1 כֹּה־אָמַ֨ר יְהֹוָ֜ה אֵלַ֗י הָל֞וֹךְ וְקָנִ֤יתָ לְּךָ֙ אֵז֣וֹר פִּשְׁתִּ֔ים וְשַׂמְתּ֖וֹ עַל־מׇתְנֶ֑יךָ וּבַמַּ֖יִם לֹ֥א תְבִאֵֽהוּ׃
4 קַ֧ח אֶת־הָאֵז֛וֹר אֲשֶׁ֥ר קָנִ֖יתָ אֲשֶׁ֣ר עַל־מׇתְנֶ֑יךָ וְקוּם֙ לֵ֣ךְ פְּרָ֔תָה וְטׇמְנֵ֥הוּ שָׁ֖ם בִּנְקִ֥יק הַסָּֽלַע׃
6 וַיְהִ֕י מִקֵּ֖ץ יָמִ֣ים רַבִּ֑ים וַיֹּ֨אמֶר יְהֹוָ֜ה אֵלַ֗י ק֚וּם לֵ֣ךְ פְּרָ֔תָה וְקַ֤ח מִשָּׁם֙ אֶת־הָ֣אֵז֔וֹר אֲשֶׁ֥ר צִוִּיתִ֖יךָ לְטׇמְנוֹ־שָֽׁם׃
7 וָאֵלֵ֣ךְ פְּרָ֔תָה וָאֶחְפֹּ֗ר וָֽאֶקַּח֙ אֶת־הָ֣אֵז֔וֹר מִן־הַמָּק֖וֹם אֲשֶׁר־טְמַנְתִּ֣יו שָׁ֑מָּה וְהִנֵּה֙ נִשְׁחַ֣ת הָאֵז֔וֹר לֹ֥א יִצְלַ֖ח לַכֹּֽל׃ פ
9 כֹּ֖ה אָמַ֣ר יְהֹוָ֑ה כָּ֠כָה אַשְׁחִ֞ית אֶת־גְּא֧וֹן יְהוּדָ֛ה וְאֶת־גְּא֥וֹן יְרוּשָׁלַ֖͏ִם הָרָֽב׃
10 הָעָם֩ הַזֶּ֨ה הָרָ֜ע הַֽמֵּאֲנִ֣ים לִשְׁמ֣וֹעַ אֶת־דְּבָרַ֗י הַהֹֽלְכִים֙ בִּשְׁרִר֣וּת לִבָּ֔ם וַיֵּלְכ֗וּ אַֽחֲרֵי֙ אֱלֹהִ֣ים אֲחֵרִ֔ים לְעׇבְדָ֖ם וּלְהִשְׁתַּחֲוֺ֣ת לָהֶ֑ם וִיהִי֙ כָּאֵז֣וֹר הַזֶּ֔ה אֲשֶׁ֥ר לֹֽא־יִצְלַ֖ח לַכֹּֽל׃ ס
11 כִּ֡י כַּאֲשֶׁר֩ יִדְבַּ֨ק הָאֵז֜וֹר אֶל־מׇתְנֵי־אִ֗ישׁ כֵּ֣ן הִדְבַּ֣קְתִּי אֵ֠לַ֠י אֶת־כׇּל־בֵּ֨ית יִשְׂרָאֵ֜ל וְאֶת־כׇּל־בֵּ֤ית יְהוּדָה֙ נְאֻם־יְהֹוָ֔ה לִֽהְי֥וֹת לִי֙ לְעָ֔ם וּלְשֵׁ֥ם וְלִתְהִלָּ֖ה וּלְתִפְאָ֑רֶת וְלֹ֖א שָׁמֵֽעוּ׃
12 וְאָמַרְתָּ֨ אֲלֵיהֶ֜ם אֶת־הַדָּבָ֣ר הַזֶּ֗ה ס כֹּֽה־אָמַ֤ר יְהֹוָה֙ אֱלֹהֵ֣י יִשְׂרָאֵ֔ל כׇּל־נֵ֖בֶל יִמָּ֣לֵא יָ֑יִן וְאָמְר֣וּ אֵלֶ֔יךָ הֲיָדֹ֙עַ֙ לֹ֣א נֵדַ֔ע כִּ֥י כׇל־נֵ֖בֶל יִמָּ֥לֵא יָֽיִן׃
13 וְאָמַרְתָּ֨ אֲלֵיהֶ֜ם כֹּֽה־אָמַ֣ר יְהֹוָ֗ה הִנְנִ֣י מְמַלֵּ֣א אֶת־כׇּל־יֹשְׁבֵ֣י הָאָ֪רֶץ הַזֹּ֟את וְאֶת־הַמְּלָכִ֣ים הַיֹּשְׁבִים֩ לְדָוִ֨ד עַל־כִּסְא֜וֹ וְאֶת־הַכֹּהֲנִ֣ים וְאֶת־הַנְּבִאִ֗ים וְאֵ֛ת כׇּל־יֹשְׁבֵ֥י יְרוּשָׁלָ֖͏ִם שִׁכָּרֽוֹן׃
14 וְנִפַּצְתִּים֩ אִ֨ישׁ אֶל־אָחִ֜יו וְהָאָב֧וֹת וְהַבָּנִ֛ים יַחְדָּ֖ו נְאֻם־יְהֹוָ֑ה לֹֽא־אֶחְמ֧וֹל וְלֹא־אָח֛וּס וְלֹ֥א אֲרַחֵ֖ם מֵהַשְׁחִיתָֽם׃
16 תְּנוּ֩ לַיהֹוָ֨ה אֱלֹהֵיכֶ֤ם כָּבוֹד֙ בְּטֶ֣רֶם יַחְשִׁ֔ךְ וּבְטֶ֛רֶם יִֽתְנַגְּפ֥וּ רַגְלֵיכֶ֖ם עַל־הָ֣רֵי נָ֑שֶׁף וְקִוִּיתֶ֤ם לְאוֹר֙ וְשָׂמָ֣הּ לְצַלְמָ֔וֶת ישית וְשִׁ֖ית לַעֲרָפֶֽל׃
17 וְאִם֙ לֹ֣א תִשְׁמָע֔וּהָ בְּמִסְתָּרִ֥ים תִּבְכֶּֽה־נַפְשִׁ֖י מִפְּנֵ֣י גֵוָ֑ה וְדָמֹ֨עַ תִּדְמַ֜ע וְתֵרַ֤ד עֵינִי֙ דִּמְעָ֔ה כִּ֥י נִשְׁבָּ֖ה עֵ֥דֶר יְהֹוָֽה׃ ס
18 אֱמֹ֥ר לַמֶּ֛לֶךְ וְלַגְּבִירָ֖ה הַשְׁפִּ֣ילוּ שֵׁ֑בוּ כִּ֤י יָרַד֙ מַרְאֲשׁ֣וֹתֵיכֶ֔ם עֲטֶ֖רֶת תִּֽפְאַרְתְּכֶֽם׃
20 שאי שְׂא֤וּ עֵֽינֵיכֶם֙ וראי וּרְא֔וּ הַבָּאִ֖ים מִצָּפ֑וֹן אַיֵּ֗ה הָעֵ֙דֶר֙ נִתַּן־לָ֔ךְ צֹ֖אן תִּפְאַרְתֵּֽךְ׃
21 מַה־תֹּֽאמְרִי֙ כִּֽי־יִפְקֹ֣ד עָלַ֔יִךְ וְ֠אַ֠תְּ לִמַּ֨דְתְּ אֹתָ֥ם עָלַ֛יִךְ אַלֻּפִ֖ים לְרֹ֑אשׁ הֲל֤וֹא חֲבָלִים֙ יֹֽאחֱז֔וּךְ כְּמ֖וֹ אֵ֥שֶׁת לֵדָֽה׃
22 וְכִ֤י תֹֽאמְרִי֙ בִּלְבָבֵ֔ךְ מַדּ֖וּעַ קְרָאֻ֣נִי אֵ֑לֶּה בְּרֹ֧ב עֲוֺנֵ֛ךְ נִגְל֥וּ שׁוּלַ֖יִךְ נֶחְמְס֥וּ עֲקֵבָֽיִךְ׃
23 הֲיַהֲפֹ֤ךְ כּוּשִׁי֙ עוֹר֔וֹ וְנָמֵ֖ר חֲבַרְבֻּרֹתָ֑יו גַּם־אַתֶּם֙ תּוּכְל֣וּ לְהֵיטִ֔יב לִמֻּדֵ֖י הָרֵֽעַ׃
25 זֶ֣ה גוֹרָלֵ֧ךְ מְנָת־מִדַּ֛יִךְ מֵאִתִּ֖י נְאֻם־יְהֹוָ֑ה אֲשֶׁר֙ שָׁכַ֣חַתְּ אוֹתִ֔י וַֽתִּבְטְחִ֖י בַּשָּֽׁקֶר׃
27 נִאֻפַ֤יִךְ וּמִצְהֲלוֹתַ֙יִךְ֙ זִמַּ֣ת זְנוּתֵ֔ךְ עַל־גְּבָעוֹת֙ בַּשָּׂדֶ֔ה רָאִ֖יתִי שִׁקּוּצָ֑יִךְ א֥וֹי לָךְ֙ יְר֣וּשָׁלַ֔͏ִם לֹ֣א תִטְהֲרִ֔י אַחֲרֵ֥י מָתַ֖י עֹֽד׃ ס
1 כִּדְנַן אֲמַר יְיָ לִי אֱזֵיל וְתִזְבּוּן לָךְ זְרַז דְכִתַּן וּתְשַׁוִינֵיהּ עַל חַרְצָךְ וּבְמַיָא לָא תֶעֲלִינֵיהּ:
4 סַב יַת זַרְזָא דִי זְבִינְתָּא דִי עַל חֲרָצָךְ וְקוּם אֱזֵיל לִפְרָת וּטְמַרְהִי תַמָן בִּשְׁעִיעוּת כֵּיף גְלֵי:
6 וַהֲוָה מִסוֹף יוֹמִין סַגִיאִין וַאֲמַר יְיָ לִי קוּם אֱזֵיל לִפְרָת וְסַב מִתַמָן יַת זַרְזָא דִי פַקֵדְתָּךְ לְמִטַמְרֵיהּ תַמָן:
7 וַאֲזָלֵית לִפְרָת וַחֲפָרֵית וּנְסִיבֵית יַת זַרְזָא מִן אַתְרָא דִטְמַרְתֵּיהּ תַּמָן וְהָא אִתְחַבֵּיל זַרְזָא לֵית בֵּיהּ צְרוֹךְ לְכָל מִדַעַם:
9 כִּדְנַן אֲמַר יְיָ כְּדֵין אֲחַבֵּיל יַת תְּקוֹף אֱנַשׁ יְהוּדָה וְיַת תְּקוֹף יַתְבֵי יְרוּשְׁלֵם דַהֲוָה סַגִי:
10 עַמָא הָדֵין דְעוֹבָדֵיהוֹן בִּישִׁין דְסָרִיבוּ לְקַבָּלָא יַת פִּתְגָמָא דְאָזְלִין בָּתַר הִרְהוּר לִבְּהוֹן וּטְעוֹ בָּתַר טַעֲוַת פַּלְחֵי כּוֹכְבַיָא לְמִפְלַחְהוֹן וּלְמִסְגֵיד לְהוֹן וִיהוֹן כְּזַרְזָא הָדֵין דְלֵית בְּהוֹן צְרוֹךְ לְכָל מִדָעַם:
11 אֲרֵי כְּמָא דְמִדְבַּק זַרְזָא בְּחַרְצָא דְגַבְרָא כֵּן קָרְבֵית לְפוּלְחָנִי יַת כָּל בֵּית יִשְׂרָאֵל וְיַת כָּל בֵּית יְהוּדָה אֲמַר יְיָ לְמֶהֱוֵי קֳדָמַי לְעַם וּלְשׁוּם וּלְחוּשְׁבְּחָא וְלִרְבוּ וְלָא קַבִּילוּ:
12 וְתֵימַר לְהוֹן יַת פִּתְגָמָא הָדֵין כִּדְנַן אֲמַר יְיָ אֱלָהָא דְיִשְׂרָאֵל כָּל גְרַב יִתְמְלֵי חֲמַר וְיֵימְרוּן לָךְ הֲמִידַע לָא הֲוֵינָא יָדְעִין אֲרֵי כָּל גְרַב יִתְמְלֵי חֲמָר:
13 וְתֵימַר לְהוֹן כִּדְנַן אֲמַר יְיָ הָא אֲנָא מְמַלֵי יַת כָּל יַתְבֵי אַרְעָא הָדָא וְיַת מַלְכָּא דְיַתְבִין לְדָוִד עַל כּוּרְסוֹהִי וְיַת כַּהֲנַיָא וְיַת נְבִיַיָא דְשִׁקְאָא וְיַת כָּל יַתְבֵי יְרוּשְׁלֵם עָקָא וִיהוֹן דָמָן לְרַוְיָא:
14 וֶאֱגָרִינוּן גְבַר בַּאֲחוּהִי וַאֲבָהָן וּבְנִין כַּחֲדָא אֲמַר יְיָ לָא אֶחְמוֹל וְלָא אֵיחוּס וְלָא אֲרַחֵם מִלְחַבָּלוּתְהוֹן:
16 הָבוּ קֳדָם יְיָ אֱלָהָכוֹן יְקָרָא עַד לָא תֵיתֵי עֲלֵיכוֹן עָקָא וּתְהוֹן דָמִין לְדִמְהַלְכִין כִּדְבְקִבְלָא וְעַד לָא יִתְנַגְפוּן רַגְלֵיכוֹן עַל טוּרֵי קָבָל וְתִסְבְּרוּן לִנְהוֹר וִיהֵי עֲלֵיכוֹן חֲשׁוֹךְ לְזֵיהוֹר וְהָא כְּדִבְקִבְלָא תְהוֹן מְהַלְכִין אַתּוּן:
17 וְאִם לָא תְקַבְּלוּן אוּלְפַן כַּד בְּסִתְרָא תִבְכֵּי נַפְשִׁי מִן קֳדָם דְיֶדְעֵי מִנְכוֹן יְקַרְכוֹן וּמִדְמַע תִּדְמַע וּתְשַׁגֵר עֵינֵי דִמְעִין אֲרֵי אִשְׁתְּבֵי עַמָא דַיְיָ:
18 אֲמַר לְמַלְכָּא וּלְמַלְכְּוָתָא אִמְאִיכוּ תָבוּ אֲרֵי גְלָא יְקַרְכוֹן מִנְכוֹן נְפַל כְּלִיל תּוּשְׁבַּתְּכוֹן:
19 קִרְוֵי דָרוֹמָא אִתְאַחִידוּ וְלֵית דְפָּתַח גְלוֹ דְבֵית יְהוּדָה כּוּלְהוֹן גָלוּ שְׁלֵימָא אִתְקַבְּלוּ תוּשְׁלִימַת עוֹבָדֵיכוֹן:
20 זְקִיפוּ עֵינֵיכוֹן וַחֲזוֹ דְאָתָן מִצִפּוּנָא אָן עַמָא דְאִתְמָסַר לִיךְ עַם תּוּשְׁבַּחְתִּיךְ:
21 מַה תֵּימְרוּן אֲרֵי יִסְעַר עֲלָךְ חוֹבָךְ וְאַתְּ אַלֵיפְתְּ יַתְהוֹן לְמֶעְבַּד בִּישִׁין עֲלָךְ הֲווֹ רַבְרְבִין כִּדְמַן אַוְלָא הֲלָא עָקָא וְחֶבְלִין יִיחְדוּנָךְ הָא כְּחֶבְלִין לְיָלֵידְתָּא:
22 וַאֲרֵי תֵימְרִין בְּלִבִּיךְ מָא דֵין עַרְעוּנִי כָּל אִלֵין עַל דְסַגִיאוּ חוֹבָךְ אִתְגְלִיאַת בַּהֲתָתִיךְ אִתְחֲזֵי קְלָנִיךְ:
23 הַאֶפְשַׁר דִישַׁנֵי הִנְדוֹאָה מַשְׁכֵיהּ וְנִמְרָא שִׁלְטֵי רִקְמָתֵיהּ אַף אִתּוּן תִּיכְלוּן לְאוֹטָבָא דַהֲוֵיתוּן מִלְפִין לְמֶעְבַּד בִּישִׁין:
25 דֵין עִדְבִיךְ וְחוּלַק אַחְסַנְתִּיךְ מִן קָדָמַי אֲמַר יְיָ דִשְׁבַקְתְּ פּוּלְחָנִי וְאִתְרַחֵיצְתְּ עַל שִׁקְרָא:
27 טַפְּשׁוּתִיךְ וּשְׁטוּתִיךְ וַעֲצַת חֶטְאֵי יַנְקוּתִיךְ עַל רָמָתָא בְּחַקְלָא גְלֵי קָדָמַי שִׁקוּצִיךְ וַי לִיךְ יְרוּשְׁלֵם לָא תִדְכִּין עַד כְּעַן לִיךְ אַרְכָא יוֹמִין סַגִיאִין:
