמֵשׁ וְאִם תְּתֵיב רַשִׁיעַיָא לְמֶהֱוֵי צַדִיקַיָא רַעֲוַת מֵימְרִי תְקַיֵם יְתוּבוּן אִינוּן לְפִתְגָמָךְ וְאַתְּ לָא תְתוּב לְמִטְעֵי בַּתְרֵיהוֹן:
20 וְאֶתְּנִינָךְ לְעַמָא הָדֵין כְּשׁוּר דִנְחַשׁ כְּרִיךְ וִיגִיחוּן לְקִבְּלָךְ וְלָא יִכְלוּן לָךְ אֲרֵי בְסַעֲדָךְ מֵימְרִי לְמַפְרָקָךְ וּלְשֵׁיזָבוּתָךְ אָמַר יְיָ:
