1 ה֣וֹי שׁוֹדֵ֗ד וְאַתָּה֙ לֹ֣א שָׁד֔וּד וּבוֹגֵ֖ד וְלֹא־בָ֣גְדוּ ב֑וֹ כַּהֲתִֽמְךָ֤ שׁוֹדֵד֙ תּוּשַּׁ֔ד כַּנְּלֹתְךָ֥ לִבְגֹּ֖ד יִבְגְּדוּ־בָֽךְ׃ ס
2 יְהֹוָ֥ה חׇנֵּ֖נוּ לְךָ֣ קִוִּ֑ינוּ הֱיֵ֤ה זְרֹעָם֙ לַבְּקָרִ֔ים אַף־יְשׁוּעָתֵ֖נוּ בְּעֵ֥ת צָרָֽה׃
6 וְהָיָה֙ אֱמוּנַ֣ת עִתֶּ֔יךָ חֹ֥סֶן יְשׁוּעֹ֖ת חׇכְמַ֣ת וָדָ֑עַת יִרְאַ֥ת יְהֹוָ֖ה הִ֥יא אוֹצָרֽוֹ׃ פ
9 אָבַ֤ל אֻמְלְלָה֙ אָ֔רֶץ הֶחְפִּ֥יר לְבָנ֖וֹן קָמַ֑ל הָיָ֤ה הַשָּׁרוֹן֙ כָּֽעֲרָבָ֔ה וְנֹעֵ֥ר בָּשָׁ֖ן וְכַרְמֶֽל׃ ס
14 פָּחֲד֤וּ בְצִיּוֹן֙ חַטָּאִ֔ים אָחֲזָ֥ה רְעָדָ֖ה חֲנֵפִ֑ים מִ֣י יָג֣וּר לָ֗נוּ אֵ֚שׁ אֽוֹכֵלָ֔ה מִֽי־יָג֥וּר לָ֖נוּ מוֹקְדֵ֥י עוֹלָֽם׃
15 הֹלֵ֣ךְ צְדָק֔וֹת וְדֹבֵ֖ר מֵישָׁרִ֑ים מֹאֵ֞ס בְּבֶ֣צַע מַעֲשַׁקּ֗וֹת נֹעֵ֤ר כַּפָּיו֙ מִתְּמֹ֣ךְ בַּשֹּׁ֔חַד אֹטֵ֤ם אׇזְנוֹ֙ מִשְּׁמֹ֣עַ דָּמִ֔ים וְעֹצֵ֥ם עֵינָ֖יו מֵרְא֥וֹת בְּרָֽע׃
16 ה֚וּא מְרוֹמִ֣ים יִשְׁכֹּ֔ן מְצָד֥וֹת סְלָעִ֖ים מִשְׂגַּבּ֑וֹ לַחְמ֣וֹ נִתָּ֔ן מֵימָ֖יו נֶאֱמָנִֽים׃
19 אֶת־עַ֥ם נוֹעָ֖ז לֹ֣א תִרְאֶ֑ה עַ֣ם עִמְקֵ֤י שָׂפָה֙ מִשְּׁמ֔וֹעַ נִלְעַ֥ג לָשׁ֖וֹן אֵ֥ין בִּינָֽה׃
20 חֲזֵ֣ה צִיּ֔וֹן קִרְיַ֖ת מוֹעֲדֵ֑נוּ עֵינֶ֩יךָ֩ תִרְאֶ֨ינָה יְרוּשָׁלַ֜͏ִם נָוֶ֣ה שַׁאֲנָ֗ן אֹ֤הֶל בַּל־יִצְעָן֙ בַּל־יִסַּ֤ע יְתֵדֹתָיו֙ לָנֶ֔צַח וְכׇל־חֲבָלָ֖יו בַּל־יִנָּתֵֽקוּ׃
21 כִּ֣י אִם־שָׁ֞ם אַדִּ֤יר יְהֹוָה֙ לָ֔נוּ מְקוֹם־נְהָרִ֥ים יְאֹרִ֖ים רַחֲבֵ֣י יָדָ֑יִם בַּל־תֵּ֤לֶךְ בּוֹ֙ אֳנִי־שַׁ֔יִט וְצִ֥י אַדִּ֖יר לֹ֥א יַעַבְרֶֽנּוּ׃
23 נִטְּשׁ֖וּ חֲבָלָ֑יִךְ בַּל־יְחַזְּק֤וּ כֵן־תׇּרְנָם֙ בַּל־פָּ֣רְשׂוּ נֵ֔ס אָ֣ז חֻלַּ֤ק עַד־שָׁלָל֙ מַרְבֶּ֔ה פִּסְחִ֖ים בָּ֥זְזוּ בַֽז׃
1 וַי דְאָתֵי לְמִבַז וְיָתָךְ לָא יִבְזוּן וּדְאָתֵי לְמֵינַס וְיָתָךְ לָא יֵינְסוּן כַּד תַּיְתֵי לְמִבַּז יִבְזוּנָךְ וְכַד תִּלְאֵי לְמֵינַס יַנְסוּנָךְ:
2 יְיָ רְחִים עִלָנָא לְמֵימְרָךְ סַבַּרְנָא הֱוֵי תוּקְפָנָא בְּכָל יוֹם אַף פּוּרְקָנָנָא בְּעִידַן עָקָא:
4 וְיִכְנְשׁוּן בֵּית יִשְׂרָאֵל נִכְסֵי עַמְמַיָא סַנְאֵיהוֹן כְּמָא דְכִינְשִׁין יַת זַחְלָא וְאָזַן בְּמָאנֵי זְיָנָא כְּמָא דְאָזָן בְּזִירְקְתָא:
5 תַּקִיף יְיָ דְאַשְׁרֵי שְׁכִינְתֵּהּ בִּשְׁמֵי מְרוֹמָא דַאֲמַר לְמִמְלֵי צִיוֹן עָבְדֵי דִין דִקְשׁוֹט וּזְכוּ:
6 וִיהֵי מָא דַאֲמַרְתָּ לְאוֹטָבָא לִדְחַלְתָּךְ אַיְתֵיתָא וְקַיֵמְתָּא בְּעִידָנֵהּ תְקוֹף וּפוּרְקַן חוּכְמָתָא וּמַדַע לְדָחְלַיָא דַייָ אוֹצַר טוּבֵיהּ עֲתִיד:
7 הָא כַּד אִתְגְלֵי לְהוֹן יְצַוְחוּן בִּמְסַר אִיזְגַדֵי עַמְמַיָא דַאֲזָלוּ לְבַסָרָא שְׁלָם תָּבוּ לְמֶהֱוֵי בָכָן בִּמְרִיר נְפָשׁ:
8 צְדִיאוּ כִבְשַׁיָא פְּסָקוּ עָדֵי אוֹרְחָא עַל דְאַשְׁנִיאוּ קְיָמָא אִיתְרְחִיקוּ מִקִרְוֵיהוֹן לָא חֲשִׁיבוּ בְנֵי אֱנָשָׁא דְבִישְׁתָּא אַתְיָא עֲלֵיהוֹן:
9 אִיתְאַבְּלַת חֲרוֹבַת אַרְעָא יָבֵישׁ לִבְנָן נְתַר הֲוָה שָׁרוֹנָא כְּמֵישְׁרָא צְדֵי מַתְנַן וְכַרְמְלָא:
11 אִתְעַשְׁתּוּן לְכוֹן עַמְמַיָא עַשְׁתּוֹנִין דִרְשַׁע עֲבַדְתּוּן לְכוֹן עוֹבָדִין בִּישִׁין בְּדִיל עוֹבָדֵיכוֹן בִּישַׁיָא מֵימְרִי כְּעַלְעוֹלָא לְקַשָׁא יְשֵׁיצֵי יַתְכוֹן:
13 שְׁמָעוּ צַדִיקַיָא דִנְטָרוּ אוֹרַיְתָא מִלְקָדְמִין מָא דַעֲבָדִית דְעוּ חַיָבַיָא דְתָבוּ לְאוֹרַיְתִי קָרִיב גְבוּרְתִּי:
14 אִתְבָּרוּ בְצִיוֹן חַיָבִין דַחֲלָא אֲחַדְתִּינוּן לְרַשִׁיעַיָא דַהֲווּ מְגַנְבִין אוֹרְחַתְהוֹן אָמְרִין מַן יָדוּר לָנָא בְּצִיוֹן דְבָהּ זֵיהוֹר שְׁכִינְתֵּה כְּאֶשָׁא אָכְלָא מַן יִתּוֹתָב לָנָא בִירוּשְׁלֵם עַתִידִין רַשִׁיעַיָא לְאִתְדָנָא לְאִתְמְסָרָא לִגְהִנָם יְקֵדוּת עֲלָם:
15 אֲמַר נְבִיָא יַתְבוּן בָהּ צַדִיקַיָא כָּל דִמְהַלֵךְ בִּזְכוּ וּמְמַלֵיל כֵּיוָנָן מִתְרַחֵק מִמָמוֹן דִשְׁקַר מַרְחֵיק נַפְשֵׁיהּ מִן אֲנוּסִין מְנַע יְדוֹהִי מִלְקַבָּלָא שׁוֹחְדָא מְטַמְטֵים אוּדְנֵהּ מִלְמִשְׁמַע בְּאַשְׁדֵי דַם זַכַּאי וְכָל עֵינוֹהִי מִלְמֶחְזֵי בְּעָבְדֵי בוּשׁ:
16 הוּא בַּאֲתַר רָם וּמְנַטֵל יְהֵי בֵית מַשְׁרוֹהִי בֵּית מַקְדְשָׁא תִּסְבַּע נַפְשֵׁיהּ מְזוֹנֵהּ מַסְפַּק מוֹהִי קַיָמִין כְּמַבּוּעַ דְמַיִין דְלָא פָּסְקִין מוֹהִי:
17 יַת יְקָר שְׁכִינַת מֶלֶךְ עָלְמַיָא בְּתוּשְׁבַּחְתֵּהּ יֶחֶזְיָן עֵינָךְ תִּסְתַּכֵּל וְתֶחֱזֵי בְּנָחְתֵי אֲרַע גֵהִנָם:
18 לִבָּךְ יַחְשָׁב רַבְרְבָן אֵיכָא סַפְרַיָא אֵיכָא רַבְרְבַיָא אֵיכָא חֲשָׁבַיָא יֵתוּן אִם יֵכְלוּן לְחַשָׁבָא מִנְיָן קְטִילֵי רֵישֵׁי מַשִׁרְיַת גִבָּרַיָא:
19 יַת מַרְוַת עַם תַּקִיף לָא תִכּוּל לְמֶחֱזֵי עַמָא דַהֲוָה עָמִיק מַמְלַלְהוֹן מִלְמִשְׁמַע מְלַעֲגִין בְּלִישָׁנְהוֹן מִדְלֵית בְּהוֹן סוּכְלְתָנוּ:
20 תֶּחֱזֵי בְּמַפַּלְתְּהוֹן צִיוֹן קִרְיַת זִמְנָנָא עֵינָךְ יֶחֱזְיָן בְּנֶחָמַת יְרוּשְׁלֶם בְּאַצְלָחוּתָא בִּשְׁלֵוָתָא בְּמַשְׁכְּנָא דְלָא מִתְפְּרַק וְלָא מִשְׁתַּלְפָן סִכּוֹהִי לַעֲלַם וְכָל אַטוֹנוֹהִי לָא יִתְפַסְקוּן:
21 אֲרֵי אֱלָהֵן מִתַּמָן תִּתְגְלֵי גְבוּרְתָּא דַייָ לְאוֹטָבָא לָנָא מֵאֲתַר נַפְקִין נַהֲרִין שָׁטְפִין פְּתָיוּת יְדִין דְלָא תֵיזֵיל בֵּיהּ סְפִינַת צַיָדִין וּבוּרְנִי רַבְּתָא לָא תְגוֹזִנֵהּ:
22 אֲרֵי יְיָ דַיָנָנָא דְאַפְקָנָא בִּגְבוּרְתֵּהּ מִמִצְרָיִם יְיָ מַלְפָנָא דִי הָב לָנָא אוּלְפַן אוֹרַיְתָא מִסִינַי יְיָ מַלְכָּנָא הוּא יִפְרְקִנָנָא וְיַעְבֵּיד לָנָא פּוּרְעֲנוּת דִין מִן מַשִׁירְיַת גוֹג:
23 בְּעִדָנָא הַהִיא יִתַּבְּרוּן עַמְמַיָא סְחוֹר סְחוֹר יְרוּשְׁלֶם מִתּוּקְפְהוֹן וִיהוֹן דָמָן לִסְפִינָא דְאִתְפַּסְקוּ חֲבָלָהָא וְלֵית לָהּ תְּקוֹף עַל תָּרְנְהוֹן דְאִתְפְּסִיק וְלָא אֶפְשַׁר לְמִפְרַס עֲלוֹהִי קְלַע בְּכֵן יְפַלְגוּן בֵּית יִשְׂרָאֵל נִכְסֵי עַמְמַיָא סְחוֹר סְחוֹר יְרוּשְׁלֶם סַגִיאוּת עָדֵי וּבוּז וַאֲפִילוּ יִשְׁתַּאֲרוּן בְּהוֹן עַוֵרִין וַחֲגִירִין אַף אִינוּן יְפַלְגוּן סַגִיאוּת עָדֵי וּבוּז:
24 וְלָא יֵימְרוּן מִכְּעַן לְעַמָא דְשָׁרָן סְחוֹר סְחוֹר אֲתִיב לִשְׁכִינְתָּא מִלְוַתְכוֹן אֲתָת עַלָנָא מְחַת מְרַע עַמָא בֵּית יִשְׂרָאֵל יִתְכַּנְשׁוּן וִיתוּבוּן לְאַרְעֲהוֹן שְׁבִיק לְחוֹבֵיהוֹן:
