מקור דברי הימים א כ״ד
1 וְלִבְנֵ֥י אַהֲרֹ֖ן מַחְלְקוֹתָ֑ם בְּנֵ֣י אַהֲרֹ֔ן נָדָב֙ וַאֲבִיה֔וּא אֶלְעָזָ֖ר וְאִיתָמָֽר׃
2 וַיָּ֨מׇת נָדָ֤ב וַֽאֲבִיהוּא֙ לִפְנֵ֣י אֲבִיהֶ֔ם וּבָנִ֖ים לֹא־הָי֣וּ לָהֶ֑ם וַֽיְכַהֲנ֔וּ אֶלְעָזָ֖ר וְאִיתָמָֽר׃
3 וַיֶּחָלְקֵ֣ם דָּוִ֔יד וְצָדוֹק֙ מִן־בְּנֵ֣י אֶלְעָזָ֔ר וַאֲחִימֶ֖לֶךְ מִן־בְּנֵ֣י אִיתָמָ֑ר לִפְקֻדָּתָ֖ם בַּעֲבֹדָתָֽם׃
4 וַיִּמָּצְא֣וּ בְֽנֵי־אֶלְעָזָ֡ר רַבִּ֞ים לְרָאשֵׁ֧י הַגְּבָרִ֛ים מִן־בְּנֵ֥י אִיתָמָ֖ר וַֽיַּחְלְק֑וּם לִבְנֵ֨י אֶלְעָזָ֜ר רָאשִׁ֤ים לְבֵית־אָבוֹת֙ שִׁשָּׁ֣ה עָשָׂ֔ר וְלִבְנֵ֧י אִיתָמָ֛ר לְבֵ֥ית אֲבוֹתָ֖ם שְׁמוֹנָֽה׃
5 וַיַּחְלְק֥וּם בְּגוֹרָל֖וֹת אֵ֣לֶּה עִם־אֵ֑לֶּה כִּֽי־הָי֤וּ שָׂרֵי־קֹ֙דֶשׁ֙ וְשָׂרֵ֣י הָאֱלֹהִ֔ים מִבְּנֵ֥י אֶלְעָזָ֖ר וּבִבְנֵ֥י אִיתָמָֽר׃ ס
6 וַֽיִּכְתְּבֵ֡ם שְֽׁמַעְיָה֩ בֶן־נְתַנְאֵ֨ל הַסּוֹפֵ֜ר מִן־הַלֵּוִ֗י לִפְנֵ֨י הַמֶּ֤לֶךְ וְהַשָּׂרִים֙ וְצָד֣וֹק הַכֹּהֵ֗ן וַאֲחִימֶ֙לֶךְ֙ בֶּן־אֶבְיָתָ֔ר וְרָאשֵׁי֙ הָאָב֔וֹת לַכֹּהֲנִ֖ים וְלַלְוִיִּ֑ם בֵּֽית־אָ֣ב אֶחָ֗ד אָחֻז֙ לְאֶלְעָזָ֔ר וְאָחֻ֥ז אָחֻ֖ז לְאִיתָמָֽר׃ פ
7 וַיֵּצֵ֞א הַגּוֹרָ֤ל הָֽרִאשׁוֹן֙ לִיה֣וֹיָרִ֔יב ס        לִידַֽעְיָ֖ה הַשֵּׁנִֽי׃ ס
8 לְחָרִם֙ הַשְּׁלִישִׁ֔י ס        לִשְׂעֹרִ֖ים הָרְבִעִֽי׃ ס
9 לְמַלְכִּיָּה֙ הַחֲמִישִׁ֔י ס        לְמִיָּמִ֖ן הַשִּׁשִּֽׁי׃ ס
10 לְהַקּוֹץ֙ הַשְּׁבִעִ֔י ס        לַאֲבִיָּ֖ה הַשְּׁמִינִֽי׃ ס
11 לְיֵשׁ֙וּעַ֙ הַתְּשִׁעִ֔י ס        לִשְׁכַנְיָ֖הוּ הָעֲשִׂרִֽי׃ ס
12 לְאֶלְיָשִׁיב֙ עַשְׁתֵּ֣י עָשָׂ֔ר ס        לְיָקִ֖ים שְׁנֵ֥ים עָשָֽׂר׃ ס
13 לְחֻפָּה֙ שְׁלֹשָׁ֣ה עָשָׂ֔ר ס        לְיֶשֶׁבְאָ֖ב אַרְבָּעָ֥ה עָשָֽׂר׃ ס
14 לְבִלְגָּה֙ חֲמִשָּׁ֣ה עָשָׂ֔ר ס        לְאִמֵּ֖ר שִׁשָּׁ֥ה עָשָֽׂר׃ ס
15 לְחֵזִיר֙ שִׁבְעָ֣ה עָשָׂ֔ר ס        לְהַפִּצֵּ֖ץ שְׁמוֹנָ֥ה עָשָֽׂר׃ ס
16 לִֽפְתַחְיָה֙ תִּשְׁעָ֣ה עָשָׂ֔ר ס        לִֽיחֶזְקֵ֖אל הָעֶשְׂרִֽים׃ ס
17 לְיָכִין֙ אֶחָ֣ד וְעֶשְׂרִ֔ים ס        לְגָמ֖וּל שְׁנַ֥יִם וְעֶשְׂרִֽים׃ ס
18 לִדְלָיָ֙הוּ֙ שְׁלֹשָׁ֣ה וְעֶשְׂרִ֔ים ס        לְמַעַזְיָ֖הוּ אַרְבָּעָ֥ה וְעֶשְׂרִֽים׃ פ
19 אֵ֣לֶּה פְקֻדָּתָ֞ם לַעֲבֹדָתָ֗ם לָב֤וֹא לְבֵית־יְהֹוָה֙ כְּמִשְׁפָּטָ֔ם בְּיַ֖ד אַהֲרֹ֣ן אֲבִיהֶ֑ם כַּאֲשֶׁ֣ר צִוָּ֔הוּ יְהֹוָ֖ה אֱלֹהֵ֥י יִשְׂרָאֵֽל׃ פ
20 וְלִבְנֵ֥י לֵוִ֖י הַנּוֹתָרִ֑ים לִבְנֵ֤י עַמְרָם֙ שֽׁוּבָאֵ֔ל לִבְנֵ֥י שׁוּבָאֵ֖ל יֶחְדְּיָֽהוּ׃ ס
21 לִרְחַבְיָ֑הוּ לִבְנֵ֣י רְחַבְיָ֔הוּ הָרֹ֖אשׁ יִשִּׁיָּֽה׃ ס
22 לַיִּצְהָרִ֣י שְׁלֹמ֔וֹת לִבְנֵ֥י שְׁלֹמ֖וֹת יָֽחַת׃ ס
23 וּבְנָ֖י יְרִיָּ֑הוּ אֲמַרְיָ֙הוּ֙ הַשֵּׁנִ֔י יַחֲזִיאֵל֙ הַשְּׁלִישִׁ֔י יְקַמְעָ֖ם הָרְבִיעִֽי׃ ס
24 בְּנֵ֤י עֻזִּיאֵל֙ מִיכָ֔ה לִבְנֵ֥י מִיכָ֖ה שמור שָׁמִֽיר׃
25 אֲחִ֤י מִיכָה֙ יִשִּׁיָּ֔ה ס        לִבְנֵ֥י יִשִּׁיָּ֖ה זְכַרְיָֽהוּ׃ ס
26 בְּנֵ֤י מְרָרִי֙ מַחְלִ֣י וּמוּשִׁ֔י ס        בְּנֵ֖י יַעֲזִיָּ֥הוּ בְנֽוֹ׃ ס
27 בְּנֵ֖י מְרָרִ֑י לְיַעֲזִיָּ֣הוּ בְנ֔וֹ וְשֹׁ֥הַם וְזַכּ֖וּר וְעִבְרִֽי׃ ס
28 לְמַחְלִי֙ אֶלְעָזָ֔ר וְלֹא־הָ֥יָה ל֖וֹ בָּנִֽים׃ ס
29 לְקִ֖ישׁ בְּנֵי־קִ֥ישׁ יְרַחְמְאֵֽל׃ ס
30 וּבְנֵ֣י מוּשִׁ֔י מַחְלִ֥י וְעֵ֖דֶר וִירִימ֑וֹת אֵ֛לֶּה בְּנֵ֥י הַלְוִיִּ֖ם לְבֵ֥ית אֲבֹתֵיהֶֽם׃
31 וַיַּפִּ֩ילוּ֩ גַם־הֵ֨ם גּוֹרָל֜וֹת לְעֻמַּ֣ת אֲחֵיהֶ֣ם בְּנֵי־אַהֲרֹ֗ן לִפְנֵ֨י דָוִ֤יד הַמֶּ֙לֶךְ֙ וְצָד֣וֹק וַאֲחִימֶ֔לֶךְ וְרָאשֵׁי֙ הָאָב֔וֹת לַכֹּהֲנִ֖ים וְלַלְוִיִּ֑ם אָב֣וֹת הָרֹ֔אשׁ לְעֻמַּ֖ת אָחִ֥יו הַקָּטָֽן׃ ס
פירוש רש"י על דברי הימים א כ״ד
1 וְלִבְנֵי אַהֲרֹן. פִּתְרוֹן: אֵלֶּה בְּנֵי אַהֲרֹן וְגוֹמֵר, עַל מַחְלְקוֹתָם:
2 וַיָּמָת נָדָב וַאֲבִיהוּא וְגוֹ׳ וּבָנִים לֹא הָיוּ לָהֶם. לְפִי שֶׁלֹּא הָיוּ לָהֶם בָּנִים כִּהֲנוּ אֶלְעָזָר וְאִיתָמָר בִּמְקוֹמָם, אֲבָל אִם הָיוּ לְנָדָב וַאֲבִיהוּ בָּנִים, הָיוּ קוֹדְמִים לְאֶלְעָזָר וְאִיתָמָר בִּכְהוּנָּה גְּדוֹלָה; שֶׁכֵּן מָצִינוּ, שֶׁהֲרֵי יְהוֹצָדָק אָבִיו שֶׁל יְהוֹשֻׁעַ הָיָה עזרא ג:ח, וִיהוֹצָדָק וְעֶזְרָא בְּנֵי שְׂרָיָה הָיוּ, דִּכְתִיב ״וּשְׂרָיָה הוֹלִיד אֶת יְהוֹצָדָק״ דברי הימים א ה:מ וּבְעֶזְרָא כְּתִיב ״עֶזְרָא בֶּן שְׂרָיָה״ עזרא ז:א, וִיהוֹצָדָק הָלַךְ בַּגּוֹלָה לְבָבֶל, וּכְשֶׁעָלוּ מִבָּבֶל עָלָה יְהוֹשֻׁעַ וְשִׁמֵּשׁ וְלֹא שִׁמֵּשׁ עֶזְרָא, לְפִי שֶׁהָיָה יְהוֹצָדָק הַבְּכוֹר וְקִדְּמוֹ בֵּין אֶחָיו הַבְּכוֹר, כְּדִכְתִיב בִּנְבוּאַת חַגַּי ״יְהוֹשֻׁעַ בֶּן יְהוֹצָדָק הַכֹּהֵן הַגָּדוֹל״ חגי א:א:
3 וַאֲחִימֶלֶךְ מִן בְּנֵי אִיתָמָר. זֶה אֲחִימֶלֶךְ בֶּן אֶבְיָתָר, כְּדְמוּכַח בְּסָמוּךְ וַיִּכְתְּבֵם שְׁמַעְיָה וְגוֹ׳, עַד וַאֲחִימֶלֶךְ בֶּן אֶבְיָתָר:
4 וַיַּחְלְקוּם לִבְנֵי אֶלְעָזָר רָאשִׁים לְבֵית אָבוֹת שִׁשָּׁה עָשָׂר. מִתְּחִלָּה בְּמִשְׁכַּן שִׁילֹה לֹא הָיוּ כִּי אִם שֵׁשׁ עֶשְׂרֵה מִשְׁמָרוֹת, שְׁמֹנֶה מֵאֶלְעָזָר וּשְׁמֹנֶה מֵאִיתָמָר, כַּמְפֹרָשׁ בְּמַסֶּכֶת תַּעֲנִית כז.; וּכְשֶׁרָאָה דָוִד שֶׁהָיוּ רָאשֵׁי הַגְּבוּרִים לְאֶלְעָזָר רַבִּים, חִלְּקָם לְכָל מִשְׁמָר וּמִשְׁמָר שֶׁל אֶלְעָזָר לִשְׁנַיִם, וְהֶעֱמִידָם עַל שֵׁשׁ עֶשְׂרֵה מִשְׁמָרוֹת, וּמִשְׁמֶרֶת בְּנֵי אִיתָמָר הֶעֱמִיד עַל מַעֲמַד מִשְׁמָר כְּבָרִאשׁוֹנָה עַל שְׁמֹנֶה מִשְׁמָרוֹת. וְכֵן מוֹכִיחַ בְּסָמוּךְ: בֵּית אָב אֶחָד אָחֻז לְאֶלְעָזָר וְאֶחָד אָחֻז לְאִיתָמָר – כְּלוֹמַר: כְּאָחוּז לְמַעֲמָד לְמִשְׁמֶרֶת שֶׁבַּמִּשְׁכָּן כְּמוֹ כֵן הֶעֱמִידָן דָּוִד עַתָּה בְּבֵית הַמִּקְדָּשׁ:
5 וַיַּחְלְקוּם בְּגוֹרָלוֹת אֵלֶּה עִם אֵלֶּה. לְמִי יִפּוֹל הַגּוֹרָל לִהְיוֹת רִאשׁוֹן אוֹ שֵׁנִי אוֹ שְׁלִישִׁי אוֹ רְבִיעִי, וְכֵן כֻּלָּם:
6 וַיִּכְתְּבֵם שְׁמַעְיָה. לִהְיוֹת לָהֶם לְזִכָּרוֹן מִי רִאשׁוֹן וּמִי שֵׁנִי, וְכֵן כֻּלָּם:
7 אֵלֶּה פְקֻדָּתָם לַעֲבֹדָתָם. אֵלּוּ שֶׁכְּתוּבִין כָּאן, רָאשֵׁי מִשְׁמָרוֹת פְּקֻדָּתָם עַל מִשְׁמָרוֹת הָיוּ: