2 וַיִּ֨תֶּן־חַ֔יִל בְּכׇל־עָרֵ֥י יְהוּדָ֖ה הַבְּצֻר֑וֹת וַיִּתֵּ֤ן נְצִיבִים֙ בְּאֶ֣רֶץ יְהוּדָ֔ה וּבְעָרֵ֣י אֶפְרַ֔יִם אֲשֶׁ֥ר לָכַ֖ד אָסָ֥א אָבִֽיו׃
3 וַיְהִ֥י יְהֹוָ֖ה עִם־יְהוֹשָׁפָ֑ט כִּ֣י הָלַ֗ךְ בְּדַרְכֵ֞י דָּוִ֤יד אָבִיו֙ הָרִ֣אשֹׁנִ֔ים וְלֹ֥א דָרַ֖שׁ לַבְּעָלִֽים׃
5 וַיָּ֨כֶן יְהֹוָ֤ה אֶת־הַמַּמְלָכָה֙ בְּיָד֔וֹ וַיִּתְּנ֧וּ כׇל־יְהוּדָ֛ה מִנְחָ֖ה לִיהֽוֹשָׁפָ֑ט וַיְהִי־ל֥וֹ עֹשֶׁר־וְכָב֖וֹד לָרֹֽב׃
6 וַיִּגְבַּ֥הּ לִבּ֖וֹ בְּדַרְכֵ֣י יְהֹוָ֑ה וְע֗וֹד הֵסִ֛יר אֶת־הַבָּמ֥וֹת וְאֶת־הָאֲשֵׁרִ֖ים מִיהוּדָֽה׃ פ
7 וּבִשְׁנַ֨ת שָׁל֜וֹשׁ לְמׇלְכ֗וֹ שָׁלַ֤ח לְשָׂרָיו֙ לְבֶן־חַ֙יִל֙ וּלְעֹבַדְיָ֣ה וְלִזְכַרְיָ֔ה וְלִנְתַנְאֵ֖ל וּלְמִיכָיָ֑הוּ לְלַמֵּ֖ד בְּעָרֵ֥י יְהוּדָֽה׃
8 וְעִמָּהֶ֣ם הַלְוִיִּ֗ם שְֽׁמַעְיָ֡הוּ וּנְתַנְיָ֡הוּ וּזְבַדְיָ֡הוּ וַעֲשָׂהאֵ֡ל ושמרימות וּשְׁמִירָמ֡וֹת וִיהוֹנָתָן֩ וַאֲדֹ֨נִיָּ֧הוּ וְטוֹבִיָּ֛הוּ וְט֥וֹב אֲדוֹנִיָּ֖ה הַלְוִיִּ֑ם וְעִמָּהֶ֛ם אֱלִישָׁמָ֥ע וִיהוֹרָ֖ם הַכֹּהֲנִֽים׃
9 וַֽיְלַמְּדוּ֙ בִּיהוּדָ֔ה וְעִ֨מָּהֶ֔ם סֵ֖פֶר תּוֹרַ֣ת יְהֹוָ֑ה וַיָּסֹ֙בּוּ֙ בְּכׇל־עָרֵ֣י יְהוּדָ֔ה וַֽיְלַמְּד֖וּ בָּעָֽם׃
10 וַיְהִ֣י פַּ֣חַד יְהֹוָ֗ה עַ֚ל כׇּל־מַמְלְכ֣וֹת הָאֲרָצ֔וֹת אֲשֶׁ֖ר סְבִיב֣וֹת יְהוּדָ֑ה וְלֹ֥א נִלְחֲמ֖וּ עִם־יְהוֹשָׁפָֽט׃
11 וּמִן־פְּלִשְׁתִּ֗ים מְבִיאִ֧ים לִיהוֹשָׁפָ֛ט מִנְחָ֖ה וְכֶ֣סֶף מַשָּׂ֑א גַּ֣ם הָעַרְבִיאִ֗ים מְבִיאִ֥ים לוֹ֙ צֹ֕אן אֵילִ֗ים שִׁבְעַ֤ת אֲלָפִים֙ וּשְׁבַ֣ע מֵא֔וֹת וּתְיָשִׁ֕ים שִׁבְעַ֥ת אֲלָפִ֖ים וּשְׁבַ֥ע מֵאֽוֹת׃ פ
12 וַיְהִ֧י יְהוֹשָׁפָ֛ט הֹלֵ֥ךְ וְגָדֵ֖ל עַד־לְמָ֑עְלָה וַיִּ֧בֶן בִּיהוּדָ֛ה בִּירָנִיּ֖וֹת וְעָרֵ֥י מִסְכְּנֽוֹת׃
13 וּמְלָאכָ֥ה רַבָּ֛ה הָ֥יָה ל֖וֹ בְּעָרֵ֣י יְהוּדָ֑ה וְאַנְשֵׁ֧י מִלְחָמָ֛ה גִּבּ֥וֹרֵי חַ֖יִל בִּירוּשָׁלָֽ͏ִם׃
14 וְאֵ֥לֶּה פְקֻדָּתָ֖ם לְבֵ֣ית אֲבוֹתֵיהֶ֑ם לִֽיהוּדָה֙ שָׂרֵ֣י אֲלָפִ֔ים ס עַדְנָ֣ה הַשָּׂ֔ר וְעִמּוֹ֙ גִּבּ֣וֹרֵי חַ֔יִל שְׁלֹ֥שׁ מֵא֖וֹת אָֽלֶף׃ ס
16 וְעַל־יָדוֹ֙ עֲמַסְיָ֣ה בֶן־זִכְרִ֔י הַמִּתְנַדֵּ֖ב לַיהֹוָ֑ה וְעִמּ֛וֹ מָאתַ֥יִם אֶ֖לֶף גִּבּ֥וֹר חָֽיִל׃ ס
17 וּמִ֨ן־בִּנְיָמִ֔ן גִּבּ֥וֹר חַ֖יִל אֶלְיָדָ֑ע וְעִמּ֛וֹ נֹשְׁקֵי־קֶ֥שֶׁת וּמָגֵ֖ן מָאתַ֥יִם אָֽלֶף׃ ס
19 אֵ֖לֶּה הַמְשָׁרְתִ֣ים אֶת־הַמֶּ֑לֶךְ מִלְּבַ֞ד אֲשֶׁר־נָתַ֥ן הַמֶּ֛לֶךְ בְּעָרֵ֥י הַמִּבְצָ֖ר בְּכׇל־יְהוּדָֽה׃ פ
1 בְּדַרְכֵי דָוִיד אָבִיו הָרִאשֹׁנִים. וְלֹא הָאַחֲרוֹנִים שֶׁפָּשַׁע בְּמַעֲשֵׂה בַת שֶׁבַע, וְגַם הֵסִית אוֹתוֹ שָׂטָן לִמְנוֹת אֶת יִשְׂרָאֵל דברי הימים א כא:א. וְעִיקָּר וְיֵשׁ מְפָרְשִׁים: רִאשֹׁנִים רֹאשׁ לִשְׁלֹמֹה וְרַחְבְעָם; שְׁלֹמֹה – נָשָׁיו הִטּוּ לְבָבוֹ בְּאַחֲרִית יָמָיו וּבָנָה בָּמָה לִכְמוֹשׁ תּוֹעֲבַת מוֹאָב וּלְמוֹלֶךְ שִׁקּוּץ בְּנֵי עַמּוֹן מלכים א יא:ז, וְרַחְבְעָם – כְּתִיב ״וַיְהִי כְּהָכִין מַלְכוּת רְחַבְעָם וּכְחֶזְקָתוֹ עָזַב אֶת תּוֹרַת ה׳״ דברי הימים ב יב:א. וְלֹא כְּאָבִיו שֶׁכָּתוּב בּוֹ בִּמְלָכִים ״וְלֹא הָיָה לְבָבוֹ שָׁלֵם עִם ה׳ אֱלֹהָיו״ מלכים א טו:ג, וְלֹא כְּאָסָא שֶׁלֹּא נִשְׁעַן בַּה׳, אֶלָּא כְּדָוִד אָבִיו, שֶׁלֹּא הָיָה לוֹ אֶלָּא לֵב אֶחָד לְאָבִיו שֶׁבַּשָּׁמַיִם:
2 וְלֹא דָרַשׁ לַבְּעָלִים. כְּמַעֲשֵׂה יִשְׂרָאֵל שֶׁבְּיָמָיו, כִּי אַחְאָב הָיָה בְּיָמָיו, שֶׁעָבַד אֶת הַבְּעָלִים הוּא וְיִשְׂרָאֵל שֶׁבְּיָמָיו:
3 וַיִּגְבַּהּ לִבּוֹ בְּדַרְכֵי ה׳. גָּבַהּ לִבּוֹ בְּדָבָר זֶה שֶׁלֹּא הָלַךְ כִּי אִם בְּדַרְכֵי ה׳; דּוּגְמָא: ״אֲשֶׁר נָשָׂא לִבָּן אֹתָנָה בְּחָכְמָה״ שמות לה:כו:
4 שָׁלַח לְשָׂרָיו לְבֶן חַיִל. כָּךְ הָיָה שְׁמוֹ. וְיֵשׁ מְפָרְשִׁים: שָׁלַח לְשָׂרָיו, כָּל שַׂר בֶּן חַיִל; וְקַשְׁיָא לִי: אִם כֵּן לֹא הָיָה לוֹמַר אֶלָּא לְעֹבַדְיָה, אֶלָּא מִמַּה שֶׁאָמַר וּלְעֹבַדְיָה, מִכְּלָל לְבֶן חַיִל שֵׁם אָדָם הוּא:
7 וְעִמָּהֶם אֱלִישָׁמָע וִיהוֹרָם הַכֹּהֲנִים. כִּי עַל הַכֹּהֲנִים וְהַלְוִיִּם לְלַמֵּד וּלְהוֹרוֹת, כְּדִכְתִיב ״כְּכֹל אֲשֶׁר יוֹרוּ אֶתְכֶם הַכֹּהֲנִים״ וְ״הַלְוִיִּם״ דברים כד:ח. וְהַשָּׂרִים הָלְכוּ עִמָּהֶם, לְפִי שֶׁלֹּא יַמְרוּ אֶת פִּיהֶם וּלְהַכְרִיחָם לִשְׁמֹעַ לָהֶם, וְלִשְׁמֹר לַעֲשׂוֹת כְּמִצְוַת הַשּׁוֹפְטִים; דּוּגְמַת ״שׁוֹפְטִים וְשׁוֹטְרִים תִּתֶּן לְךָ״ דברים טז:יח – שׁוֹפְטִים לִשְׁפֹּט אֶת הָעָם, וְשׁוֹטְרִים לְהַכְרִיחָם וְלַעֲשׂוֹת צִוּוּי הַשּׁוֹפְטִים:
9 וְכֶסֶף מַשָּׂא. מַשָּׂאוֹת שֶׁל כֶּסֶף, דֻּגְמָא: ״הָיוּ נְשׂוּאֹתֵיכֶם עֲמוּסוֹת מַשָּׂא״ ישעיה מו:א:
10 וַיְהִי יְהוֹשָׁפָט הוֹלֵךְ וְגָדֵל. שְׁלֹשָׁה שֶׁנֶּאֱמַר כְּלָשׁוֹן זֶה: יִצְחָק בראשית כו:יג, שְׁמוּאֵל שמואל א ב:כו, יְהוֹשָׁפָט. אֲבָל מֹשֶׁה שמות יא:ג, דָּוִד דברי הימים א יא:ט, מָרְדֳּכַי אסתר ט:ד; י:ג נֶאֱמַר בָּהֶם ״וְגָדוֹל״. אֲבָל יִצְחָק בראשית כו:יג, שְׁמוּאֵל שמואל א ב:כו, יְהוֹשָׁפָט כָּתוּב בָּהֶם וְגָדֵל, שֶׁאֵין נָכוֹן לוֹמַר וְגָדוֹל; בִּשְׁמוּאֵל כְּתִיב ״וַיִּגְדַּל הַנַּעַר שְׁמוּאֵל עִם ה׳״ שמואל א ב:כא, וְחַס וְחָלִילָה לוֹמַר גָּדוֹל עִם ה׳! וְכָאן כְּמוֹ כֵן: גָּדֵל עַד לְמָעְלָה, לָכֵן לֹא הָגוּן לוֹמַר גָּדוֹל, וְכֵן בְּיִצְחָק:
