1 ה֣וֹי הַיֹּרְדִ֤ים מִצְרַ֙יִם֙ לְעֶזְרָ֔ה עַל־סוּסִ֖ים יִשָּׁעֵ֑נוּ וַיִּבְטְח֨וּ עַל־רֶ֜כֶב כִּ֣י רָ֗ב וְעַ֤ל פָּרָשִׁים֙ כִּֽי־עָצְמ֣וּ מְאֹ֔ד וְלֹ֤א שָׁעוּ֙ עַל־קְד֣וֹשׁ יִשְׂרָאֵ֔ל וְאֶת־יְהֹוָ֖ה לֹ֥א דָרָֽשׁוּ׃
2 וְגַם־ה֤וּא חָכָם֙ וַיָּ֣בֵא רָ֔ע וְאֶת־דְּבָרָ֖יו לֹ֣א הֵסִ֑יר וְקָם֙ עַל־בֵּ֣ית מְרֵעִ֔ים וְעַל־עֶזְרַ֖ת פֹּ֥עֲלֵי אָֽוֶן׃
3 וּמִצְרַ֤יִם אָדָם֙ וְֽלֹא־אֵ֔ל וְסוּסֵיהֶ֥ם בָּשָׂ֖ר וְלֹא־ר֑וּחַ וַיהֹוָ֞ה יַטֶּ֣ה יָד֗וֹ וְכָשַׁ֤ל עוֹזֵר֙ וְנָפַ֣ל עָזֻ֔ר וְיַחְדָּ֖ו כֻּלָּ֥ם יִכְלָיֽוּן׃ ס
4 כִּ֣י כֹ֣ה אָֽמַר־יְהֹוָ֣ה אֵלַ֡י כַּאֲשֶׁ֣ר יֶהְגֶּה֩ הָאַרְיֵ֨ה וְהַכְּפִ֜יר עַל־טַרְפּ֗וֹ אֲשֶׁ֨ר יִקָּרֵ֤א עָלָיו֙ מְלֹ֣א רֹעִ֔ים מִקּוֹלָם֙ לֹ֣א יֵחָ֔ת וּמֵהֲמוֹנָ֖ם לֹ֣א יַעֲנֶ֑ה כֵּ֗ן יֵרֵד֙ יְהֹוָ֣ה צְבָא֔וֹת לִצְבֹּ֥א עַל־הַר־צִיּ֖וֹן וְעַל־גִּבְעָתָֽהּ׃
5 כְּצִפֳּרִ֣ים עָפ֔וֹת כֵּ֗ן יָגֵ֛ן יְהֹוָ֥ה צְבָא֖וֹת עַל־יְרוּשָׁלָ֑͏ִם גָּנ֥וֹן וְהִצִּ֖יל פָּסֹ֥חַ וְהִמְלִֽיט׃
7 כִּ֚י בַּיּ֣וֹם הַה֔וּא יִמְאָס֗וּן אִ֚ישׁ אֱלִילֵ֣י כַסְפּ֔וֹ וֶאֱלִילֵ֖י זְהָב֑וֹ אֲשֶׁ֨ר עָשׂ֥וּ לָכֶ֛ם יְדֵיכֶ֖ם חֵֽטְא׃
8 וְנָפַ֤ל אַשּׁוּר֙ בְּחֶ֣רֶב לֹא־אִ֔ישׁ וְחֶ֥רֶב לֹא־אָדָ֖ם תֹּאכְלֶ֑נּוּ וְנָ֥ס לוֹ֙ מִפְּנֵי־חֶ֔רֶב וּבַחוּרָ֖יו לָמַ֥ס יִהְיֽוּ׃
9 וְסַלְעוֹ֙ מִמָּג֣וֹר יַעֲב֔וֹר וְחַתּ֥וּ מִנֵּ֖ס שָׂרָ֑יו נְאֻם־יְהֹוָ֗ה אֲשֶׁר־א֥וּר לוֹ֙ בְּצִיּ֔וֹן וְתַנּ֥וּר ל֖וֹ בִּירוּשָׁלָֽ͏ִם׃ פ
1 הוֹי. עַל הוֹשֵׁעַ וַעֲשֶׂרֶת הַשְּׁבָטִים הַיּוֹרְדִים מִצְרַיְמָה לְעֶזְרָה, אֲשֶׁר שָׁלְחוּ ״מַלְאָכִים אֶל סוּא מֶלֶךְ מִצְרַיִם״ מלכים ב יז:ד:
3 יִשָּׁעֵנוּ. כְּמוֹ ״וְלֹא שָׁעוּ אֶל קְדוֹשׁ יִשְׂרָאֵל״, כְּמוֹ שֶׁעָשָׂה חִזְקִיָּה, שֶׁנֶּאֱמַר מלכים ב יח:ה-ז: ״בַּה׳ אֱלֹהֵי יִשְׂרָאֵל בָּטָח... וַיִּמְרֹד בְּמֶלֶךְ אַשּׁוּר״:
4 וְאֶת דְּבָרָיו לֹא הֵסִיר. אֲשֶׁר אָמַר ״וְהֶשִׁיבְךָ ה׳ מִצְרַיִם בָּאֳנִיּוֹת״ דברים כח:סח, מִדָּה כְּנֶגֶד מִדָּה, שֶׁאָמַרְתִּי לְךָ שם ״לֹא תוֹסִיף עוֹד לִרְאוֹתָהּ״, וְאַתָּה הָלַכְתָּ מִדַּעְתְּךָ, סוֹפְךָ לֵילֵךְ בְּגָלוּת עַל כָּרְחֲךָ:
5 וְקָם. עַל עֲשֶׂרֶת הַשְּׁבָטִים, שֶׁהֵם בֵּית מְרֵעִים, וְעַל מִצְרַיִם, אֲשֶׁר הֵם לָהֶם לְעֶזְרָה:
6 יַטֶּה יָדוֹ. שֶׁהַקָּדוֹשׁ בָּרוּךְ הוּא סוֹמֵךְ הַכֹּל בְּיָדוֹ, וּכְשֶׁיַּטֶּה אוֹתָהּ יִפְּלוּ, כָּזֶה שֶׁאוֹחֵז דָּבָר בְּכַפּוֹ, וּכְשֶׁהוּא מַרְכִּין כַּפּוֹ הוּא נוֹפֵל. כָּךְ וּמִדְרַשׁ אַגָּדָה מכילתא בא שירה ט, וְיוֹנָתָן תִּרְגֵּם: ״יָרִים יַד מְחַת גְּבוּרְתֵּיהּ״:
9 מְלֹא רוֹעִים. אֲסִיפַת רוֹעִים, וְכֵן ״קָרְאוּ אַחֲרֶיךָ מָלֵא״ ירמיהו יב:ו, וְכֵן ״יַחַד עָלַי יִתְמַלָּאוּן״ איוב טז:י, כֻּלָּם לְשׁוֹן ׳קִבּוּץ׳:
10 לֹא יַעֲנֶה. לֹא יִכָּנַע, לֹא יַעֲשֶׂה עַצְמוֹ עָנִי, וְכֵן ״לַעֲנֹת מִפָּנַי״ שמות י:ג, וְכֵן ״וְעָנָה גְאוֹן יִשְׂרָאֵל״ הושע ה:ה:
14 שׁוּבוּ. לְמִי שֶׁהֶעֱמַקְתֶּם מַחֲשָׁבוֹת הֵיאַךְ לָסוּר מִמֶּנּוּ, וְסַרְתֶּם מֵעָלָיו, עַתָּה שׁוּבוּ אֵלָיו:
16 וְחַתּוּ מִנֵּס. מִפְּנֵי הַנִּסִּים, שֶׁיִּרְאוּ שֶׁהַקָּדוֹשׁ בָּרוּךְ הוּא עוֹשֶׂה לְיִשְׂרָאֵל:
