1 קְרָ֤א בְגָרוֹן֙ אַל־תַּחְשֹׂ֔ךְ כַּשּׁוֹפָ֖ר הָרֵ֣ם קוֹלֶ֑ךָ וְהַגֵּ֤ד לְעַמִּי֙ פִּשְׁעָ֔ם וּלְבֵ֥ית יַעֲקֹ֖ב חַטֹּאתָֽם׃
2 וְאוֹתִ֗י י֥וֹם יוֹם֙ יִדְרֹשׁ֔וּן וְדַ֥עַת דְּרָכַ֖י יֶחְפָּצ֑וּן כְּג֞וֹי אֲשֶׁר־צְדָקָ֣ה עָשָׂ֗ה וּמִשְׁפַּ֤ט אֱלֹהָיו֙ לֹ֣א עָזָ֔ב יִשְׁאָל֙וּנִי֙ מִשְׁפְּטֵי־צֶ֔דֶק קִרְבַ֥ת אֱלֹהִ֖ים יֶחְפָּצֽוּן׃
3 לָ֤מָּה צַּ֙מְנוּ֙ וְלֹ֣א רָאִ֔יתָ עִנִּ֥ינוּ נַפְשֵׁ֖נוּ וְלֹ֣א תֵדָ֑ע הֵ֣ן בְּי֤וֹם צֹֽמְכֶם֙ תִּמְצְאוּ־חֵ֔פֶץ וְכׇל־עַצְּבֵיכֶ֖ם תִּנְגֹּֽשׂוּ׃
4 הֵ֣ן לְרִ֤יב וּמַצָּה֙ תָּצ֔וּמוּ וּלְהַכּ֖וֹת בְּאֶגְרֹ֣ף רֶ֑שַׁע לֹא־תָצ֣וּמוּ כַיּ֔וֹם לְהַשְׁמִ֥יעַ בַּמָּר֖וֹם קוֹלְכֶֽם׃
5 הֲכָזֶ֗ה יִֽהְיֶה֙ צ֣וֹם אֶבְחָרֵ֔הוּ י֛וֹם עַנּ֥וֹת אָדָ֖ם נַפְשׁ֑וֹ הֲלָכֹ֨ף כְּאַגְמֹ֜ן רֹאשׁ֗וֹ וְשַׂ֤ק וָאֵ֙פֶר֙ יַצִּ֔יעַ הֲלָזֶה֙ תִּקְרָא־צ֔וֹם וְי֥וֹם רָצ֖וֹן לַיהֹוָֽה׃
6 הֲל֣וֹא זֶה֮ צ֣וֹם אֶבְחָרֵ֒הוּ֒ פַּתֵּ֙חַ֙ חַרְצֻבּ֣וֹת רֶ֔שַׁע הַתֵּ֖ר אֲגֻדּ֣וֹת מוֹטָ֑ה וְשַׁלַּ֤ח רְצוּצִים֙ חׇפְשִׁ֔ים וְכׇל־מוֹטָ֖ה תְּנַתֵּֽקוּ׃
7 הֲל֨וֹא פָרֹ֤ס לָרָעֵב֙ לַחְמֶ֔ךָ וַעֲנִיִּ֥ים מְרוּדִ֖ים תָּ֣בִיא בָ֑יִת כִּֽי־תִרְאֶ֤ה עָרֹם֙ וְכִסִּית֔וֹ וּמִבְּשָׂרְךָ֖ לֹ֥א תִתְעַלָּֽם׃
8 אָ֣ז יִבָּקַ֤ע כַּשַּׁ֙חַר֙ אוֹרֶ֔ךָ וַאֲרֻֽכָתְךָ֖ מְהֵרָ֣ה תִצְמָ֑ח וְהָלַ֤ךְ לְפָנֶ֙יךָ֙ צִדְקֶ֔ךָ כְּב֥וֹד יְהֹוָ֖ה יַאַסְפֶֽךָ׃
9 אָ֤ז תִּקְרָא֙ וַיהֹוָ֣ה יַעֲנֶ֔ה תְּשַׁוַּ֖ע וְיֹאמַ֣ר הִנֵּ֑נִי אִם־תָּסִ֤יר מִתּֽוֹכְךָ֙ מוֹטָ֔ה שְׁלַ֥ח אֶצְבַּ֖ע וְדַבֶּר־אָֽוֶן׃
10 וְתָפֵ֤ק לָֽרָעֵב֙ נַפְשֶׁ֔ךָ וְנֶ֥פֶשׁ נַעֲנָ֖ה תַּשְׂבִּ֑יעַ וְזָרַ֤ח בַּחֹ֙שֶׁךְ֙ אוֹרֶ֔ךָ וַאֲפֵלָתְךָ֖ כַּֽצׇּהֳרָֽיִם׃
11 וְנָחֲךָ֣ יְהֹוָה֮ תָּמִיד֒ וְהִשְׂבִּ֤יעַ בְּצַחְצָחוֹת֙ נַפְשֶׁ֔ךָ וְעַצְמֹתֶ֖יךָ יַחֲלִ֑יץ וְהָיִ֙יתָ֙ כְּגַ֣ן רָוֶ֔ה וּכְמוֹצָ֣א מַ֔יִם אֲשֶׁ֥ר לֹֽא־יְכַזְּב֖וּ מֵימָֽיו׃
12 וּבָנ֤וּ מִמְּךָ֙ חׇרְב֣וֹת עוֹלָ֔ם מוֹסְדֵ֥י דוֹר־וָד֖וֹר תְּקוֹמֵ֑ם וְקֹרָ֤א לְךָ֙ גֹּדֵ֣ר פֶּ֔רֶץ מְשֹׁבֵ֥ב נְתִיב֖וֹת לָשָֽׁבֶת׃
13 אִם־תָּשִׁ֤יב מִשַּׁבָּת֙ רַגְלֶ֔ךָ עֲשׂ֥וֹת חֲפָצֶ֖ךָ בְּי֣וֹם קׇדְשִׁ֑י וְקָרָ֨אתָ לַשַּׁבָּ֜ת עֹ֗נֶג לִקְד֤וֹשׁ יְהֹוָה֙ מְכֻבָּ֔ד וְכִבַּדְתּוֹ֙ מֵעֲשׂ֣וֹת דְּרָכֶ֔יךָ מִמְּצ֥וֹא חֶפְצְךָ֖ וְדַבֵּ֥ר דָּבָֽר׃
14 אָ֗ז תִּתְעַנַּג֙ עַל־יְהֹוָ֔ה וְהִרְכַּבְתִּ֖יךָ עַל־בָּ֣מֳתֵי במותי אָ֑רֶץ וְהַאֲכַלְתִּ֗יךָ נַחֲלַת֙ יַעֲקֹ֣ב אָבִ֔יךָ כִּ֛י פִּ֥י יְהֹוָ֖ה דִּבֵּֽר׃ פ
1 נְבִיָא אַכְלֵי בִגְרוֹנָךְ לָא תִמְנַע כְּקַל שׁוֹפָרָא אֲרֵים קָלָךְ וְחַוֵי לְעַמִי מִרְדֵיהוֹן וּלְבֵית יַעֲקֹב חוֹבֵיהוֹן:
2 וְקָדָמַי יוֹם יוֹם אוּלְפַן תָּבְעִין כְּאִלוּ לְמֵידַע אוֹרְחָן דְתַקְנָן קֳדָמַי צָבָן כְּעַמָא דְזָכוּ עֲבַד וּמִדִין אֱלָהֵהּ לָא אִתְרַחֵק שַׁאֲלִין מִן קֳדָמַי דִין וּקְשׁוֹט כְּאִלוּ לְאִתְקְרָבָא לִדְחַלְתָּא דַייָ צָבָן:
3 אָמְרִין לְמָא אֲנַחְנָא צַיְמִין וּקְדָמָךְ גְלֵי מְסַגְפִין נַפְשָׁתָנָא וּקְדָמָךְ יְדִיעַ נְבִיָא אֲמַר לְהוֹן הָא בְיוֹם תַּעֲנִיתְכוֹן אַתּוּן תָּבְעִין צָרְכֵיכוֹן וְכָן תַּקְלַתְכוֹן אַתּוּן מְקָרְבִין:
4 הֵן לְתַחֲרוּ וּלְמַצוּ אַתּוּן צַיְמִין וּלְמִמְחֵי בְּכוּרְמֵיזָא דְרִשְׁעָא לָא תִתְעֲנוּן תַּעֲנִין כְּאִלֵין לְאַשְׁמָעָא בִמְרוֹמָא קָלְכוֹן:
5 הַהָדָא הוּא תַּעֲנִיתָא דְרָעִינָא בָהּ יוֹמָא דִמְסַגֵף אֱנָשָׁא נַפְשֵׁהּ כָּפֵיף רֵישֵׁה כְאַגְמוֹן כָּפֵיף וְעַל סַקָא וְקִיטְמָא בָּאֵית הַלְדָא אַתּוּן קְרַן תַּעֲנִית וְיוֹמָא דְרַעֲוָא בֵיהּ מִן קֳדָם יְיָ:
6 הֲלָא דָא הִיא תַעֲנֵיתָא דְרָעֵינָא בָהּ פְּרִדוּ כְּנִישַׁת רִשְׁעָא שְׁרוֹ קִטְרֵי כִתְבֵי דִין מַסְטֵי וּפַטָרוּ דַהֲווֹ אֲנוּסִין בְּנֵי חוֹרִין וְכָל דִין מַסְטֵי תְּסַלְקוּן:
7 הֲלָא תְפַרְנֵס לְכַפְנָא מִלַחְמֵךְ וַחֲשִׁיבִין מְטַלְטְלִין תָּעֵיל לְגוֹ בֵיתָא אֲרֵי תֱחֶזֵי עַרְטִילָאָה וּתְכַסִינֵהּ וּמִקָרִיב בִּשְׂרָךְ לָא תִכְבּוֹשׁ עֵינָךְ:
8 בְּכֵן יִתְגְלֵי כִּשְׁפַּרְפָּרָא נְהוֹרָךְ וְאַסוּת מַחֲתָךְ בִּפְרִיעַ תִּיסָק וִיהָכוּן קֳדָמָךְ זַכְוָתָךְ בִּיקָר מִן קֳדָם יְיָ תִתְכְּנִישׁ:
9 בְּכֵן תְּצַלִי וַיָי יְקַבֵּל צְלוֹתָךְ תִּבְעֵי מִן קֳדָמוֹהִי וְיַעְבֵּד בָעוּתָךְ אִם תַּעְדֵי מִבֵּינָךְ אַסְטָיוּת דִין מִרְמַז בְּאֶצְבַּע וּמַלֵילָא מִלִין דְאוֹנֵס:
10 וְתִתְפַּח קֳדָם כַּפְנָא נַפְשָׁךְ וּנְפַשׁ מְסַגְפָא תִּשְׂבַּע וְיִדְנַח בַּחֲשׁוּכָא נְהוֹרָךְ וְקִבְלָךְ יְהֵי כְטִהֲרָא:
11 וִידַבְּרִינָךְ יְיָ תְּדִירָא וְיִשְׂבַּע בִּשְׁנֵי בְּצוֹרְתָא נַפְשָׁךְ וְגוּפָךְ וְחַיֵי בְחַיֵי עַלְמָא וּתְהֵי נַפְשָׁךְ מַלְיָא תַפְנוּקִין כְּגִנַת שַׁקְיָא דִמְרַוְיָא וּכְמַבּוּעַ דְמַיָין דְלָא פַּסְקִין מוֹהִי:
12 וְיִבְנוֹן מִנָךְ חָרְבַת עֲלַם יְסוֹדֵי דַר וְדַר תְּקוֹמֵם וְיִקְרוּן לָךְ מְקַיֵים אוֹרְחָא דְתַקְנָא מֵתִיב רַשִׁיעַיָא לְאוֹרַיְתָא:
13 אִם תְּתִיב מִשַׁבַּתָא רִגְלָךְ לְמֶעְבַּד צוֹרְכָךְ בְיוֹמָא דְקוּדְשִׁי וּתְעָרַע לְשַׁבְּתָא בְּתַפְנוּקִין לְקַדִישָׁא דַייָ תְּיַקַר וּתְיַקַר קֳדָמוֹהִי מִלְמֶעְבַּד אוֹרְחָךְ מִלְסַפְקָא צוֹרְכָךְ וּמַלָלָא מִלִין דְאוֹנָס:
14 בְכֵן תִּתְפַּנַק קֳדָם יְיָ וְיַשְׁרִינָךְ עַל תּוּקְפֵי אַרְעָא וְיוֹכְלִינָךְ פֵּרֵי אַחְסָנַת יַעֲקֹב אֲבוּךְ אֲרֵי בְּמֵימְרָא דַייָ גְזִיר כֵּן:
