מקור דברי הימים א כ״ח:א׳
1 וַיַּקְהֵ֣ל דָּוִ֣יד אֶת־כׇּל־שָׂרֵ֣י יִשְׂרָאֵ֡ל שָׂרֵ֣י הַשְּׁבָטִ֣ים וְשָׂרֵ֣י הַמַּחְלְק֣וֹת הַמְשָׁרְתִ֪ים אֶת־הַמֶּ֟לֶךְ וְשָׂרֵ֣י הָאֲלָפִ֣ים וְשָׂרֵ֣י הַמֵּא֡וֹת וְשָׂרֵ֣י כׇל־רְכוּשׁ־וּמִקְנֶה֩ לַמֶּ֨לֶךְ וּלְבָנָ֜יו עִם־הַסָּרִיסִ֧ים וְהַגִּבּוֹרִ֛ים וּֽלְכׇל־גִּבּ֥וֹר חָ֖יִל אֶל־יְרוּשָׁלָֽ͏ִם׃
פירוש רש"י על דברי הימים א כ״ח:א׳
1 וַיַּקְהֵל דָּוִיד אֶת כָּל שָׂרֵי יִשְׂרָאֵל. אֵלּוּ הַשָּׂרִים שָׂרֵי שְׁבָטִים, כְּדִכְתִיב ״וְעַל שִׁבְטֵי יִשְׂרָאֵל לָרְאוּבֵנִי״ דה״א כז:טז:
2 וְשָׂרֵי הַמַּחְלְקוֹת. אֵלּוּ שְׁתֵּים עֶשְׂרֵה מַחְלְקוֹת שֶׁל מֶלֶךְ דברי הימים א כז:א, ״וּבְנֵי יִשְׂרָאֵל לְמִסְפָּרָם וְגוֹ׳״:
3 וְשָׂרֵי הָאֲלָפִים. כִּדְלְעֵיל דברי הימים א יג:א:
4 וְשָׂרֵי הַמֵּאוֹת. שׁוֹטְרֵיהֶם:
5 וְשָׂרֵי כָל רְכוּשׁ וּמִקְנֶה לַמֶּלֶךְ. אוֹתָן שֶׁמַּזְכִּיר לְעֵיל דברי הימים א כז:כה-לא, ״עַל אוֹצְרוֹת הַמֶּלֶךְ״ וְ״עַל הַכְּרָמִים״ וְ״עַל הַזֵּיתִים״ וְהַמִּקְנֶה – הַשָּׂרִים שֶׁהָיוּ עַל הַבָּקָר וְעַל הַגְּמַלִּים וְעַל הַצֹּאן; שֶׁכָּל מִין הַבְּהֵמָה קָרוּי מִקְנֶה, כְּדִכְתִיב ״גַּם מִקְנֵה בָּקָר וָצֹאן הַרְבֵּה הָיָה לִי״ דְּקֹהֶלֶת קהלת ב:ז: